الموضوع: مأساة اليوم التانى فى غمرة

المشاركة الأصلية كتبت بواسطة amrelsaqqa

على سرعة كام الصوت اللى بتقول عليه ، ووصفه ايه ؟

انا من ساعة ما شلت الاريال وفعلا معنديش اي مشكلة وكل اللى ركب معايا العربية لاحظ معايا الفرق قبل وبعد
لدرجة ان الاريال ضاع منى ومش لاقيه لما بقيت مش بستخدمه :d

هو نفس الصوت اللى عند معظمنا ما بين ال 80-90 و ال 110-120، هو بيبقى زى ونة هوا كدة جوا العربية و ممكن متخدش بالك منة غير لما تكون مركز معاها و مستنيها، عامة هو مش عاملى أزمة يعنى عشان انا على طول مشغل الكاسيت و نادرا لما بسوق و العربية ساكتة كدة عشان انا بجرى و بيبقى صوت الموتور كدة كدة عالى، فبدل الموضوع فى عك من التوكيل فخلية احسن

المشاركة الأصلية كتبت بواسطة mohamed hussei

التوكيلان شكلهم اوحش من بعض بيجو وستروين معأن ستروين محدش اشتكي من توكيل غير مشكلة بتاعت اسلام تسقيف مع تكيف واتحلت في الاخر الواحد مش عارف يختار انهي عربية يشتريها

حتى لو التوكيلان إستووا في كل شئ
هتفضل البيجو إختيار أفضل لأن إنتشارها أكبر و ده هيأثر في توفر قطع غيار البدي الخارجي و سعرها

للاسف البلد دي مش بتاعة بيجو والا رينو والا ستروين البلد دي بتاعة كوري وياباني

اعتقد الريو بديل افضل لل 301 حاليا

المشاركة الأصلية كتبت بواسطة walidzakzok

للاسف البلد دي مش بتاعة بيجو والا رينو والا ستروين البلد دي بتاعة كوري وياباني

اعتقد الريو بديل افضل لل 301 حاليا

أعترض جملة و تفصيلا
هو مش البلد دي برضه اللي كان البيجو 504 في يد الجميع
آداء التوكيل بيختلف من فترة للتانية و الوكيل نفسه بيتغير كل فترة
و أعتقد موضوع الكوري ده بطل من زمان ...أسعاره مبقتش تنافسية زي زمان
شوف كده أسعار الكارينز و السيراتو 2014
و الياباني في الفئة السعرية دي للأسف مش ياباني (الصني موتور هندي و التقفيل 30% مصري)
و موضوع مقارنة الريو بال301 إتهرس قبل كده تقدر تراجع المشاركات دي

العضو mohajr (أحد ملاك ال301)

يجب أن تحدد إحتياجاتك من السيارة أولاً فمثلاً إذا أردت الأوسع فسيكون البيجو ال 301 و لو إخترت الكماليات الأكثر مثل مرايات الضم و الليدات ستكون الريو فى الفئة العالية.
لو إخترت الأمان ستجد أن جميع فئات البيجو بها 2 إيرباج و فرامل abs لأنها مواصفات أمان أوربية فى حين أنك لن تجد أياً من ذلك فى الريو ماعدا أخر فئة و التى تزيد عن البيجو ال 301 الهاى لاين بأكثر من 12 ألف جنيه .
لو إخترت الموتور الأقوى ستكون البيجو 1600 ثم الريو 1400
لا أستطيع الحكم على وكيل البيجو الأن ولكن بحكم أننى كنت أملك سيراتو 2011 هاى لاين قبل البيجو أعلم أن توكيل الكيا جيد جداً
لذا حدد إختياراتك و أولوياتك من السيارة أولاً ثم قرر أي من الفئات ستشتريها و أخيراً إجلس فى السيارتين .
نصيحة أخيرة .. لا تتنازل عن مواصفات الأمان فى أياً من السيارتين... لقد مررت بكثير من المواقف التى أنقذتنى بعد ربنا طبعاً لذا ضع الأمان نقطة لاتتنازل عنها ثم قرر.

العضو silent dream و مقارنة وافية جدا

http://www.nilemotors.net/Nile/38245...13-2013-a.html

المشاركة الأصلية كتبت بواسطة abohend

حتى لو التوكيلان إستووا في كل شئ
هتفضل البيجو إختيار أفضل لأن إنتشارها أكبر و ده هيأثر في توفر قطع غيار البدي الخارجي و سعرها

للاسف شعب مصر هو اللي بيخلي الناس تخاف من سيتروين
في الاخر هي عربية و كلنا بنمشي ورا " سمعت واحد قال "
ال 301 و الاليزيه نفس كل حاجة بخلاف حاجات بسيطة في الخارج
و الاتنين ظهر فيهم عيوب
و الاثنين توكيلهم بيستهبل
و الاتنين اتعمل فيهم شكاوى في حماية المستهلك
و الاتنين راحوا فحص في كلية هندسة بسبب مشكلة السوفت وير

و الحمد لله يبقى الأصمد هو المواطن المصري اللي هيجيله الضغط عن قريب
و حسبنا الله و نعم الوكيل