تقييم الهوندا السيتي ، والاسبرنزا من واقع مقابلة 6/7/2007

أولا أحب أوضح حاجة مهمة جدا إن أنا مش خبير ولا حاجة وده رأي الشخصي البحت وأنا المسئول عنه تماما :- http://smiles.bdr130.net/smiles/10/36_11_18[1].gif
الهوندا السيتي :- الشكل بالنسبة ليا معقول لكن ما هواش حلو قوي يعني تحس العربية من بره مش متناسقة مع بعضها وتحس إنها تقليد للسيفك بس تقليد وحش .http://smiles.bdr130.net/smiles/33/1...b2233c4228.gif
من جوه العربية وسعها حلو مع إني أنا كنت قاعد قدام مزنوق قويhttp://smiles.bdr130.net/smiles/13/0...27c157e953.gif ( بس يمكن عشان أنا حجمي ضخم ) بس من ورا بسم الله ما شاء الله واسعه http://smiles.bdr130.net/smiles/25/2...e9a3350820.gif، صوت الموتور حلو يكاد يكون مش مسموع خالصhttp://smiles.bdr130.net/smiles/10/36_1_11[1].gif ، أول لما جيت أطلع أنا شخصيا حسيت إنالعربية خشنة مش عارف ليه بس محمود الحفناوي قالي إن ممكن يكون كاوتش وجلب عايزه تتغير ، السحب أكثر من ممتاز العربية اوتوماتنيك ، بالنسبة للستبتوترونيك أنا عن نفسي شايف إنه مالهوش لازمة هو مجرد دلع من هوندا لزبائنها ورفاهيه زياده غير مجديه ( برضه رأي شخصي ) ثبات العربية لا جدال عليه مع إني مزودتش السرعه قوي ، في النهاية بشكر المهاتما على اتاحة الفرصة الرائعة ديه لتجربة العربية .

ثانيا : الاسبرانزا بتاعه الأستاذ جمال أبو شنب
طبعا بعيد عن إنها عربية جمال بكرر ده رأي شخصي بحت
الشكل من بره أنا مش مقتنع بيه تماما ( أذواق طبعا ) http://smiles.bdr130.net/smiles/10/36_1_10[1].gif
من جوه العربية الحاجه الوحيد اللي عجبتني فيها التكييف بسم الله ما شاء الله قوي جدا وموضوع الفتحات للركاب اللي ورا ده جميل http://smiles.bdr130.net/smiles/10/36_1_1[1].gif، الفتيس لما مسكته حسيت إنه بلاستيك وممكن يطلع في إيدي ، http://smiles.bdr130.net/smiles/10/36_1_17[1].gifتجميع العربية مع التكييف جميل لكن صوت الموتور عالي عالي جدا ، السحب كويس وإن كان موضوع الدريكسيون ده أنا أعتقد إنه مالهوش حل العربية كانت بتدب معايا ، الخامات من الداخل رديئه ، التقفيل مقبول ، العفشه ناشفة حبتين ثلاثة .
برضه بشكر الأستاذ جمال على التجربة الرائعه ديه .http://smiles.bdr130.net/smiles/10/36_1_39[1].gif
تحياتي لكم جميعا وشكرا .

حاج إسلام أنا كنت قولتلك مش جلب و كاوتش :) أنا كنت بقولك الكاوتش جايز منفوخ زيادة الضغط بتاعه مش مظبوط حبه + عشان الثبات تحس إنها ناشفه سنه

والله يا محمود يمكن من الحر أنا مسمعتش كويس بس كويس إنك وضحت ، وفيه حاجه كمان إن المهاتما كان حاطط نيتروجين في الكاوتش يمكن هو ده اللي كان مسبب النشوفية .

بالعكس يا زعيم النيتروجين بيطرى مش بينشف :) و أنا كمان مالى العجل عندى نيتروجين :)

أما عن الحر فالمرة القادمة إن شاء الله نقعد فى مكان ظل عن كده :)

أولا لو انت بتقول إن النيتروجين بيطري أمال النشفان ده كان من إيه ؟
ثانيا أنا متأكد من موضوع النشفان ده العربية فعلا كانت ناشفة بس السبب إيه الله أعلم وما اعتقدش إنه كاوتش .

