و يستمر مسلسل الاهمال و الا مبالاة !!!

**M I D O** · 02-12-2013 09:41 PM

بسم الله الرحمن الرحيم

ازيكم يا جماعة يارب تكونو بخير ...
من يوم السبت وانا بحاول ارخص تخيلو .. و المرور فية عدم التزام و اهمال و قلة ادب ولا مبالاة و و و و مش هعرف اوصف لان الي حصل ميتوصفش ....
رحت السبت عملت فحص وجهزت الملف وخلصت كل حاجة بس جواب اعتماد الصناعة كان لسة مجاش وروحت وقالولي تعالي بكرة .. رحت الاحد لاقيت الجواب وصل قلت يافرج الله الحمد لله ورحت عشان ارخص وقفت في طابور دة لو اسمة طابور اساسا الناس كلها بتزوق في بعض المهم وقفت من الساعة 9 الصبح للساعة 12 ونص عشان اخد اعتماد جواب الصناعة و اخدتة بعد معاناة وزق وزعيق معا الناس الي بتزوق وكلام معا الموظفين الي سايبين الشغل وبيفطرو ويشربو شاي وسجاير وبعدين رحت اقدم الملف ملاقتش الموظف راح فين يا جدعان اهو الموظف اهو .. لو سمحت عاوز اقدم الملف يقلي ثواني ويمشي ربع ساعة نص ساعة هوة راح فين قالك دة ساب الشغل وروح

طب وبعدين ؟؟ تعالو بكرة ..
رحت الاثنين الي هوة النهاردة الساعة 8 ونص قلت عشان احجز دور بقي فين الموظف قالك واخد اجازة ووقفت في طابور حوالي 20 واحد لحد الساعة 10 لحد ما البهوات ادركو ان الموظف غايب ومفيش مكانة حد وبعتولنا موظف تاني اقل ما يقال عنة ان السلحفاة لو لفت حوالين كوكب الارض هتكون اسرع منة علي مايخلص ملف واحد ..
المهم عدا ساعة و الاستاذ خلصت 4 ملفات وانا واقف وبقول يااااااااارب يا مسهل حلها من عندك يارب ..
بعدين جات واحدة ست وقفت جمبنا قام الموظف واخد منها الورق قام الراجل الي علية الدور قالة انا الي المفروض تاخد ملفي قام الموظف قايل راجل مرة وست مرة قالة بس دي لسة واصلة قالة ماليش دعوة لسة واصلة ولا لا الي قدامي طابور ستات يبقي راجل وست قام الراجل مزعق معا الموظف قام الموظف قايلة انت بتتكلم ازاي كدة وشبط فية وقال والله منا شغال وساب الشباك ومشي عدت ساعة وظابط معدي قلنالة الي حصل راح للموظف يتحايل علية تخيلو ؟؟ اة وربنا يقلة معلش عشان خاطري روح و الموظف والله منا رايح المهم ..
اخدنا بعضنا وطلعنا علي مدير المرور قالنا هبعتلكم ظابط وبعت فعلا بس الظابط معملش حاجة والي حصل انة قالنا خدو ارقام وتعالو بكرة هتدخلو اول ناس ودة الي عملناة ومشينا ولو كنت خلصت امبارح كان زماني مستلم ومرخص

معا العلم اني ماشي من المرور الساعة 1 وربع ... بدون طبعا اي نتيجة
ما علينا بقي من كل دة .. انا الي شفتة في اليومين دول مشفتوش في عمري كلة ..
موظفين حكوميين و 100 خط تحت حكوميين دي بيشتمو الناس و الي يقول يلا يابن ال .... ويلا يابن ال ... ويحصل خناقات بين الناس و الموظف الي واحد قالة ياعم بطل اكل واشتغل ورانا مشاغل قام قايلة طيب عليا الطلاق منا شغال وساب الشغل وروح و الناس مشيت وقلة ادب وبهدلة وعدم احترام وهمجية وبلاوي ..
كل الي اقدر اقولة ياااااااااااارب خرجني من البلد دي علي خير واخلص دراسة واسافر واسيبلهم البلد بالي فيها ....

