السادة أجمد هونداوية في الدنيا / هوندا سيتي 2013

**jalal** · 02-12-2013 12:35 PM

أجمل تحية لكل قسم الهوندا المحترمين
منسق القسم الرائع أ / سامح والدكتور أحمد الفيومي ومهندس امجد وكل أعضاء القسم
اولا انا متشكر جدا على موضوعاتكم ومشاركاتكم ساعدتني كتير اني آخد القرار أشتري سيتي 2013
بس حاسس بفرق لاني كان معايا آكورد 2300 c c كانت وحش ولما فكرت اشتري زيرو كانت الآكورد حببتني في الهوندا + المعلومات اللى آخدتها منكم .
بس لو سمحتم ليا سؤال هي ليه صوت الموتور عالي عكس الاكورد مع العلم ان الاكورد كانت موديل 98 لكن ما كنتش اسمع صوت الموتور وهل الصوت العالي حيستمر ولا مع الاستخدام يقل + العفشة ناشفه قوي .
ياريت تكملوا جميلكم وتردوا عليا في النقطتين دول .
وتقبلوا احلى تحية من الكويت .

**SAMEH_FOUAD** · 02-12-2013 12:55 PM

ياباشا ربنا يخليك , ونورتنا ياباشا , واهلا بيك معانا

بالنسبة لاستفسارك , فنصيحة منى ماتقارنش الاكورد بالسيتى او السيفيك , لان دية فئة تانية وكمان الاكورد اللى كانت معاك ماشاء الله 2300 سى سى يعنى وحش طريق وطبيعى عربية زى الهوندا لما تنزل محرك بقوة 2300 سى سى لازم تلاقية ناعم لان الماتور بيجرى من اقل دوسة لان ال torque اعلى والماتور مش محتاج اى مجهود عشان يتسارع

السيتى لو لسة معديتش بيها ال 5000 كم , يبقى امر طبيعى هتلاقى الحاجات دية ( عفشة ناشفة - صوت ماتور عالى - استهلاك بنزين زايد )

بعد ال 5000 كم هتلاقى كل حاجة بتتغير تماما فى السيارة للافضل بشكل ملحوظ جداااااااااا , وطبعا بعد ماتروح الوكالة تربط العفشة

وياريت بردة تقول هما فى الكويت عندك بيحطوا زيت اية ؟؟؟ عشان دة بيفرق ؟؟؟؟

**SAMEH_FOUAD** · 02-12-2013 01:41 PM

قطع غيارها فى مصر غالية

واغلى من السيفيك للاسف و قليلة الانتشار بالنسبة لاى حاجة استيراد

لكن الجديد موجود بس غالى طبعا

**jalal** · 08-12-2013 01:19 PM

الف شكر على اهتمامكم ونصايحكم المفيدة وكنت اتمنى اكون حاضر في مقابلة الهونداوية المرة الجاية علشان اتعرف اكتر على أجمد واشيك هونداوية في العالم بس لو سمحتم عندي استفسار عن ال paddle shift فوايده وكيفية استخدامه وهل يأثر على الفتيس ولا لأ وكمان أقصى سرعه امشي بيها دلوقتي والعربية عاملة 1500 كم ولكم خالص تحياتي

**jalal** · 11-12-2013 11:38 AM

كنت سألتني عن نوع الزيت اللي بيغيروه في الوكالة الزيت هو 5w30 وبيقولوا ده زيت هوندا الاصلي برجاء الرد .
شكرا لحضرتك وشكرا للدكتور احمد الفيومي على ذوقه وردوده الجميلة .
في حاجه عايز اضيفها ان لو في اي حد من ملاك الهوندا سيفيك او سيتي محتاج قطعة غيار ممكن اسال له عليها هنا في الكويت ويشوف إذا كانت مناسبه معاه ولا لأ وإحنا في خدمة الهونداوية .