OPEL INSIGNIA TOP LINE vs BMW 316i 2014

**Abdo Taha** · 28-11-2013 10:06 AM

لو هتضحي بالاوبشنز اللي في الانسجنيا و الزينون و الكلام ده يبقى ال bmw بس لازم تقارن بين الاتنين و تختبرهم لأن الانسجنيا مش بعيدة خالص عن ال bmw يعني مش زي الفكترا لا دي حاجة و دي حاجة تانية خالص و شوف قطع غيار الاتنين بس الخوف من منصور باشا . و ربنا يوفقك للخير

**Abdo Taha** · 28-11-2013 12:04 PM

المشاركة الأصلية كتبت بواسطة massoh

احسن حاجة دلوقتى وجود موضوع التست درايف فى معظم التوكيلات... حضرتك تحجز تست درايف الآثنين واللى تحس بانك مرتاح فيها اكثر اتكل على الله...انا واثق ان البى ام حتكسب...احساس تانى خالص ومتعة فى القيادة والتحكم...... موضوع الاوبشنز ده مش مشكلة خالص لان فيه حتى ابشونز مش حتستعملها كثير وتتمتع بيها بس احساس التحكم الكامل والقيادة الممتعة فى البىام ممكن يخليك تتغاضى شوية عن الابشنز...
موضوع الانسجنيا غير الفكترا مش حقيقى لانهم غيروا اسم الفكترا وبقى هو انسجنيا واخذت العربية سيارة العام فى فئتها اول ما نزلت 2009 على ما اتذكر...بس فعلا ابعد على قد ما تقدر عن منصور...والله الموفق

انا اقصد بأن الانسجنيا حاجة و الفكترا حاجة تانية ان الانسجنيا بقت اكبر و اشيك من الفكترا و بقت بتنافس عربيات عالية كمان زي الاودي و عارف ان الفكترا تم استبدالها بالانسجنيا و الكلام ده عارفه من زمان من اول الموضوع ده لأن انا واحد من ملاك الفيكترا سي و عارف اللي حصل و سعرها نزل بسبب انها اخر موديل فيها و طبعا اللي يحكم المقارنة دي تجربة الاتنين بس الدفع الخلفي صعب تسيبه و انك تبقى راكب بي ام دي حاجة تانية و جميلة بس الخوف قطع الغيار لو صاحب الموضوع يستحملها يبقى اكيد البي ام .

**Abdo Taha** · 28-11-2013 05:04 PM

المشاركة الأصلية كتبت بواسطة elmkaneeki

اوبل....تنافس اودي......
لا يجوز

لماذا لا يجوز معلش العربيات مش بالماركات ليه محدش عايز يعترف ان ماركة كذا افضل من كذا حضرتك العربيات بره بتتقارن بالعملية و مدى توفيرها و مقدار الهندسة اللي بيها كتوافق القوة مع العفشة و سلاسة و المحرك و الفتيس و نظم التعليق و مقدار انبعاثات ثاني أكسيد الكربون و تكاليف التشغيل و توفير الوقود و معلومة بسيطة لحضرتك الانسجنيا و اخدة في 2009 جائزة افضل سيارة غير 26 جائزة اخرى يعني تفوقت على الماركات الكبيرة زي " الاودي " و المرسيدس و لو جينا بقى للفئات و التصنيفات الاوروبية هتلاقي ان الانسجنيا و الاودي a4 في نفس الفئة مع الفئة الثالثة و ال c class يبقى لازم الكلام يكون مبني على اسس ومعايير و خلي بالك لو حد دخل من قسم اوبل و شاف الكلام ده مش هيسيبوك هههههه ، بهزر