دعواتكم معايا الله يكرمكم اخلص بكرة بقي الورق عشان اخلص من المشوار الزفت دة و القرف الي انا فية دة

**M I D O** · 02-12-2013 10:32 PM

المشاركة الأصلية كتبت بواسطة medo_vitch

ازاى موظف حكومه يقولك انا مش شغال ويسيب الشباك ويمشى .. لا لا دى مش قله ادب دى مسخره وربنا ... ربنا معاك بكره ياميدو وتخلص إن شاء الله ... بلد بايظه وكل حاجه فيها خربانه ... حسبى الله ونعم الوكيل فى اللى خربها كده :(

وفي موظف تاني بيحلف بالطلاق ههههههههههههههه

والي عمال يفطر وسايبنا و الي يقلك تقف زي الكرسي مسمعلكش صوت والي يقلك امشو بقي من هنا كانة بيت ابوهم بس الحاجت دي حصلت لناس قدامي مش ليا انا الي حصلي شخصيا واحدة بسالها بقلها بعد اذنك هنا تقديم ملفات الترخيص مردتش قلتلها تاني مردتش بقلها تالت قامت مزعقة وبتقلي عاوز اية امشي من هنا واسئل في حتة تانية قمت قايلها جرا اية يا ولية عليا النعمة ادخلك جوة واعرفك مقامك وكنت لسة هتخانق معاها بس الناس قالولي خلاص وبتاع وهدوني ... اشكال غريبة بنتعامل معاها هناك يا باشا

**hugan** · 02-12-2013 10:32 PM

مصر ام الدنيا

**M I D O** · 02-12-2013 10:40 PM

المشاركة الأصلية كتبت بواسطة hugan

مصر ام الدنيا

ياااااااااة الكلمة دي كنت بسمعها وانا صغير ومنسجم اوي ومتكيف منها دلوقتي بقي لما كبرت عرفت الكلمة دي معناها اية

**midooo_119** · 03-12-2013 12:00 AM

ميدو هو مندوب البنك لزمته ايه ؟؟ انا الى طلع معايا جابلى الرخصه فنص ساعه و اديته 100 جنيه

**saddam** · 03-12-2013 03:03 AM

صديقي المواطن
مقدر موقفك وشايفه كتير ومتعاطف وياك وقلبي معاك عشان كده بقالي 10 سنين عمري مفكرت أخش مرور من غير مكون متفق مع مخلصاتي حتى لو كان ورقي نظامي ورسمي وحتى لو كان المرور فاضي 500 أو 600 جنيه بلاش آكل وأشرب كام يوم وأدفعهم بس أشتري كرامتي فيه ناس تشتري المرمطة بفلوس وأنا وإنت ملناش فيها فالمثل بيقلك هين قرشك ولا تهين نفسك أنا دلوأتي بعد كام يوم بفكر أرخص عربيتي رقم 7 من مرور فيصل الضال المظل وعندي 3 مخلصاتيه لسه حبتدي أكلمهم ونشوف مين أرخصهم وأسرعهم عشان عايز أغير لون قبل ما أرش وكمان أجدد رخصة بإسم صاحبها بقالها 3 سنين وكمان أثبت فاميه عالرخصة ويعديها من الفحص بسرعة لوجود تعب في الفوانيس واﻹكصدامات أنا راصدله تعب إيده 1200 لو يوافق بس
وربنا يفرج عنك ولكن في مصر قبل أن تتجه ﻷي مصلحة حكومية لو معرفتش إن فيه هناك بوابة إكراميات وتسليك مجاري فإياك تروح وزكي عن نفسك بعدين وجماعة الراشي والمرتشي يا ريت بلاش ده مش بكيفك يعني أتهان ولا أسلك أموري وأنا على فكرة مش بعمل غلط ولا بسرق حق غيري ومباخدش دور حد وبوقف في طوابير كل ما في اﻷمر مبحبش حد يهينني عشان عربية
وهذا ما لزم بيانه ودمتم
وبالتوفبق وإلى اﻷمام ومن نصر إلى نصر
ودمتم للنضال

-

-

الموضوع: و يستمر مسلسل الاهمال و الا مبالاة !!!

LinkBack

أدوات الموضوع

عرض

و يستمر مسلسل الاهمال و الا مبالاة !!! - انشر الموضوع فى :

-

-

-

-

المواضيع المتشابهه

هل يستمر الحب؟؟

منتهى التسيب ولا مبالاة

قمة الاهمال ... حاجه تحرق الدم ...!

ايه الا مبالاة دي !! حاجة تنرفز

كارتك و الاهمال ؟؟

الكلمات الدلالية لهذا الموضوع

المفضلات

المفضلات

ضوابط المشاركة