:what:لا وجه للمقارنة bmw بدون نقاش
عرض للطباعة
:what:لا وجه للمقارنة bmw بدون نقاش
احسن حاجة دلوقتى وجود موضوع التست درايف فى معظم التوكيلات... حضرتك تحجز تست درايف الآثنين واللى تحس بانك مرتاح فيها اكثر اتكل على الله...انا واثق ان البى ام حتكسب...احساس تانى خالص ومتعة فى القيادة والتحكم...... موضوع الاوبشنز ده مش مشكلة خالص لان فيه حتى ابشونز مش حتستعملها كثير وتتمتع بيها بس احساس التحكم الكامل والقيادة الممتعة فى البىام ممكن يخليك تتغاضى شوية عن الابشنز...
موضوع الانسجنيا غير الفكترا مش حقيقى لانهم غيروا اسم الفكترا وبقى هو انسجنيا واخذت العربية سيارة العام فى فئتها اول ما نزلت 2009 على ما اتذكر...بس فعلا ابعد على قد ما تقدر عن منصور...والله الموفق
انا اقصد بأن الانسجنيا حاجة و الفكترا حاجة تانية ان الانسجنيا بقت اكبر و اشيك من الفكترا و بقت بتنافس عربيات عالية كمان زي الاودي و عارف ان الفكترا تم استبدالها بالانسجنيا و الكلام ده عارفه من زمان من اول الموضوع ده لأن انا واحد من ملاك الفيكترا سي و عارف اللي حصل و سعرها نزل بسبب انها اخر موديل فيها و طبعا اللي يحكم المقارنة دي تجربة الاتنين بس الدفع الخلفي صعب تسيبه و انك تبقى راكب بي ام دي حاجة تانية و جميلة بس الخوف قطع الغيار لو صاحب الموضوع يستحملها يبقى اكيد البي ام .
Bmw for sure I read the people's rviews herr about Mansour and they all agree that he is the worest service provider andits a BMW another class of cars
لماذا لا يجوز معلش العربيات مش بالماركات ليه محدش عايز يعترف ان ماركة كذا افضل من كذا حضرتك العربيات بره بتتقارن بالعملية و مدى توفيرها و مقدار الهندسة اللي بيها كتوافق القوة مع العفشة و سلاسة و المحرك و الفتيس و نظم التعليق و مقدار انبعاثات ثاني أكسيد الكربون و تكاليف التشغيل و توفير الوقود و معلومة بسيطة لحضرتك الانسجنيا و اخدة في 2009 جائزة افضل سيارة غير 26 جائزة اخرى يعني تفوقت على الماركات الكبيرة زي " الاودي " و المرسيدس و لو جينا بقى للفئات و التصنيفات الاوروبية هتلاقي ان الانسجنيا و الاودي a4 في نفس الفئة مع الفئة الثالثة و ال c class يبقى لازم الكلام يكون مبني على اسس ومعايير و خلي بالك لو حد دخل من قسم اوبل و شاف الكلام ده مش هيسيبوك هههههه ، بهزر :0002014A:
بعد المشاركات دي عرفت ليه البلد دي منتشر فيها البي ام والمرسيدس
الاوبل الانسيجنيا الماني تقفيل الماني البي ام الماني تقفيل مصري
الاوبل الانسيجنيا اوبشن اعلى من البي ام
الانسيجنيا قطع غيار اكيد هتكون ارخص من البي ام
القيمة السعرية ف البي ام بتنزل جامد جدا واكتر عربية غالية ف قيمتها وبينزل سعرها ف المستعمل والاوبل هتمسك سعر عنها
البي ام قوة ماتور والاوبل برده ماتورها جامد 170 حصان بس معرفش البي ام قدرتها الحصانية كام
الاوبل ثابتة وخاصا جنط 18 والبي ام جنط 17 والاتنين كعوامل امان متوافر فيهم الامان عشان ببساطة العربيتين الماني
الشكل البي ام اشد جذابية من الاوبل وده بيختلف ع حسب الازواق
الخلاصة العربيتين كويسين ومش هتندم ع اي منهم والاتنين خامات التابلوه محترمة
اى والله عندك حق.
الانسيجنيا كمان فئة حجمية أعلى مع احترامى طبعا ان البى ام executive بس 316 أقل حاجة عندهم والانسيجنيا أعلى حاجة عند أوبل.
انا عن نفسى ماحبش اشترى أقل منتج عامة مش فى العربيات بس.
وعلى فكرة أداء موتور الانسيجنيا أعلى من 316 فى القدرة الحصانية والعزم كمان
فالموضوع مش بي ام "طبعاً" ولا حاجة زى ما الأعضاء الأفاضل قالوا.
لا دى مقارنة صعبة وأنا قولت رأيى الشخصى المتواضع
لو أنا اللي محتار مكانك هختار البي أم.. و ده لحبي للبي أم مش لأنها أحسن من الأنسينيا..
لكن لو جينا نقارن عربية لعربية و توكيل لتوكيل.. فالأنسينيا تمسح الـ316 من على الأرض..
الأنسينيا تتقارن كفئة حجمية بالفئة الخامسة من بي أم اللي هي فئة الـD-Segment اللي بتضم الباسات و البيجو 508..
أعادة بيع العربيتين يعتبروا مش أحسن حاجة, الأتنين بيخسروا كتير لما تيجي تبيع.. و الأنسينيا لسة مش باين سوقها هيبقى عامل أزاي, بس البي أم معروفة أنها بتخسر مبلغ محترم بمجرد أنك علقت نمر..
توكيل بي أم, خدمة كويسة و أسعار غالية بطريقة أستغلالية..
توكيل أوبل, خدمة متوسطة و أسعار متوسطة مقارناً بالبي أم..
شوف أمكانية انك تعمل تست درايف للعربيتين عشان تقدر تقرر, لكن أعتقد أنه كفاية أنك تقعد في كل عربية عشان تعرف الفرق..