و الله يا حاج أنا مجربتش سيتى قبل كده غير بتاعت هانى يعنى مش عارف هى فعلا كده ولا هو بس؟

النشوفيه بتيجى ممكن لو العجل ضغطه زايد فى أى عربية تحس بده و ممكن أى حاجة فى العفشة و ده مستبعد لأن العربية لسه 20 ألف و هوندا مش أى كلام ربنا يباركله فيها :)

بس دايما النشوفيه إربطها مع الثبات و النعومية مع العومان :) ده كتصميم مش تغيير

بس دايما النشوفيه إربطها مع الثبات و النعومية مع العومان :) ده كتصميم مش تغيير[/quote]

بس مش اساسي يا محمود...يعني شوف الاكسنت اللي معايا عفشه ناشفه و الثبات ضايع

الأستاذ اسلام شاهين انا متفق معاه فى الكلام اللى قاله عن الإسبيرانزا بتاعتى

وبتمنى ربنا يباركله فى عربيته وكان ليه الشرف انى اقود لانسر 2007 لأول مره على يد مستر اسلام

وحقيقى حسيت بالفرق رغم انها 1300 مش زى الإسبيرانزا 1600

واضح ان اليابانى يابانى والله اكبر ما شاء الله

شكرا يا استاذ اسلام على التقييمات دية

شكراً أ.أسلام على أرائك وتقيمك .. لكن لى ملاحظة صغيرة حبيت أوضحها بالنسبة للسيارة أسبرانزا أنا معاك فى حكاية الخامات والفتيس وصوت الموتور لكن ليس بالشكل الذى تصوره .. لكن أنا عندى التكييف ضعيف والسحب مقبول والعفشة جيدة والدريكسيون ممتاز ..

أنا لا أمدح فى السيارة أو أدافع عنها لأنها معى .. لكن توضيح أن كل السيارات ليست مثل بعضها ..

وتقبل تحياتى ..

استاذ محمد مرسى

ده فى حد ذاته مصيبة, ان كل عربية مش زى اختها

و كل واحد و نصيبه

كأنك بتشترى خضار او فاكهة بالجملة, و انت و حظك يطلع ايه فى القفص :!:

ما اقول و ما يمكن ان يقال بعد كل ما قيل
انا بجد فرحان جدا بالنقد للعربيه
مع اني طبعا مش فاهم اي حاجه منه بس هوه واضح انه منطقي
انا علاقتي بالميكانيكا زي علاقتي بالحلاق
اللي جه المقابله حيفهم قصدي :wink:

اقتباس:

---

المشاركة الأصلية كتبت بواسطة معاذ الشرباصي

ده فى حد ذاته مصيبة, ان كل عربية مش زى اختها
و كل واحد و نصيبه
كأنك بتشترى خضار او فاكهة بالجملة, و انت و حظك يطلع ايه فى القفص

---

لا تعليق :shock: :shock: :shock: :shock: :shock: :shock: :shock:

اقتباس:

---

المشاركة الأصلية كتبت بواسطة المهاتما

ما اقول و ما يمكن ان يقال بعد كل ما قيل
انا بجد فرحان جدا بالنقد للعربيه
مع اني طبعا مش فاهم اي حاجه منه بس هوه واضح انه منطقي
انا علاقتي بالميكانيكا زي علاقتي بالحلاق
اللي جه المقابله حيفهم قصدي

---

ما قدرش أقول غير إنك مشكلة مشكلة مشكلة مشكلة

http://smiles.bdr130.net/smiles/3/84...219e9e82dc.gif

اقتباس:

---

المشاركة الأصلية كتبت بواسطة إسلام شاهين

معاذ الشرباصي كتب :-
ده فى حد ذاته مصيبة, ان كل عربية مش زى اختها

و كل واحد و نصيبه

كأنك بتشترى خضار او فاكهة بالجملة, و انت و حظك يطلع ايه فى القفص

لا تعليق :shock: :shock: :shock: :shock: :shock: :shock: :shock:

