تـــــــــــــــــيدا / مــــــــــــــــــــــــ ازدا3

**cupid** · 18-09-2008 07:04 AM

ياريت ياجماعه اللي يختار يقول هو اختار العربيه دي ليه ورفض التانيه ليه

**hazem_khidr** · 18-09-2008 07:45 AM

رغم عدم اقتناعي بشكلها اخترت التيدا
عربيه قويه فعلا و اعتماديتها عاليه
و وااااااااااااااااسعه.
لو انا في بلد فيها توكيل مازدا و اقدر الاقي قطع غيارها
حجيب مازدا 3

**Eslam_A** · 18-09-2008 12:38 PM

زي ما أ/حازم قالك المازدا للاسف ملهاش توكيل في مصر وقطع غيارها غالية جدا

فخليك في التيدا عربية واسعة وماتورها قوي وخامتها من جوه جيدة عربية لا يعيبها الا شكلها ودي اذواق

**mahamedaraby** · 18-09-2008 04:25 PM

تيدا عربيه حلوه واسعه وقويه واعتماديه وتوكيل محترم وقطع غيار معقوله

علشان كده بقولك هات تيدا

**Noha.M** · 18-09-2008 04:29 PM

انت عملت المقارنة اللى بجد عاوزة اسال فيها فعلا و لحد دلوقتى مش عارفين نفاضل بس بنحاول نكون وجهة نظر عن الاتنين
لان بنفكر فى التيدا و ماشاء الله عربية حلوة و شكل رائع بالنسبة للهاتشباك بس كذا مرة اقرا كلام على ثباتها معجبنيش و قلقنى من ناحيتها و كمان مفهاش مثلا سي دى MP3 و كمان مفيش ABS غير فى اعلى فئة فيها ..هي عربية كماليتها مش كتير بس وسع و اعتمادية زى ما قال حازم فعلا و فعلا عربية محترمة
المازدا برده بنفكر فيها بس موضوع التوكيل دة يقلق كمان وسع الكنبة اللى ورا مش كبير و المساحة الداخلية لا تقارن بالتيدا يعني لو حد طويل بيسوق هييجي جامد على اللى قاعد وراه بس غير كدة شكل رائع و تابلوه شيك و بالرغم من موضوع التوكيل دة انا شايفة ان المازدا 3 منتشرة جدااا و مفيش شارع غير لما بلاقي فيه مازدا 3 و دة محيرنى فعلا
بس فى كلام ان فى شكل جديد نازل فيبقي حرام بجد تجيب عربية شكلها هيتغير السنة الجاية

المهم استخير و ربنا يكرمك باللى فيه الخير ان شاء الله

**cupid** · 19-09-2008 02:45 AM

موضوع توكيل مازدا ده محير ناس كتير ياعني فعلا مش عارفين هل ممكن نستغني عن التوكيل ويكون في بديل ليه ولا ايه بالظبط؟؟؟؟؟ انا فعلا بشوف مازدا كتير في الشارع الناس دي ايه تفكرها بالظبط ولا في حاجه احنا منعرفهاش بديل للوكيل؟؟؟؟؟؟؟؟؟؟؟؟؟؟؟

**waled369** · 19-09-2008 03:08 AM

بصراحة يا شباب أنا مش عارف أخبار العربيتين دول في مصر ايه
بس عن استعمالي لهما خارج مصر باقولها و بكل أمانة
المازدا طبعا
شكلها رائع و أدائها ممتاز بس بصراحة مش هاقدر أفيدك عن أي شئ يخصهما جوه مصر
المهم زي ما قالت نهى اقتناعك انته ازاي . استخير ربنا و باذن الله موفق في الاختيار

**cupid** · 20-09-2008 08:24 PM

ايه ياجماعه فين الناس وفين اهل الخبره ايه حالة الكسل اللي في المنتدي دي .......................

**mody_halawa** · 20-09-2008 09:05 PM

طبعا مازدا اولا علشان الشكل انا مش شارى عربية ب 130 الف علشان كل لما اشوفها اقول يا ريتنى كنت جبت حاجة شكلها احلى التيدا شكلها وحش اوى بالمقارنة بالمازدا
ثانيا الانتشار بتاع المازدا عن التيدا
ثالثا بعشق المازدا عن اى عربية يابانى مهما كانت حلوة