الموضوع: تقرير عن البيجو 301 بعد صيانة ال 2500 كم

المشاركة الأصلية كتبت بواسطة ramy hazem

اولا الف مبروك علي السيارة , وربنا يباركلك فيها ويكفيك شرها وشر اعين الناس
ثانيا انا لاحظت من الصور انك عملت فرش اللسيارة , ممكن اتطفل عليك واعرف عملته بكام وفين
ثالثا الدواسات بتاعة السيارة مش بتلم تراب كتير ؟؟ حاسس انها ممكن تلم اكتر من الجلد
رابعا اخبار التعامل مع التوكيل ايه في الصيانة ؟؟
خامسا اعتقد ان العيوب الي شوفتها في السيارة يمكن التعامل معاها ولا يقل من قيمتها , يمكن الواحد بيدور ديما علي الافضل ولكن كل شئ ليه سعر ومش هتاخد كل حاجة الا لما تدفع كويس
اعتقد من خلال كلامك ان مفيش عيوب في الاداء , كلها تقريبا نقص في الكمليات ورغبة منك في بعض الاضافات

اخيرا تقرير رائع جدا ويستحق التقدير وخصوصا انه تجربة حيه بالصور الحيه وبتفاصيل مهمة ده الي مخليه مميز

اولا : ربنا يبارك فيك وعليك بإذن الله وجزاك الله خيرا .
ثانيا : بالنسبة للفرش انا عملته عند صديق لى للكماليات اسمه رمزى عنده محلان واحد فى احمد سعيد والاخر فى مدينة نصر بعد الليثى للسيارات وامام على رضا للكماليات وكلفنى 600 ج . ك
ثالثا : الدواسة دى بالنسبة لى عملية جدا لانها فعلا بتلم التراب كله من الاحذية ولكنها تجمعه ولا يتسرب التراب من خلالها ولكنه لا يرى نهائيا ولا تشعر ان الدواسة بها تربة وتحتاج الى تنظيف وبمجرد اخراجها وتنفيضها وشوية هواء بترجع زى الفل وتظل الارضية تحتيها نظيفة تماما دون اى غبار .. بالنسبة لى عملية جدا وتانى مرة استخدمها بعد الكارينز وبنزل ادور عليها مخصوص .
رابعا : التوكيل .. انا رحت فرع صلاح سالم فى صيانة ال 2500 والناس بصراحة محترمين ومنظمين والصيانة سريعة واللى اخد وقت بس الابديت بتاع النيو سوفت وير .. لكن المجمل نقدر نقول جيد جدا .
خامسا : بالنسبة للعيوب هى ليست عيوب جوهرية ولكن هى ما ينقصها او يعيب استخدامها عمليا كعيب درج التابلوه .. بصراحة سيئ جدا ,, ولكن لا تعيب السيارة كاستخدام فعلى فى القيادة .
اخيرا : الحمد لله ان التقرير نال رضاك ورضا الكثير من الزملاء .

المشاركة الأصلية كتبت بواسطة ramy hazem

ياريت لو تفيدنا بتجربتك مع الترخيص برده وتكون بشئ من التفصيل شوية

الحقيقة ان الترخيص لا يكون فيه اى مشاكل نهائيا كونها عربية زيرو ولكن
اولا : ورق السيارة وهو المبايعة من الشركة ومحتومة بختم الشركة + الافراج الجمركة للسيارة برقم الشاسيه والموتور + شهادة بينات السيارة من المرور الرئيسى بالدراسة . وده كله بتستلمه من الوكيل
ثانيا : الاجراءات لثلاث سنوات .. التاأمين الاجبارى لثلاث سنوات + 3 نماذج 256 من المرور وورق الفحصوالطفاية والبيئة + طفاية الحريق .. بتعمل الفحص وبتدفع الضريبة 3 سنوات وتأمين اللوحات وتستلم الرخصة ومبروك .

المشاركة الأصلية كتبت بواسطة ah_tharwat

ما شاء الله ألف مبروك .... ربنا يرزقك خيرها و يبعد عنك شرها

الله يبارك فى حضرتك وجزاك الله خيرا

الحقيقة كان حد من الزملاء طلب منى شكل الداليات الاورجينال اللى ركبتها فى العربية .. واليكم الصور

المشاركة الأصلية كتبت بواسطة maio_do

الف مبروك يا كبير انت جبت العربية منين وبكام

الله يبارك فيك وعليك يارب .. انا جبت العربية من بيجو فرع صلاح سالم وكانت فترة الحجز 3 شهور واستلمت ب 135900 ج

المشاركة الأصلية كتبت بواسطة maio_do

انا لقيتها فى سمير ريان ب 143 مش عارف احجزها بالسعر ده ولا اية رايك

وانت استلمت مع العربية حاجة كماليات خارجية ؟

فيه سوال كنت عايز اسالة للمالك العربية ومش فاكراه مش عارف ليه

اخبار السماعات وصوتها اية

شوف يا باشا الموضوع يرجع ليك بكل جوانبه .. انا كان معايا عربية تانى ومش مستعجل قوى وكنت حاجزها قبل 30 يونيو على طول فكانت فترة الانتظار مصلحة ليا من كل الجوانب .. الظروف ما طمنش وكمان انا معايا عربية فا مش فارقة .. ولكن الايام غير .. فلو حضرتك مستعجل قوى ومعكش عربية ومش هاتقدر تستنى الفترة الكبيرة دى ومعاك فلوسها توكل على الله .. مكنش يبقى استنى احسن وانت اولى بالفلوس الفرق .. وانا تحت امرك منين ما تفتكر سؤالك انا موجود .وبالنسبة للسماعات فى الهاى لاين 4 سماعت والصوت حلو قوى مش وحش ولا متوسط نقدر نقول جيد جدا .. بس مش ممتاز ..

المشاركة الأصلية كتبت بواسطة akram.gamal

ماشاء الله .. ع البركه
اتكلفت كام يا احمد بيه !!

الداليات بالظبط 550 ج و55 ض . م . و100 مصنعيات تركيب تقريبا كد على ما اتذكر