مأساة اليوم التانى فى غمرة

**AUDAI** · 02-12-2013 08:30 PM

المشاركة الأصلية كتبت بواسطة amrelsaqqa

على 80 من الاريال يا جماعة والله العظيم من الاريال ومش من ناحية الباب خالص ، وانا ريحت نفسى وشلت الاريال خالص، معرفش يا استاذ عدي هو نفس اللى عندك ولالا ، والاحساس بالهوا بعد 130 ، ده طبيعى وبسيط جدا

الصوت بيظهر عندك عند سرعة كام ؟ وهل مرتبط بالسرعة بالمللى يعنى بيظهر مثلا على 80 بالظبط او 90 بالظبط في كل الحالات ، ولا مش شرط ؟

دة هوا بيدخل من الباب مالوش اى علاقة بالحوار اللى بتكلم فيه

**amrelsaqqa** · 02-12-2013 08:35 PM

المشاركة الأصلية كتبت بواسطة audai

دة هوا بيدخل من الباب مالوش اى علاقة بالحوار اللى بتكلم فيه

تمام ، يبقى مشكلتك مختلفة ، ان شاء الله تتحل على خير

**Ahmed Amin** · 02-12-2013 09:37 PM

المشاركة الأصلية كتبت بواسطة AUDAI

دة هوا بيدخل من الباب مالوش اى علاقة بالحوار اللى بتكلم فيه

أولاً مبروك علي التيل الجديد,
بالنسبة للهواء اللي بتحس بيه من ناحية الباب كان فيه ناس قالت إن الكاوتش بتاع الباب محتاج أسبراي يترش عليه عشان ينعم أو يطري شوية لأنه ناشف.

ممكن تجرب بكرة تجيب الأسبراي دا بيبقي اسبراي زيتي او شحمي grease
وجرب رش منه بكرة وشوف كدا هيفرق معاك ولا لأ لأنه بينعم الكاوتش وعرفنا بالنتيجة.

**amrelsaqqa** · 02-12-2013 10:22 PM

عن نفسي معنديش المشكلة بتاعت الاستاذ عدي خالص الحمدلله

**itمحمد سيد** · 10-12-2013 12:36 PM

الحمد لله انا مش عندى الكلام ده خالص

**Akram.Gamal** · 10-12-2013 03:57 PM

الصوت بتاع الاستاذ عدى ده موجود فى كل العربيات و موجود عندى و هو مش صوت من الابواب او العزل
ده صوت هواء بيطلع من الهوايات و كل ماتسرع اكتر صوته بيعلى

الهواء فعلا بيدخل من الهوايات و انا كنت اول ماجبت العربيه قعدت العب لحد ماعرفت الغى الموضوع ده بس بعد كده رجعت تانى مع تشغيل التكييف و سخانات الازاز

هبقا العب تانى بقا لحد ماوصل تانى

**medori** · 10-12-2013 08:30 PM

قدر الله و ما شاء فعل يا عدى، بس لازم ترجعلهم تانى و تخليهم يصلحوا النقرة اللى فى الكبوت.

انا قفلت من التوكيل خالص كدة بصراحة عشان دة تانى موقف بعد عمرو يدل على إهمالهم فى التعامل مع العربيات من مهندسين التوكيل رغم الإهتمام اللى مدية التوكيل للعربية و عايز يرجع بيها سمعة و مبيعات البيجو فى مصر. أنا اعتقد ان لازم يتعمل شكوى للإدارة بتاعت وجية أباظة من حضرتك و عمرو مع بعض بما أن الموضوع اتكرر معاكم عشان لازم المهندسين دول يتشدوا بصراحة. أنا عن نفسى مش هعتب التوكيل دة إن شاء الله يا إما صلاح سالم او مركز خدمة.

**medori** · 10-12-2013 08:32 PM

المشاركة الأصلية كتبت بواسطة amrelsaqqa

على 80 من الاريال يا جماعة والله العظيم من الاريال ومش من ناحية الباب خالص ، وانا ريحت نفسى وشلت الاريال خالص، معرفش يا استاذ عدي هو نفس اللى عندك ولالا ، والاحساس بالهوا بعد 130 ، ده طبيعى وبسيط جدا

الصوت بيظهر عندك عند سرعة كام ؟ وهل مرتبط بالسرعة بالمللى يعنى بيظهر مثلا على 80 بالظبط او 90 بالظبط في كل الحالات ، ولا مش شرط ؟

لأ يا عمرو مش من الإريال، انا استنيت لما ظهر و وقفت على جمب و شلت الإريال و الصوت كان موجود برضة