الموضوع: استفسار الأوتوماتيك واللانوس

المشاركة الأصلية كتبت بواسطة drlifewhy

على فكرة ياباشا انا كاتب الموضوع ده عشان اسمع رأي حضرتك بالذات فيه لأن عجبتنى مواضيعك عن الدايو وحسيت انك فعلا فاهم فيها بدرجه عالية بس مش معنى كدا انها شاذه تبقى مريضه يعنى ومحتاجه دعوات الحاجة الشاذه على حد علمى اللى بتبقى مختلفه عن اللى حواليها مش اكتر ومعتقدش دا عيب وعامة مشكور

هو فعلا الشذوذ هو الاختلاف عن العام و الحياد عنة... لكن هو اختلاف و حياد لشىء سىء و غير صحى... و دة مصطلح اخترعة البياعين فى مصر لمحاولة جذب الانتباه لعربياتهم فى حين ان هما مش فاهمين المعنى اللغوى للكلمة... كان ممكن استخدام كلمة "نادرة" او "متميزة"... انما شاذة دى عمرها ما كانت بتعنى حاجة كويسة... و زى برضة اللى بيبيع عربية و يقولك استخدام طبيب... حتلاقينى برضة معلق على الكلمة دى فى موضوع فى القسم العام

عموما زى ما قلتلك التحويل من مانيوال الى اوتوماتك و العكس سهل و ممكن طالما العربية بتنزل منها اوتوماتك و مانيوال يبقى حتجيب المكونات بتاعت النظام اللى عايز تحول له و تروح لميكانيكى محترم يعمل عملية الاحلال

حتحتاج الفتيس و الكبالن و الفلام و الضفيرة و الكونترول بتاعة... الكونسولة بعصاية الفتيس و طقم الدواسات الاوتوماتك و رادياتير و قاعدة فتيس (العصفورة)

MMamdouh

التكاليف مش حيفيدك فيها حد غير الميكانيكى اللى شغال فى العربية لان هو اللى عارف كل الاجزاء المطلوبة (انا ممكن اكون نسيت حاجة) يا اما تنزل الحرفيين و تسال على الحاجات دى عند بتوع الدايو و تسال على مصنعية التحويل بتاعت الميكانيكى

انا بكرة الاوتوماتك لانه بطىء و بالتالى متتوقعش اى "اداء" من لانوس اوتوماتك

MMamdouh