السلام عليكم

كنت في مركز صيانة عندنا في طنطا قعدت اتكلم مع صاحبه شوية و قولتله إني عايز أفوق موتور العربية شوية و العفشة .. قالي إنه ممكن يعملها سيرفس كويس للموتور ( تغير السلوك لسبلت فاير أصلي + بوجيهات 4 شمعة ngk + شوية تنضيف للإنجيكشن و هكذا ) و بيأكدلي إن الشغل ده هيخليني أحس إن الموتور أقوى بفرق كبير !!!

و تغير المساعدين لطقم ألماني أقوى مع عمل سكاكين سبور للفرامل الخلفية ........ أنا شاكك إن الراجل ده ممكن يحول سكاكين للفرامل الخلفية بتاعت البومة !!!

طبعا مع طقم شدادات كامل و مصفحة تحت الموتور ... ده إحنا عارفين إنه بسيط

هو عنده جهاز كمبيوتر الشاسيه اللي بيكون موجود في التوكيلات .... و الراجل ده بيدعي إنه ممكن يظبطلي سيرفو الفرامل بتاعت العربية بالطريقة اللي إحنا عايزينها .. يعني نعملها 50/50 خلفي 40/60 أمامي بكل سهولة !!!

* السؤال ...... أنا شاكك في إمكانيات الراجل ده .. و هل هو يمتلك الأدوات و الخبرة اللي تخليه يظبط الشغل ده حسب كلامه ( للعلم أنا شوفت بومه هو محولها إفليوشن بتسقيط الموتور بالعفشة بكل حاجة ماعدا الدفع الأمامي طبعا ) .................. و كمان شاكك في تعديلات الموتور الهايفة دي إنها ممكن تزود كفائة الموتور بالدرجة اللي تخليه يستحمل عفشة أتقل !!!

و لما سألته عن إن الـ rpm بتاعي على المور ساعات بيهيس شوية كده و يطلع و ينزل لدرجة إنها بطلت مني مرة قبل كده .... مع إن كل الميكانيكيه قالولي ده حساس الأيدول ، هو الوحيد اللي قالي إن الـ TPS محتاج يتنضف !!!!!

- أنا مقتنع نظريا بأغلب كلام الراجل ده ...... بس أنا شاكك في إمكانياته و في جدوى بعض النقط !!!!