منا عارف الكلام دة كويس و للاسف انا اعرف عميد قريبي في المرور عندنا بس مكلمتوش لاني محرج منة بصراحة بسبب مشكلة كدة حصلت بيني وبينة ومش لاقي حد خالص
عرض للطباعة
المندوب جة معايا اول يوم علي الفحص وفصحنا وخلصنا في ربع ساعة ومشينا علي المرور كان الورق بتاع الشاسية لسة موصلش ورحت الاحد بقي ومن ساعتها وانا معا نفسي معاة دوسية فية عربيات بيجري عليهم وبيقلي اقف في الطابور دة روح هات كذا وانا الي بلف و الاثنين نفس الوضع جيت النهاردة مكلمتوش ورحت لوحدي الصبح وخلصت كل الورق الحمد لله وباقي علي تسليم الرخصة هاخدها بكرة باذن الله حتي بيكلمني بيقلي انا جايلك اهو الساعة 10 ونص قلتلة جايلي فين انا خلصت ومروح بيقلي خلصت اية قلتلة خلصت الورق ودفعت الضريبة وراكب ومروح اهو وبكرة برضو ان شاء الله هروح معا نفسي اخد الرخصة واجيب النمر و اركبها و اروح المعرض استلم العربية من المخزن هسبلة 50 جنية انا كنت ناوي اسبلة 100 بس هوة معمليش حاجة غير الفحص وانا الي طلع عين اهلي باقي الايام فكفاية علية 50 جنية وهاخد العربية وهمشي ان شاء الله
يا باشا والله كلمت 4 في المرور وقلتلهم الي تطلبوة و ال 4 للاسف قالولي مش هنعرف نعمل حاجة لان الموظف مكانش موجود وكلموني النهاردة عشان ياخدو ملفي قلتلهم شكرا انا خلصت معا نفسي كنت هناك 8 الصبح وكنت رقم 4 في الطابور سلمت الملف ودفعت ومشيت قبل الزحمة علي الساعة 10 وبكرة ان شاء الله هستلم الرخصة
اولا الف مبروك على العربية
ثانيا كل المصالح الحكومية زى الزفت ومفيش رقيب عليها
انا حصل معايا فى المرور بتاعى اسوا من اللى حصل معاك وكنت بجدد لتصريح وطلبو منى اسافر للسويس ( المرور القديم بتاع العربية ) وكنت مرخص جيزة بقالى 6 شهور والمهم عملت مشكلة ودخلت للمراجع ولرئيس الوحدة وقالولى لازم تروح السويس تجيب شهادة مخالفات وطبعا انا نفضتلهم واخدت بعضى ولاقيت حد هناك بيخلص دفعتله 200 ج واخدت الرخصة وانا قاعد على القهوة وشكرا للتحية .
هي ده مرور و لا غرزة ؟!!
انا مش عارف امتي التعليم يعدل الناس دي لسه تعليمنا تحت الصفر
انا عايز اسافر زيك لانه برضه مش علشان فلوس ده عشان الناس و الصراحة انا مش عايز اسميهم ناس او بني ادم
لو سافرت خدني معاك:-d لو اشتغلت حتي زبال فاكرملي بيقولوا السويد و سويسرا متحضرين جدا و عندهم اقل نسبه جريمة و السويد معندهاش مساجين اصلا ههههه
يا استاذ ميدو عندي استفسار بس مش عايزك تزعل مني ابدا
انا مكنتش عايز افتح الموضوع عشانك متزعلش لكن للاسف واحد جاري معاه ايمي و بشوفها كل يوم و هموت علي جمالها لكن
انا عايز اعرف ايه اللي خلاك تستقر علي ايمي بعد ما عرفت كل عيوبها وخاصة واير الفتيس؟