تنك البنزين بينقط ...ايه العمل هل بيتلحم ولا يتغير وسعره كام

**MOSTAFA . AHMED** · 02-12-2013 12:09 AM

المشاركة الأصلية كتبت بواسطة zarif

بيتلحم قصدير عند بتوع الريداتيرات وبيشتغل عادى
عاملها فى عربية صاحبى بقالها سنة ونص

100% صح كده

**ابو ذياد** · 02-12-2013 03:31 AM

يعم الحم واتوكل على الله وكمان المستعمل ملوش امان يعنى ممكن يظهر فيه نفس المشكلة بعد فترة

**3itta** · 02-12-2013 02:40 PM

هى عربيتك نوعه ايه؟؟ لونوبيرا يبقى خلى بالك بقى لان دى مشكلة فيها العربية بطن التنك من تحت واطى عن العتب بتاع العربية تلاقى كده مرة واحد التنك مخروك من غير متحس يكون مطب عالى يضغط التنك بين العربية والمطب والحل فى انك عند العفشجى تعلى العربية شوية . المشكلة حصلت معايا لحمت التنك واتخرم تانى روحت مغيروه والجديد اتخرم برضه ولحمته واتخرم تانى . الحل ياسيدى علشان مطولش اكتر من كده انت تلحمه كويس وتعلى العربية وتخلى بالك من المطبات العالية.

**abo_lamar** · 02-12-2013 08:42 PM

أنا رأيي يا باشا بصراحة انك تشتري واحد استيراد يكون نظيف و كويس , لان موضوع اللحام ده مش مضمون بجد ممكن يعيش معاك و ممكن يفك منك بعد فترة صغيرة , انا عانيت الامرين من موضوع التانك و في الاخر جبت واحد استيراد وريحيت نفسي والحمد لله لقيت واحد كويس ... والاسعار كالتالي :
تنك استيراد من غير الطلمبة 350 جنيه
تنك استيراد بالطلمبة 500 - 550 جنيه
تنك جديد اصلي 900 جنيه من التوكيل .

**MHMD Alexndria** · 08-12-2013 03:24 PM

الحمد لله تم لحام التنك بالقصدير عند بتاع الريدتاتير بعد فكه عند الميكانيكي بدون غسله لأنه مرضاش يفك طبه الطلمبه ثم وضع طبقة من المادتين على لحام القصدير
جاري التجربة وربنا عز وجل يستر وتعدي على خير
التكلفة: 40 جنيه فك وتركيب جنيه10 المادتين 10 جنيه لحام القصدير 30 جنيه بنزين عالأرض ههههههههه