تمام
يعني مش لوحدي اللي بيعيب علي الحركه الغريبه دي
يعني الواجب الناس اللي بتشتغل في الاكل
تاخد بالها من الحاجات اللي تخلي الناس تقرف منهم
عرض للطباعة
انا كنت فاكر ان انا الوحيد الي بيقرف من الحاجات دي وكنت فاكر اني محتاج اروح لدكتور بس الحمدلله طلعت انسان طبيعي.
ومن التعامل مع كل فئات الناس اكتشفت ان ناس كتير لا مؤاخذه بتعمل حمام سواء مياة ولا طينه ومابتغسلش ايدها. خاصة الي بيتزنقوا في الشارع وطبعا ولا غسيل ايد ولا نيلة.
واللي بيلعب في مناخيره. مش بس كده لأ ده بينضف ايده في المكان اللي هو قاعد فيه.
ومره على طريق السويس لقيت العربيه الي ورايا نيسان اكس تريل والست بتنضف ودانها بايدها وعادي مفيش مشاكل وشكلها بنت ناس قوي. يعني الموضوع مالهوش علاقه بالوضع المادي خالص. دي تربيه وثقافه
وحسبي الله ونعم الوكيل -_-
بــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـس
هــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــوس
فطستوني من الضحك
خليتو الواحد يفتكر لما ولما ولما وكمان لما اشي مواقف حصلت للواحد ودا غير اللي شافها
ومعانا اضافة ومعانا كمان اتصال ونقول الو
لما تلاقي بقي شعرة ادمية في الاكل
قصة قديمة حقيقية حصلت لي -او لما تكون مندمج وجايب عيش من الفرن وبتقرا الجريدة او تشوف تليفزيون وانت بتقطم من رغيف العيش وتفاجأ بحاجة غريبة في وسط القطمة اللي لفظتها طبعا-باختصار الدقيق بييجي للفرن علي عربية بيجرها حصان وممكن الحصان مايكتمش اللي في جوانبه ويعبر عن نفسه وممكن شوال دقيق اثناء تنزيل الاجولة يفلت يقع عالارض يتخرم طبعا الدقيق دا حرام انه يترمي فيتلم من علي الارض بمخلفات الحصان ده وعندك كمان واحد يعععععععععععععععععععععععع ععع
اما الزميل اللي بيسال الحلويات الراجل بيعمل ايه علشان ايدة متلزقش بكل تلقائية وهو بيعمل عرق العسلية بيبصق في يده كل شوية وهو شغال اهو منها تبريد وتخفيف تلزيق ونقل جزء من جيناته للعسلية حتي يتآخي ابناء الوطن الواحد مجتمعين علي تفة او مخاط او مطرح واحد دبليو سي عالسريع
اهي دي حاجة من التربية في فرق بين اللي اتربي علي اسمها نعم مش ايه وحاضر مش ماشي وتف علي عمو واللي مترباش خالص وهلم تفا اقصد جرا
الاكل بره البيت غلط
انا تحتى محل حضرموت
دخلت المطبخ عنده لقيت الصراصير ماشيه بين الاكل و ياسلام لما حتت لحمه تقع على الارض و يشيلها من على الارض و يحطها
الحمد لله مبحبش اكل برة البيت الا لو رحلة بالاكل في فندق. في الشغل بجهز سندوتش لنفسي. لكن لو بشتري مخبوزات من الفرن اتاكد ان الحاجة متغطيه و اللي بيجبلي لابس جوانتي. لكن فيه مواقف بعيده عن مسالة المطاعم اللي ممكن تمشي و تسيبها. لو بتتعامل مع زميل او معزوم عند حد ومش شرط المستوي ممكن يكون كويس لكن الناس مش بتقرف او حتي في بيتك مع ضيوف. في بيتنا كل واحد له زجاجة مياه محدش يشرب غيره منها و محدش بيدي لاي حد غريب منها لكن هناك زجاجات اخري محدش بيجي جنبها الا لو استعمل كوب. يعني مفهوم الشرب مكان بعض غير مطروح او ان افرغ لحد من حاجه حد شرب منها غير مقبول ايضا. ولا حد عندنا ياكل او يشرب مكان التاني. مش قرف بس خلاص عادة و نفس و تعود من الصغر كل واحد له حاجته الخاصة. تخيلوا لو في زيارة و نطلب ماء الاقي زجاجه و كبايه واحده لكل الموجودين. خلاص انتهي بلاها ماء .او حد من الكتاكيت احباب الله من ابناء اصحاب المنزل اخد الزجاجة و شرب منها. خلاص انتهي. انا معايا دايما في الشنطه كوب صغير من اللي بيقفل زي بتاع الاطفال و في الظروف دي لو القاعدة هتطول باشرب فيه من الحنفيه حتي لو في الصيف. لكن لو العكس حد زارك و برده معاه اطفال . انا بجيب كبايات بعدد الموجودين لكن حد ظريف او طفل ممكن يمسك الزجاجه و يهم بالشرب منها ساعتها بحاول الحق و اديله كبايه و طبعا ببقي مفروسه. مفيش مراعاه لحد و الناس اللي مبيهمهاش مبتحسش باللي بيقرف و بتعتبره موسوس.
