ايه الفرق بين الجي ام و الأكولايزر ؟

**HeMa_LanCeR** · 18-09-2008 02:49 AM

ايه الفرق بين الجي ام و الأكولايزر ؟
انا مشغل ام بي ثري واكولايزر علي سماعتين بيونير
فهل لو شغلتهم علي جي ام الصوت هيختلف
وازاي اظبط البيز والحاجات دي من الجي ام زي الأكولايزر كده
لأني بشوف الجي ام لا يوجد به باند زي الأكولايز كده
فا ازاي اظبط الصوت ؟؟؟؟

**bolvegari** · 19-09-2008 06:21 AM

الفرق بين الجي ام والاكولايزر زى الفرق بين

الفيرارى وال 128

**mazgangy** · 19-09-2008 06:52 AM

المشاركة الأصلية كتبت بواسطة bolvegari

الفرق بين الجي ام والاكولايزر زى الفرق بين

الفيرارى وال 128

معلش حضرتك انا مش فاهم وكمان مستغرب ممكن توضح حضرتك تقصد ايه وازاى يعنى الفرق بين الجى ام والاكولايزر زى الفيرارى وال 128

**maka** · 19-09-2008 07:06 AM

المشاركة الأصلية كتبت بواسطة bolvegari

الفرق بين الجي ام والاكولايزر زى الفرق بين

الفيرارى وال 128

اجابة غريبة اوى

**mazgangy** · 19-09-2008 07:10 AM

فعلا اجابه غريبه انا عاوزك بس يا باشا تفهمنا وجهة نظرك فى الاجابه دى وتكون مشكور جدا

انا معاك انك تكول الكلمه دى لو كان السوال دى الفرق بين الجى ام الكينود او البايونير او الجى بى ال بالجى ام السيمفونى مثلا مع احترامى للسيمفونى مقابل سعره

**maka** · 19-09-2008 07:16 AM

انا والله لو اعرف كنت قولت

**mazgangy** · 19-09-2008 07:19 AM

هو انا مش فاهم علشان اصلا

السوال بين جى ام واكيولايزر ده حاجه وده حاجه وكمان الايكويلايزر راحت عليه خلاص بقى فى كاسيت سى دى وفيه زيرو باور او زيروو باور منفرد ويدى ادء احسن من الايكولايزر وتحكمات كتير وتحكم بيز وكل اللى بتحلم بيه والجى ام حاجه تانيه خالص ده مضخم صوت وحضرتك كده انا شايف انك قارنت بين حاجتين مش نفس الوظيفه وشبهت حاجه ب 128 و حاجه بالفيرارى يعنى حاجه كويسه اوووى وحاجه وحشه اوووى مع احترامى لل 128 بس ديه فيرارى هههههههههههههههه وكنت عاوز اعرف من حضرتك بس مين 128 ومين الفيرارى

ديه وجهة نظرى المتوضعه وعاوز اعرف بقيت ردود الاعضاء علشان فعلا موضوع ورد غريب وكل سنه وانتم طيبين وكل اعضاء نايل موتورز طيبين وياريت محدش ياخد ردى بحساسيه انا بس حبيت اوضح حاجه واقول وجهة نظرى واهم حاجه كل الاعضاء تستفيد وكل الاعضاء هنا اخوه واهم حاجه الافاده والمنفعه العامه

**magomago** · 19-09-2008 10:24 AM

ممكن ترجع لموضوع الاخ المحترم ahmedateya

ففية شرح وافى لل GM
http://www.nilemotors.net/Nile/showthread.php?t=15492

**محمد فريد** · 19-09-2008 02:45 PM

ممكن تجيب جى ام سيمفونى 300 وات او 400 على السماعتين وتشيل الايكولايزر خالص وهيبقى التحكم من ال MP3 مع ان كده مش هيبقى فيه خيارات كتير لتظبيط الصوت بس هيبقى جامد جدا
بس بص هتحط الجى ام فى الشنطة وهتجيب وصلة rca ومشترك تحويل 2فى 1 للدخول فى فتحة الصوت لل MP3
بالنسبة لسؤال بتاعك تظبيط البيز والحاجات دى : كل اللى ممكن تتحكم بيه فى الجى ام هو مستوى التضخيم (الاشارة) اللى جايه من الام بى ثرى - Bass boost
والفلاتر بقى (صوت بس - صوت وبيز - بيز بس) مع امكانية التحكم فى مدى البيز و الصوت

**KoDaK_Gti** · 20-09-2008 03:10 AM

الايكولايزر هو وظيفته تنغيم الصوت
يعنى تتحكم فى مستويات الصوت عن طريقه وتوصيلاته بتكون سلوك
بتوصل سلوك السماعات اللى خارجه من الكاسيت عليه وهو بيكون فيه خرج تانى سلوك تتوصل على السماعات علطول

الجى ام هو مضخم صوت وفيه انواع منه للتحكم فى الصوت
فى منه نوع فوليوم بس يعنى يضخم الصوت بس وفى منه فوليوم و وترددات للصوت وبيز وميدرنج
ولازم الكاسيت اللى راكب يكون فيه مخرج Rca ويتوصل بالجى ام