---

يعنى ايه لا تعليق يا استاذ اسلام؟

يعني كلامك يا معاذ صح 100%

انا قلت انا قلت حاجة غلط :lol:

بالنسبة لأن العفشة ناشفة فى السيتى دة مضبوط بس هى مش متعبة ... يعنى ساعات بآخد مطبات جامدة على سرعات عالية ولا بأحس بأى حاجة و لكن على السرعات المتوسطة تبدأ النشوفية دى تبان و بأحس انى سايق لادا من النشوفية! ... على السرعات البطيئة المطبات بتبقى محسوسة لكن مش متعبة اطلاقاً بالعكس بأحس ان العربية بتاخدها بدلع و نعومة :) ... عامةً العفشة الناشفة = ثبات جامد ... أنا امبارح كنت راجع من الساحل الشمالى على طريق محور التعمير و الملفات بآخدها على 150 بسهولة شديدة و بدون أى مجهود.

أما بالنسبة لاحساس الخشونة أثناء الطلوع بالعربية فدى غريبة جداً جداً ... العربية معايا ما شاء الله ناعمة بطريقة ما زالت بتبهرنى حتى الآن رغم انها بقالها معايا أكتر من سنة ... و كل من قادها قبل كدة كانت أول كلمة بينطقها غالباً "بسم الله ما شاء الله" تعليقاً على نعومة السيارة ... أعتقد الخشونة دى قد تكون فعلاً من ان ضغط الكاوتش مش مضبوط أو يمكن من نوع الزيت؟ أنا اعرف ان هانى بيحط موبيل 1 فيمكن يكون دة السبب؟

يا اصحابي يا اهلي يا جيراني انا عايز اخدكم في احضاني

احمد انا مش عارف هوه ينفع اقول لهم في المامون حطوا لي زيت غير موبيل 1؟؟
انا حعمل صيانه ال 25000 يوم السبت اللي جي ان شاء الله

هانى باشا

حاول تحجز فى الفطيم القاهرة, و انت شغلك فى العاشر قريب من الفطيم فى مدينة نصر

حتى لو ناقص الف و لا حاجة, روح اعمل الصيانة هناك و قولهم انا هغير زيت بره

زى ما حد حفناوى قالك فى المقابلة, لو مكتوب فى كتيب الضمان انك لازم تغير زيت عندهم, يبقى امرك لله

لو مش مكتوب, يبقى ده حقك, انك تغيير زيت فى اى حتة

يا مهاتما المأمون دول ناس زى العسل ... كل اللى نفسك فيه بيعملوهولك ... و أهم حاجة انك بتبقى شايف العربية قدام عينيك و هم شغالين فيها و مفيش حجز زى الفطيم ... روحلهم فى أى وقت و اعمل صيانتك فى خلال أقل من ساعة بتكون مستلم العربية ... أنا كنت مغير الزيت فى صيانة ال20 و كنت جايب الزيت من برة (شل هيلكس ألترا) و طبعاً الفلتر من عندهم ... أهم حاجة توصيهم عليها و تتأكد منها بنفسك ان منسوب الزيت ميزيدش عن علامة الـ max لأنهم مبيخدوش بالهم من النقطة دى للأسف و دى غلط جداً ...

على فكرة بالنسبة لزيت هيلكس بقاله كدة معايا 6500 كم و لزوجته ممتازة و لونه مش أسود على عكس موبيل كان بيسود بسرعة و لزوجته بتقل فكنت بأخاف أسيبه أكتر من 5 آلاف كيلو

فعلا دول ناس زي العسل
انا اعرفهم من زمان
بس مش عايز ابين اني عجوز
انا السبت اللي جي حغير الزيت و ححط شل زي ما انت قلت لي
انا بسمع الكلام
عايز اشوفك علشان اديك الاستيكر اللي حيتغير قريب