-
المازدا شكلها احلى بكتير من التيدا
..mokhtar..
-
المقارنة صعبة ..
بس علشان ظروف مصر النيسان افضل مع ان المازدا شكلها احلى الف مره و سحبها افضل بس علشان التوكيل تبقى النيسان تكسب ..
و كمان علشان ارتفاع السيارة النيسان اعتقد انها اعلى من المازدا و ده اللي ينفع في شوارعنا الجميلة ..
-
انا اخترت التيدا كفاية انا حكون ركبها و انا مستريح ان لو حصل حاجة لقدر الله حلاقى قطع غيار مش مبالغ فيها زى المزدا سرى و بعدين سعر اعادة بيع اعلى و ليها توكيل محترم اما المزدا سرى شكل احلى بس فى بلد صعب اوى تحافظ على الشكل الخارجى بسهولة فمتجبش حاجة مكلفه جدا فى الحفاظ على الشكل الخارجى زى المزدا 3 ولا انوا ايه رئيكم يا جماعة :2003126104835_wrc:
-
هو طبعا المازدا شكلها أحلى
بس أنا صوتت للتيدا وأعتقد اكيد انك بتتكلم عن الهاتش باك منها
ليه..لنفس الأسباب اللي قالوها الأعضاء اللي قبلي..ماركة محترمة بالنسبة لمصر..توكيل سمعته حلوة..قطع غيار متوفرة..سعر عالي لإعادة البيع..مواصفات العربية وكمالياتها وأبعادها مناسبة جدا لظروفنا في مصر.
-
-
مفيش مقارنة بين الاتنين المازدا تكسب فى اى حاجة
-
انا امتلك سيارة مازدا 3
واتحيت ليا الفرصه انى اسوق التيدا سيدان (وسافرت بيها من العين لابوظبي)
كاداء .... المازدا 3 تتفوق بشده (سحب وثبات ومرونه فى المناورة ومتعه فى القياده)
كشكل خارجى.... اامازدا تتفوق وبشده ن التيدا شكلها مش حلو
كوسع داخلى ... التيدا واسعه جدا من جوا
كشكل للتابلوه وقعده السائق والراكب الامامى ... المازدا تتفوق بشده
كتوفر قطع الغيار والتوكيل .. النقطه ده تتفوق فيها التيدا
لكن معظم قطع الغيار غاليه لكا ماركات السيارات الجديدة
انما كل اللى بيقول قطه غيار المازدا غاليه جدا فهو كلام مطلق يعنى ممكن بالنسبه ليه 100 جنيه تبقى غاليه وواحد تانى نفس ال 100 جنيه تبقى رخيصه او معقوله
فاظن غلو قطع الغيار سائد بين جميع السيارات الجديدة
اما كتوفرها ، فالتيدا مش هتلاقى قطع غيارها الا فى التوكيل بالعكس ان المازدا 3 هتلاقى قطع غيارها بره التوكيل زى الحرفيين وشارع دمشق
واللى يثبت كلامى انتشار المازدا 3 بشكل كبير فى مصر
وهما الاتنين بيتساوى فى سعر اعادة البيع ن وان كان التيدا بتتفوق فى النقطه ده بعض الشيء
استخير وتوكل على الله فى اللى ترتاح له
-
بصراحه المازدا لا يعلى عليها فى كل حاجه انا ما ركبتش التيدا بس انا سوقت المازدا و قعدت معايا كتير جميله جدا بمعنى الكلمه و ربنا يوفقق و تجبها
-
المازدا شكلها حلو من برة ومن جوه برد بس التيدا بردو حلو ه .
أنا بختار التيدا عشان معظم اللي اتقال قبل كدة، أنا واحد صاحبي عند مازدا ومن ورا ضيقة جدااً والكنبة صغيرة وعلى فكرة التيدا نزلة دلوقتي بشويط اختلافات جامدة جداً . روح بص عليها.
-
المازدا جميلة فى كل حاجة لكن التوكيل مخليها وحشة
خش لمنتدى المازدا وانتى تشوف العجب
التيدا وما ادراك ما التيدا
واسعة سلسة قوية جريئة صيانة وتوكيل محترم وقطع غيار متوفرة
اتكل على الله (والله انا بانصحك ومش عاوز ملاكها يزيدوا) ؟!!!!!
Content Relevant URLs by
vBSEO 3.6.0 PL2