الموضوع: عزل السيارة من الداخل و الخارج

بعد قراءة مواضيع العزل للعباقره الكبار رجالة المنتدى الاستاذ عصام غنايم و الاستاذ ظريف
واللى كل يوم بتعمل حاجه من المنتدى فكرة انقل خبرتى فى مجال العزل الحرارى و الصوت للاخوتنا و اللى يحب يسال ايه احسن نوع نعزل بيه عربيتنا من الداخل و الخارج

هبتدى الاول بانواع العزل وممكن يكون كتير عارفينا بس انا بحكم شغلى هتكلم على الانواع بايجاز وايه احسن حاجه ممكن نعزل بيها العربيه صوت و حرارة

1- الصوف الزجاجى
ده وظيفتة منع دخول الحرارة و عدم تسريب الهواء البارد افضل مكان نركبه فيه هو (سقف العربيه )
2-الارما فليكس ال9 مللى
فيه منه نوعين العادى و الثانى اللى فيه وش الومنيوم وكمان دبل فيس لزق منه فيه وده اللى بفضله فى عزل (ارضيات العربيه و كمان البيبان و صدر العربيه من جوه و الشنطه)
3- الصوف الصخرى
ده وظيفته عزل الحرارة الزياده عن 50 درجه فما فوق ده بنستخدمه فى عزل مداخن المولدات عندنا فى الشغل وطبعا درجة حرارتها ممكن تكون 90 او 100 كمان عزلها بالصف الصخرى ده ولا كان فيه حاجه
يبقى يفضل (عزل صدر السيارة من الخارج )

وبكده اقدر اقولكم الصوت هوسسسسسسسسسسس و الحرارة مفيش كلام ولو سايب العربيه فى الصحراء و كمان التكيف ثلاجه ومن اول درجه
وعلى العموم انا تحت امر اخواتى فى اى سؤال
انا مقدم على الخطوه دى بس انا هعمله لما العربيه تخلص سمكره ودوكو وعفشه
اخوكم احمد السنهوتى

ياباشا احنا اللى نعمل المواضيع دى لو صانيعى هيعمل الكلام ده هياخد مبلغ وقدره
احنا نعرف بس ازاى نفك الطابلوه بتاع النوبيرا والدنيا هتبقى تمام