و تم إستلام الGen2 وهذا تعليقي

الســــــــلام علــــيكم

بعد تحقيق و بحث و سؤال و قراءة هذا القسم الممتاز من أوله لآخره و عن إقتناع تام قررت شراء الجين2

و الحمد لله إستلمت الجين2 إمبارح مو 2008 مانيوال. أخدتها من المعرض لمرور بين السرايات في رحلة عذاب الترخيص و رجوعاً إلى البيت

خلال الفترة القصيرة ديه ... هذا هو تقييمي ل "سيارتي"

- العربية مريحه من الداخل و مالقتش فيها عيوب التقفيل (اللي مأدرش انكر إنها ممكن تظهر فيما بعد)
- سحبها ماشاء الله فظيع و ماتوها صاحي
- ال Handling فيها برضو فظيع و طارتها الصغيره بتساعد على التحكم فيها أحسن
- الساوند جامد بس انا جربتو راديو بس
- فراملها ممتازة و سريعة الإستجابة

.....

نيجي بقا للملاحظات الي خنقتني منها في اول يوم و ياريت لو في أي نصيحة من حد بخصوصها يفيدني

- الفتيس تقيل شويه و بالذات في ال مارشيدير .. رخم
- التكييف مش بيطلع هواء ساقع .. هواء عادي جداً .. البائع في المعرض قاللي دي مشكلة في الكومبريسور و هاتتصلح في صيانة الألف وواحد تاني قاللي دا بس عشان لسا بتليين العربية
و أنا الصراحة ديه اكتر حاجة خانقاني و عاوز اروح التوكيل دلوقتي اكشف عليها
- طلعت بالعربية من المعرض في المهندسين للمرور في بين السرايات.. و ركنت هناك و خلصت الإفراج الجمركي .. خرجت .. ادور العربية .. المارش مش لاقط بنزين .. و تعبت جداً لحد ما دورتها عن طريق توصيله للبطارية .. اصحابي قالولي عادي إن البطارية تكون نايمة لو العربية جديدة .. و انا قولت شمعنى نايمة دلوقتي و ماكنتش نايمة لما طلعت من المعرض .. على كل حال .. انا خليتهم يغيروا البطارية كلها لما رجعت العرض
..
هيه ديه المشاكل اللي قابلتني لحد دلوقتي .. و ياريتكم تبدوا آرأكم فيها عشان اعرف اتصرف إزاي ..

و ربنا يخليلكم عربياتكم و يبعد عنها شر الحسد

أخوكم

حســـــــــــــــــــــــ ين

الف الف الف الف الف مبرووووووووووووووووووك على جميلة الجميلات

alf mabrook ya basha
rabena yedek 7'erha we yekfek shraaha

ألف مبروك وربنا يباركلك فيها
بالنسبه للتكييف أنت متأكد أن اللمبه اللى على بكرة سرعة المروحه بتنور لما بتشغل التكييف ولا لأ
لو مش بتنور دوس على البكره كلها من النص و حتلاقيها نورت وده معنا أن الكوبريسور أشتغل

الف مبروك على العربيه
بالنسبه لموضوع التكييف هو كان الافضل انك تتجنب تشغيله فى الالف كيلو اللى فى الاول
بس كويس اهى ملحوظه علشان فى صيانه الالف يحلوهالك ان شاء الله

الف مبروك يا اخ حسين

وخليك وراء العربية وتحاول تكتشف اى حاجة جديدة فيها علشان على قد ماتقدر تلحق تظبطها فى صيانة الـ 1000

والحاجات اللى انت بتقابلها دى عادى جدا لا تقلق لان هى دى بروتون

الف مبروووووووووك يا استاذ حسين
بس انا متهيألي ان حضرتك اول ما فتحت التكيف شغلت المراوح بس ما دوستش علي الزرار الي بين البكره ( و الله اعلم )

و الف مبرووووووك مره تانية و ربنا يباركلك و يديك خيرها و يكفيك شرها

و الف مبرووووووك و ربنا يباركلك و يديك خيرها و يكفيك شرها

الف مبرووووووك و ربنا يباركلك و يديك خيرها و يكفيك شرها

الف مبروك وربنا يباركلك فيها ويديك خيرها ويكفيك شرها
ويبعد عنك عين الحاسد :018: وحاول تخرج حاجة لله

الف مبروك ربنا يديك خيرها و يكفيك شرها

بالنسبه للتكيف ..
1 - اتأكد ان انك لافف البكره التحكم فى الحراره على اقصى تبريد
2 - اتأكد من ان زرار الكمبريسور شغال
3- اقفل زرار الهواء الخارجى .. تبريد التكيف بيتحسن بشكل ملحوظ

لو لسه المشكله قائمه احتمال يكون الفريون ناقص

بالنسبه للفتيس او اى حاجه فيها مشكله بتتعمل فى صيانه الالف ان شاء الله بدون مشاكل

مره تانيه الف مبروك و ربنا يباركلك فى عربيتك

الف مبروك ويديك خيرها ويكيفي شرها بس اتاكد من موضوع المكيف ونصيحه حطلها بنزين 95 اول تفويلتين هتفوق المكنه خاالص

الف مبروك ربنا يديك خيرها و يكفيك شرها

السلام عليكم
لوسمحتم أفيدونى انا هاشترى جين 2 خلال أيام وبعد ما خلاص أقتنعت بها واحد صحبى اشترى جين 2 وقللى انى الفرامل بتعتها لارم تدوس عليها للأخر الدواسة
ردو عليا بسرعه علشان انا رايح اشوف واختار من المعرض وياريت حد يقولى اسم بنك بيعطى اقل فائدة اذا كنت هادفع أكثر من 50%

اقتباس:

---

المشاركة الأصلية كتبت بواسطة waleedali

السلام عليكم
لوسمحتم أفيدونى انا هاشترى جين 2 خلال أيام وبعد ما خلاص أقتنعت بها واحد صحبى اشترى جين 2 وقللى انى الفرامل بتعتها لارم تدوس عليها للأخر الدواسة
ردو عليا بسرعه علشان انا رايح اشوف واختار من المعرض وياريت حد يقولى اسم بنك بيعطى اقل فائدة اذا كنت هادفع أكثر من 50%

---

استاذ وليد اهلاً بيك معنا
اولاً بالنسبة للفرامل فهني طبيعية جداً انا معايا العربية من شهر 6/2008 و الفرامل بسم الله ما شاء الله و لكن يمكن الموضوع الي عند صاحب حضرتك ان التيل لسه بيطبع علي الدسكات فعلشان كدا ممكن الدوسه تتطول شوية

بالنسبة الموضوع الخاص بالبنك في بنك ابوظبي الوطني و دا الفائده بتاعته 7.8% و في بنك ناصر بس حكومي و روتيني شوية
وربنا يوفقك الي الخير ان شاء الله

ربنا يباركلك فيها ويكفيك شرها ان شاء الله

مبروك مقدما
1- الفرامل فى الاول تبفى كدة وبعدين بتبقى عادية ولو فضلت الفرامل عند صاحبك كان شفها فى مركز الخدمة احسن للمراجعة لكن فرامل الجين 2 فيها مسافة
2- ينك Apc فى شارع سوريا 7.8 %
اتصل ا/ احمد حسين شخص فاضل 0112554460
ربنا يوفقك

ألف مبروك وربنا يباركلك فيها

بسم الله الرحمان الرحيم
انا حسام محمد