الموضوع: نادى مُلاك أُسطورة اليابان corolla 2014 (*-*)

المشاركة الأصلية كتبت بواسطة bassem.naguib

ألف مبروك يا دكتور وربنا يحفظهالك ويباركلك فيها .. إن شاء الله أنا ناوي على الانذار ووحدة الرفع بس موضوع أنها بترفع بالتتالي دي ولو أنها أمان علشان الفيوزات متضربش من الحمل عليها بس شكلاً مش كويسة .. مش حركب وحدة ضم المرايات لأني بركن في جراج ضيق وأخاف أنه تحك في حاجة أثناء القفل أو الفتح .

بالنسبة للانذار هل فيه فرق خصائص بين الانذار التيواني والإيطالي وحضرتك ركبت أنهي واحد فيهم ..

على سبيل المثال فيه إمكانية أنه يقفل السنتر لوحده بعد سرعة معينة أو عند أول ضغطة على الفرامل .. ومعلش مش فاهم جزئية أنه مبيعملش صوت دي عند الفتح والقفل .. وهل الإيطالي فيه الخاصية دي ولا لآه ..

الكمبروسير هل هو على بساتم ولا على رق (زي الرداخ كدة) .. لأن ده بيفرق في سرعة نفخ العجلة وقوه التحمل .

حد عارف مكان مقياس زيت الفتيس فين .. كذا مرة أدور في الكبوت وملقاهوش .. يمكن العتب على النظر بقى .

معلش طولت عليك في أسألتي

يا باشا انت تسأل براحتك خالص و انا اسف علي التأخير في الرد..بص هوا بالنسبة وحدة رفع الازاز انا بردو كنت حاسس ان حكاية واحد ورا التاني دي سخيفة شوية خصوصا انى كان معايا قبل كده كورولا 2012 و كنت مركب عندهم بردو وهدة بترفع كله مع بعض بس بعد التجربة هى مش فارقة اوي خصوصا ان غالبا الزجاج الامامى هو اللي بيكون مفتوح فمش بحس اوي بالحكاية دي و ساعات قبل مانزل بارفع الازاز بتاعي بالاوتو و انا اصلا مش من الناس اللي بتفتح الازاز كتير هى اهميتها بالنسباللى انى مانساش ازز مفتوح..بالنسبة للانذار انا مركب الايطالى هو بيتبرمج على نفس الريموت و مفيهوش قفل النتر بعد ما العربية تمشى اعتقد دي بتكون حاجة في السوفت وير بتاع العربىة نفسها بس هوا الصراحة مش عاجبنى اوي لأنه في حاجة رخمة انك لما تفتح الشنطه من الريموت تلاقي الانذار اشتغل فلازم تفتح لوك الباب الاول و دا خلانى انسي العربية مفتوحه اكتر من مره انا عموما كلمتهم قولتلهم ان دا مش طبيعى ﻷن المفروض الانذار متبرمج على الريموت فاي حاجة بتفتحها من الريموت المفروض ماتشغلش الانذار قالولى تعالى نبص عليه كده زائد انو ماكانش بيطلع صوت مع فتح و قفل الباب و سبحان الله امبارح لقيته ابتدى يطلع الصوت دا !!! فهرةوحلوهم كدا واضح ان في حاجة غلط..الكمبريسور و الله انا مش عارف هو علي بساتم ولا ايه بس هبص عليه انهارده و اقولك

المشاركة الأصلية كتبت بواسطة abofandy

اخبار الفرش الاصلى دة اية .. مرتاح زى قاعدة الفبريكة .. لان فية ناس جابت بتاع التوكيل دة ومريحهمش ف القعدة .. وهل سعر 600 بالتركيب ولا لا ؟
وياريت لو صور تبقى كملت جميلك

الفرش كويس جدا...و قعدته مريحه ماحستش بفرق بعد ماركبته لانه مقاسه مظبوط جدا علي الكراسى..بس لو ناوي تركبه نبه عليهم يشدوه كويس لاني حاسس انو كان ممكن يتشد احسن من كده..و هو سعره 600 بالتركيب..الصور من عنيا يا دكتور هاصوره و ارفعها هنا