خبطة فى الباب وتغيير زجاج

**ygamgoum** · 02-12-2013 03:20 PM

وانا راجع امبارح من طريق بلبيس وكنت راجع بيتي في مدينة العبور لقيت عربية كارو عكس في وشي والحصان بيجري على العربية فحضنت بسرعة على الرصيف بس لقيتة خبطني من الجنب الحمد لله فالزجاج اتكسر اللي في الباب الخلفي شمال و الفاصل اللي بين الزجاج واللهواية اتني من فوق وفي خبطة في شفة الباب عند الزجاج من فوق ودي وخبطة في الباب الحمد لله بسيطة بس لازم تروح لسمكري انا كنت عاوز اجيب زجاج واستعدل الباب على البارد عاوز اعرف ينفع اجيب زجاج استيراد ولا اجيب من جريش وهو بيتكلف كام وبعدين مين كويس اروحلة يعدلي الباب وتتكلم حوالي كام وممكن الاقى الفاصل الأسود ده في الحرفين او عند بتاع الزجاج تنصحوني بأيه. ربنا يسترها علينا جميعا ويحفظنا من الناس المستهترة.

**Eng_hatemfathy** · 02-12-2013 04:04 PM

لا حول ولا قوة الا بالله
انزل الحرفيين وهات زجاج وفاصل من هناك وبالنسبة للسمكرة لاسف لحد دلوقتى مش عارف اقع على حد ملوش غلطات -حتى لما عترت فى راجل كبير وشغال بايده لقيت بتعدى منه حاجات لو ملحقتهاش بتبوظ الشغل بعد الدهان وكان هليبسنى فى عربية كشفت عليها عنده وقالى فورة وطلعت مغيره ردياتير واكصدام ورفرفين امامى طب ازاى وصلت الخبطة للردياتير والرفارف من غير ما تأذى السلاحين وهوا بيحلف ان السلاح سليم واللحامات فبريكة
ربنا يعترك فى حد نضيف لان السمكرة دى موهبة واحساس بجانب الخبرة

**sakr_skoda** · 02-12-2013 06:56 PM

طيب شوف كدا باب استيراد على بعضة كامل بالزجاج ويسلام لو نفس لون السيارة يبقى هايل واكيد حتلاقى والتكلفة تقريبا هي هي لما تركب زجاج الباب وزجاج الهواية وقايم الهواية والسمكرة والدهان يعنى الموضوع حيدخل فى حدود 350 او 500 جنية فلو لقيت باب استيراد يبقى تمام........

انا ليه باقول كدا لأن حصل معيا نفس اللى حصل معاك وغيرت زجاج الباب والهواية بحوالى 105 جنية فى جريش وقايم الهواية ملقتهوش الى الآن استعدلته ومشيت الحال وسمكرة ب100 ولسة واقف على الدهان روحت لبتاع الاستيراد لقيب الباب كامل متكامل ب100 بس كان لونة ابيض طلبت نفس لون السيارة اللى فى التوقيع دى والراجل قال متتقيدش بلون السيارة....*

**ygamgoum** · 03-12-2013 10:25 AM

انا حنزل الحرفين دلوقتي واشوف يمكن الاقي باب في حدود 400-500 يارب الاقى لو ما لقيتش حروح للسمكري وستعدلها وإن شاء الله تتعمل كويس وما تبانش واروح اجيب زجاج جريش ربنا ييسر الحال

**ygamgoum** · 04-12-2013 09:01 AM

الحمد لله انا نزلت الحرفين وجبت الزجاج اللي في الخلف كامل بالشراعة والفاصل اللي بينهم ب150 بعد لف كتير ولقيت باب وسعرة 800 بس مالقتش اللون فقلت لسة حرش الباب ما شترتش الباب لاني حيخش في 100 جنية وروحت للسمكري وعامل الشغل على البارد بس قالي انها كانت في مكان صعب عملها الحمد لله وطلعت كويسة بس هو عدل حتة تانية في العربية تحت الكاوتش حوالي 3 سم بس باينة في المكان ده اللي بيكون في البنط لما ترفع الكاوتش رجعها على البارد الحمد لله انها جت على كدة. السمكري خد مني 160 بتركيب الزجاج يعني كلها اتكلفت 300 الحمد ومتشكر جدا جدا جدا لكل الأعضاء اللي وقفو معايا وساعدوني وربنا يحفظنا جمعيا ويسترها علينا وميكونش في حوادث