أجمل عربية متسوبيشي شوفتها في حياتي

**HOSSAM99** · 19-12-2013 07:55 PM

من أجمل ما أنتجت ميتسوبيشي حتي الآن
لو هاتشتري لازم تكون بحالتها و مفيش صنايعي مصري فتي و أخترع في العربيه
و العربيه دي مبيقدرهاش إلا محبي العربيات المميزه
العربيه طبعا أداءها ممتاز ثبات و سحب

المشاركة الأصلية كتبت بواسطة horas3000

يا راجل يا طيب
انا كنت داخل و في دماغي حاجه تانيه خالص

الجالانت عربيه كويسه طبعا
و الشكل ده كان اخر شكل ياباني منها قبل ما تتحول و تبقي امريكي
و للاسف برضه علي قد ما الموديل ده عمل مبيعات حلوه علي قد ما عمل سمعه وحشه للجالانت لان كان في مشاكل بتحصل في الفتيس بتاعها
و ده مخلي المستعمل منها برخص التراب

اما اجمل عربيه من ميتسوبيشي من وجهة نظري
هي و بلا منازع ال 3000 gt

العربية دي كانت بتركن في شارع مدرستي الثانوي سوداء من حوالي 10 سنين و فضلت متواجده حوالي 4 سنين مبتتحركش و كل يوم و أنا رايح و راجع من المدرسة كنت لازم أعدي عليها (مع إنه طريق معاك لطريقي )و أبص في تابلوها و كان هاين علي أكلمها و أختفت بعدها

**J A G U A R** · 19-12-2013 09:27 PM

فى واحده فى اسكندريه فى السيوف

**atala** · 19-12-2013 10:53 PM

المشاركة الأصلية كتبت بواسطة hunting_eagle

هي ممكن شكلها يكون كويس بس هي كعربية عادية جدا و اقل من العادية كمان كل اللي فيها موتور كبير حبتين

وخلي بالك موديل قديم يعني تكنولوجي قديم و مشاكل كتير

و لو هي زي ما احد الأعضاء بيقول موديل 98 ل 2000 ب 70 او 80 الف يبقى مالهاش لازمة

بالتوفيق

علي فكرة هي اكبر حجما من الانسر وهي تعادل الكامري في التيوتا والسوناتا في الهيونداي فطبيعي جدا ان موتورها يكون كبير بس بصراحة انا كنت بشوفا في الخليج كتير وكانت عجباني جدا

**horas3000** · 20-12-2013 01:41 PM

المشاركة الأصلية كتبت بواسطة HOSSAM99

العربية دي كانت بتركن في شارع مدرستي الثانوي سوداء من حوالي 10 سنين و فضلت متواجده حوالي 4 سنين مبتتحركش و كل يوم و أنا رايح و راجع من المدرسة كنت لازم أعدي عليها (مع إنه طريق معاك لطريقي )و أبص في تابلوها و كان هاين علي أكلمها و أختفت بعدها

ال 3000gt اول مره شفتها كانت سنه 94 تقريبا
و اول ما شفتها افتكرتها فيراري و جريت عليها و اذ بي افاجئ بلوجو ميتسوبيشي عليها
و رجعت كان عندي مجله عربيات فيها كل موديلات 94 و دورت عليها و عرفت اسمها و مواصفاتها
و كنا بنشتري جالانت 96 و لما رحت التوكيل مع اهلي و شفتها و ركبتها اتوهمت بيها اكتر ما انا موهوم و كان حلمي وقتها اركب واحده و فضل اعجابي يزيد بيها لحد ما انتاجها اتوقف و مكانش ليا نصيب اركبها او اسوقها

**m_kamal** · 24-12-2013 10:31 AM

المشاركة الأصلية كتبت بواسطة hossam99

يا أستاذي أنبهارنا مش إنها جديدة علينا ... موجوده في مصر و سعرها أرخص من عربيات كتير متداولة في السوق ... لكن مجرد معجبين بعربية مخدتش حظها في مصر
و متدخلش الخليج في مقارنة لأننا بنركب عربيات أغلي منهم و بندفع ضريبة و بنزين أكثر منهم دا بتمن السيراتو الزيرو تركب هناك سوبر كار
يعني الموضوع فقط منحصر في الإعجاب بإمكانيات موديل معين

فاهمك يا باشا بالنسبة للانبهار ... و عادى اى عربية فوق ال 1600 اكيد مش بتاخد حقها فى مصر ...و هو ده اللى انا بتصعب عليه و على جماركنا العظيمة ... بس مفيش سوبر كار يا باشا بتمن السيراتو الزيرو ... الا طبعا لو كان قصدك على الموديلات القديمة