أنا واحد من الناس بصراحة بتريق على الناس الى بتقرف ... انا فى ناس قرايبنا كل ما أروحلهم بتشل ... كل واحد ليه أزازة فالتلاجة كاتب عليها اسمه ولو لقاها نقصت بيدلقها ويغيرها لدرجة ان فى واحدة منهم عاملالها براد شاى لوحدها فى دولابها ومبتغسلش هدومها مع هدوم أخواتها بصراحة العيشة بالمنظر دة تزهق
بس موضوع اﻷطفال دة فكرنى بموقف كنت عند واحدة زميلة المدام فى زيارة وعملولى كاس لمونادة وفجأه ابنها لقيته جاى ناحيتى وبيقولى أمبو وهو مناخيره مرشحة ومسيلة وانا اول مرة اروحلهم ومش عارف أقول له أيه فأديته يشرب وطبعا مناخيره جوة الكاس واللمونادة ... ولقيته بيدينى الكاس تانى وصاحبة مراتى بترجعلى الكاس وبتقوله دة بتاع عمو يا حبيبى وأنا كنت عاوز أدلقه فى وشه :d
ايه القرف ده :O_stupid[1]:
انا هبطل اجيب من اي حضرموت حاجه
كويس والله انكم كلكم بتعملوا كده. عندي انا بس الي بعمل كده. الحمدلله طلعنا كتير في البلد :D
ههههههههههههههههههههههههه ههههههههههههههههههههههههه ههههه :36_2_33:
الموقف ده فصلني ضحك
لازم تطبيق معايير الجودة والسلامه لغذاء امن للشعب . وحملات مفاجئه فيها عقوبه غلق المحل . لازم من يتدوال الطعام مغطى راسه ولابس زى المطبخ ولابس جوارب بلاستكيه . الاكل لازم يكون فى فاترينه زجاج مغلقه علشان الحشرات . لازم المحل يركب انظمه حمايه من الحشرات الزاحفه والطائرة . لازم مطبخ مفتوح للجمهور من خلال زجاج تراه بنفسك لتطمئن على غذائك كما هو معمول فى دول الخليج . لازم شهادات صحيه خلو من الامراض للبائعين وهكذا
شفت حضرتك قرفت ازاي؟ احساسك هو نفس احساس واحد بيقرف بس من حاجه اخف زي الشرب مكان حد . لكن الام دي بصراحه غريبه المفروض تقدم كوب عصير تاني. انا ابن خالتي منذ كان صغيرا بيقرف اكثر من كده . لو شرب في كوب ماء يقرف من نفسه ولازم اغسله عشان يرضي يشرب فيه ماء تاني. بيعذبنا لما بيزورنا. بس عندي ضمير و بغسلها و الله.
mahmoud_afifi .لا فيه مننا كتير و احسن نعمة من الله ان يكون من حولك مثلك او بيراعوا الموضوع ده. كان لي صديقه في النادي مثلي تماما. معاها حاجتها و مش بتقولي و لا بقولها هاتي كبايتك و اصحابنا كانوا بيسخروا مننا بس ولا يهمنا. فلذلك رجاء من اللي بيقرفوا للاخوه اللي مبيقرفوش و فيه ناس بيطلقوا عليهم اللي نفسهم حلوة انهم يراعوا المسأله دي و يخلوا بالهم في الزيارات او الشغل و محدش يطلب منهم استعمال حاجتهم الشخصيه مثل كوب او ملعقه او ما شابه بلاش تحرجهم. و اللي معاه اطفال ياخذ باله. و شكرا