دة انا نفسي اكل طعمية حلوة في التجمع و مش عارف مفيش غير الشبراوي اللي عند المحكمة
هو الراجل دة في السوق نفسة اللي فية محلات بوية و سوبرماركت و ورش ولا فين بالظبط؟
عرض للطباعة
بالمرة بقى احكي لكم على موقف حصل معايا. كنت فى العمرانية فى التلاتينى القديم وكنت جعان فلقيت محل صغير كدة بيعمل بيتزا وفطير. الراجل واقف فى المحل لوحده هو اللى بيحاسب وبيشتغل. وحاطط برة على مدخل المحل اشولة فيها طماطم وفلفل وبصل وغيره وكان المحل بتاعه عبارة عن كونتر بيشتغل عليه وعلشان يطلع بره بيعدى من تحت الكونتر ولأن وزنه تقيل فكان بيحتاج يسند بايديه الاتنين على الأرض. الأخ خد منى الفلوس وبدأ يعمل لى البيتزا وبعدين احتاج بقى المكونات. لقيته راح معدى من تحت الكونتر وساند بايديه وواخد طماطم على كام قرن فلفل من الأشولة ودخل تانى عدى من تحت الكونتر بنفس الطريقة ومسك السكينة وقطع الحاجة وحطها على العجينة ومسك العجينة بايديه الحلوة وظبط الأداء وارمى ياحاج فى الفرن لغاية ما استوت.ووووو اتفضل. بصراحة... انا كلتها علشان كنت ميت بمعنى ميت من الجوع.
انا كان عندى فرن ايطالى للمخبوزات ومره واحد نزل من عربيه نقل بتنقل مخلفات البهايم كسماد للمزارع وكل هدومه وايده خره المهم اشترى قرص من الفرن عندى وبدأ ياكل فيها قبل ما يحاسب حتى فكلنا اندهشنا وقلناله ايه الى بتعمله ده انت مش شايف ايدك فيها ايه
ضحك بسنانه الصفرا ضحك الابله وقال يابيه احنا صحتنا بتيجى على كده ههههه