مساعدتكم معايا فى فتيس الميجان

**ahmedabdelhamid** · 28-11-2013 07:00 PM

انا الحمد لله ربنا كرمنى وجبت رينو ميجان 2005 الحمد لله العربية جميلة بسم الله ماشاء الله بس فى حاجة الفتيس فى تسريب زيت ولما رحت التوكيل قالوا كان مفكوك برة ومعمول بسليكون احمر والتوكيل مبستخدمش السليكون دة مع ان صاحب العربية كان لسة مركب عندهم سلونيد للفتيس ودافع 1400 ومغير زيت الفتيس العربية نقلتها حلوا معايا وكويسة فى المشى قولى اعمل اية واية الحل هل يمكن وضع جوان او سليكون وفية حاجة كمان اويل سيل الكرنك عايز يتغير هل لو مشيت علية كدة فية مشكلة ارجوكم ساعدونى

**medohai510** · 28-11-2013 07:54 PM

بلا تمشي علي الفتيس وهو بينقط زيت، ممكن يكون المالك الأول غير السلونيد لكن حب يوفر بعد كدة
لأن تسريب الزيت هيقلل الضغط والسخونة ويعمل حاجات كثير أنت في غني عنها من الأول
أنصحك أنك تغير أي أويل سيل بيسرب زيت
أنا كان عندي تسريب زيت من أويل سيل الكوبلن وغيرته بــ100 جنية و50 جنية مصناعية عند أبراهيم في المعادي في أقل من ربع ساعة

**ahmedabdelhamid** · 29-11-2013 01:06 PM

انشاء الله اروح اشوف التسريب دة بس بالنسبة اويل سيل الكرنك لازم يتعمل ولا ممكن امشى علية عشان المصنعية بتاعتة غالية اوى

**Ahmed Selim** · 29-11-2013 02:39 PM

أويل سيل الكرنك الخلفي ممكن تمشي بيه فترة شرط متابعة مستوى الزيت كل أسبوع مثلا

مع العلم ان بعد فترة الزيت بينزل على حساس معين و مع الحر العربية مش هتدور من اول مرة