ميرسى يا جماعة على زوقكم و فى انتظار نمرة التليفون
عرض للطباعة
ميرسى يا جماعة على زوقكم و فى انتظار نمرة التليفون
فيه ايه يا جماعة الاوبل كورسا خلصت من البلد :) مش معقول كدة امال لو مكنتش حاطط اعلان عند عمالقه الاوبل :funny34d:
علي فكرة.. مفيش كورسا كتير هنا ف المنتدي 1200..
و تقريبا محدش بيبيع..
هاقولك فكرة..
روح بص كده علي كونتاكت او كار 100-100.. و شوف ايه النظام..
لو في حاجة لفتت نظرك.. قولي.. و ممكن انزل عاك لما تروح تتفرج كمان قشطة يعني
ولاهى يا باشا انت راجل ميه ميه و محترم جدا جدا هو انا فعلا ادامى واحدة فى الهرم بس خايف منها شويه من غير ما شوفها علشان بتاعت شاب انا شفت صورتها حلوة بس ما خفى اكيد كان اعظم
على كلامة هو مسقطلها متور فة 2006 و عامل بيه 30000 كيلو بس المتور 1200 سىسى و فيها تكيف اصلى gm جى مع التكيف و كمان باور و دة مش موجود اصلا فى العربيه بس هو جاى مع المتور الجديد و فيها فتحت سقف و الجنوط الاصلى فبريكة دواخل و طقم صوت كامل و ازاز كهرباء امامى المهم لحد دلوقتى هو بيتكلم فى 38 قابل للتفاوض بس طبعا يا باشا اكيد حضرتك عارف ان الكلام حلو المهم الحقيقة
يعني هي العربية موديل 94-95
او حتي 97.. وهو فوت الموتور و غيره كمان..
كده فعلا تخوف..
كلامه في السعر يقولك انها ممكن تكون متبهدله شوية..
لو عايزها اقرص عليه قوي ف السعر..
خدها منه في حدود 35 مثلا.. ده لو اساسها نضيف..
عشان لو قولنا هتغير عفشة و مساعدية و كده.. بتاع 2000 جنيه..
و كاوتش.. و شوية حركات.. بس المهم يكون الشاسيه نضيف و الموتور نضيف و راكب عدل..
و ميكونش في لعب و عك ف الكهربا وا لضفيرة..
بص. لو عايز عربية كويسة.. حتي لو اي نوع تاني غير الكورسا..
يفضل الاتي..
تكون اول يد.. صيانات توكيل بقدر الامكان..
تكون عربية راجل كبير.. (ولو انه مش شرط..)
او تكون عربية بنت..
و الافضل من كل ده انها تكون بيتي.. يعني تكون عارف صاحبها.. و عارف سواقته و تعامله مع العربية..
اخر العربية لو مع واحد كبير او واحدة..
العفشة هتبقي ضايعة.. و اسطوانة الدبرياج.. و قول كمان احتمال خبطات من برة..
و يتكشف علي الشاسيه.. عشان لبس البلاعات و الحفر و كده.. او الحوادث..
الحاجات اللي قولتلك عليها دي تتغير في حدود 2500 ولا حاجة.. غير كده العربية هتكون نضيفة..
ولاهى يا باشا كلامك سليم جدا و انا فعلا بدور على الى حضرتك بتقول عليه فيه واحد ليا معرفة من ايام الجيش هو اصلا بورسعيدى كلمنى لسة مفيش من حاجة و بيقولى سيبك من العربيات الى هنا العربيات على كلامة فى بورسعيد انضف كتير و فبريكة برة و جوة و ممكن يجبلى عربيات الى هى اصلا المفروض بتاعت المعوقين بأسعار كويسة ارخص من السعر الطبيعى بتاع السوق او فى نفس مستواة على الاقل الحالة حتكون ممتازة علشان هو ليه اصحابة شغالين مستخلصين فى الجمارك و على كلامة ممكن يحولى الرخصة بأسمى على طول و يخلص كل الف و الدوران بتعها فى وقت قياسى و ممكن نشوف عربية متخلصة على طول هى حتكون اغلى بس مش نقصة غير نقل الملكيه يعنى زيها زى اى عربية بتتباع و خصوصا انها ملاكى مش منطقه حرة مش عارف كلامه زقزق فى دماغى بس المشكله انا مش بفهم فى المكنيكا كويس يعنى حتى لو رحت و عجبتنى عربيه مش حعرف اخرجها من الجمرك اكشف عليها و لو جبت حاجة فعلا هى خرجة و خالص اورقها معرفش حد فى بورسعيد يفهم فى الاوبل على كلامة فى بورسعيد القطع الغيار كتير مش بيصلحوا بيغيروا على طول انا عارف انى تعبك يا استاذ احمد معايا بس العشم بئى و انت راجل محترم معلش استحملنى انت ايه رئيك فى الكلام دة يا باشا :cute:انا بجد دماغى فرقعت