أرجو المساعده من خبراء رينو كليو 2005

**en_ibrahim** · 27-11-2013 06:00 AM

السلام عليكم
انا عضوه جديده فى المنتدى وفى طريق لشراء اول عربيه ليا معروض عليا رينو كليو 2005 على 54000 جنيه مواصفاتها ... 1400 سى سى عامله 94000 كم اتوماتيك وتكييف ونظام abs وزجاج كهرباء وكنت عايزه اعرف السعر ده مينفعش ينزل شويا ولو حبيت اكشف عليها فى التوكيل لزياده الاطمئنان على حاله العربيه ايه اقرب توكيل لرينو علمآ انى من سكان القاهره الجديده بصراحه ليا زميله معاها رينو لوجان 2010 هى اللى حببتنى فى الرينو بصراحه بس فى ناس كتير على المنتديات بيشتكوا من قطع الغيار غاليه اوى وان الاتوماتيك فى الكليو مليانه عيوب معلش كنت عايزه اعرف عيوب العربيه؟ ارجو الافاده واسفه على الاطاله

**en_ibrahim** · 27-11-2013 06:13 PM

ايه ياجماعه الموضوع صعب اوى كده مفيش اى رد خالص

**medohai510** · 28-11-2013 08:06 PM

أنا معايا أختها بالظبط لكن 2004 وعايز أقولك أنه لو العربية حالتها كويسة فعلاً ومافيش حاجة بايظة أو متفبرقة يعني فمش خسارة فيها 54000 جنية وبالنسبة لقطع الغيار فهي متاحة وأسعارها عادية وعلي فكرة الأستيراد وعن تجربة أحسن من الجديد 1000 مرة وأغلي منه لأنه أصلي (فرنساوي) وفيه محلات كثيرة وفي كل مكان ، لكن لو عايزة العربية تكون ماشية تمام معاكي عطول لازم الميكانيكي يكون فاهم في الرينو أو مركز خدمة أو التوكيل
وبالنسبة للكشف قبل الشراء فأنصحك فرنش موتورز في الرحاب أقرب لك وناس فاهمه جداً ولو محتاجة أي أستفسار الناس هنا في المنتدي متعاونين الي أقصي درجة وهتفيدك كتيييييييير جداً وأنا تحت أمرك
والله الموفق

**en_ibrahim** · 29-11-2013 12:46 PM

شكرآ لحضرتك على الرد بس كنت عايزه اسأل هو التوكيل ممكن يعرف عداد العربيه ملعوب فى والا لا وممكن يقدر يتمنها والا ده مش متوفر وبعدين معلش هتقل على حضرتك ممكن حضرتك ترشحلى ميكانيكى كويس فى الرينو يجى معايا لما اروح اشوف العربيه لانى معرفش حد بجد واسفه على ازعاجك

**medohai510** · 02-12-2013 07:24 PM

علي ما أعتقد التوكيل نفسة لا يعرف أذا كان العداد ملعوب فية أم لأ لكن من خلال الخبرة فحالة العربية لو كويسة والعداد في المعدل الطبيعي لما في سنها فبيكون مش ملعوب فية أما إذا كانت الحالة تعبانة والعداد قليل الكيلو مترات إذن العداد متغير أو ملعوب فية وبلاش منها أصلاً....... يعني المهم الحالة بتاعة العربية أصلاً وبعد ذلك العداد إذا كان قليل يمكن التفاوض في السعر علي هذا الأساس
أما بالنسبة للميكانيكي أنت ممكن تشوفي الميكانيكي القريب منك وتروحي له أحسن بالعربية لأن ماميش حد يوافق أنه يسيب الورشة والشغل ويروح يشوف عربية وربنا يوفقك وتلاقي عربية كويسة ولقطة أن شاء الله
ولو محتاجة أي أستفسار أخر أنا تحت أمرك لأن أحنا هنا كلنا بنتعاون علي الخير