هل السيارة اوكتافيا a4 كويسة ام بها عيوب؟

**MOHAMED ABD EL SHAFY** · 28-11-2013 04:21 PM

اريد ان اسال عن السيارة A4 حيث اننى وجدت على المواقع سعرها من 60 الى 70 الف لموديلات اوائل ال 2000 فهل هى سيارة قوية وكويسة وقطع غيارها قريبة من الفليشيا؟
ام ان بها عيوب معينه وقطع غيارها نااااار؟
انا مثلا وجدت فى الموقع ناس بتوق لتر زيت الفتيس سعرة 140 جندى؟!!!!!

**mezo73** · 28-11-2013 07:59 PM

بص يا باشا
العربية دى قعدت معاية 3 سنين وعمرها ما اشتكت
توكل وهاته مش هاتندم ابدا اداء وصاج وقوة واتزان وخامات وامان
قطع الغيار معمرة جدا ومش غالية اوي
وتصحيح زيت الفتيس للاوتو بحاوالي 1000 بالفلتر كل 50 او 60 الف

**blazer** · 28-11-2013 08:23 PM

عربيه حلوه بس بحس ان الناس بتبالغ اووى فى سعرها مستعمله

**amrelsaqqa** · 28-11-2013 09:03 PM

عربية حلوة واعتمادية بتستحمل جدا ، وسعرها ممتاز كأوروبى وبها عوامل امان abs وايرباج وايموبلايزر ، عيوبها ضيقة حاجة بسيطة من الكنبة الخلفية مقابل شنطة بحر بمعنى الكلمة
والموتور بتاعها حساس للحرارة ومش معمر اوى ، واقصد بكلمة حساس للحرارة مش معناها بتسخن كل شوية زي الفليشيا ، لا القصد انها لو سخنت منك ممكن الموتور يروح فيها بسهولة لو ماخدتش بالك
العفشة لو بتحب العفشة الناعمة اوى هتلاقيها ناشفة شوية

غير كدة عربية كويسة في كل حاجة ، ثباتها وفراملها 10/10 و على فكرة موضوع قطع الغيار ده نسبى جدا ، يعنى حضرتك بتقول زي فليشيا ، لا طبعا مش زي فليشيا ، ورغم كدة ممكن في فئتها نعتبرها معقولة ، تقريبا الاسعار في رينج او اعلى حاجة بسيطة من التويوتا كورولا و الاوبل فكترا

**EngAhmedSayed** · 28-11-2013 11:29 PM

a4
لايوجد عليها جدال شرط الحاله العامه للاوكتافيا

و استاذن حضرتك عرض الموضوعات فى القسم المختص و دة قسم الفيفوريت و الفليشيا
سيتم نقل الموضوع الى قسم سكودا العام للحفاظ على نظام القسم

**inspiron** · 29-11-2013 02:45 AM

كنت راكبها موديل 98 مستوردة من ألمانيا..وقعدت معايا فترة لا بأس بها.
الخلاصة..
عربية 10/10 ( صاج ناشف - ثبات جامد - أداء علي الطريق ممتاز - جودة تقفيل وخامات - كماليات حلوة أوي بالنسبة لسنة الصنع ) كل قطع الغيار فيها مشتركة بين volkswagen و audi و seat ( اللي هي مجموعة الـ vag يعني )...الجانب السلبي في العربية نسبياً إن عفشتها ناشفة شوية.
ملحوظة :- من كتر ما العربية دي كانت ناجحة..أنتجت من عام 1997 حتي عام 2009.