الموضوع: جمهورية كشريستان

المشاركة الأصلية كتبت بواسطة zarif

لما يكون كل الناس والحشود الهائلة الى موجودة فى الشوارع والميادين فى كل المحافظات بل وفى القرى كمان فى 30-6......هنتكلم فيهم من منطلق جدلى ان دة



يبقى انا اوفر الكلام احسن

يا صديقي , انا زي ما قلت لك مش حابب اصلا نخرج من الموضوع الاصلي , شفت ايه كدب عالجزيرة
لموضوع فرعي اسمه ثورة دي ولا انقلاب
بص

فيه حشود كبيرة = حقيقة و خبر , اهم شايفينهم في الشارع بعينينا

حشود كبيرة = ثورة , ده مش خبر , ده بقى اسمه رأي , ليه ؟ هانرجع بقى لتعريف الثورة و نشوف الحشود بتطالب بإيه و كانت انهي فئات و ادواتها ايه و عدد من العوامل التانية
تعرف ايه تعريف و خواص الثورة و تعرف انهي من الخواص دي منطبقة على يونيو و انهي منها منطبقة على يناير و انهي مش منطبقة ؟
طب تعرف ايه الفرق بين الثورة و بين الاحتجاجات و بين الانتفاضة او الفورة او الهبة على رأي شفيق ؟

انا للأسف هاخرج من الموضوع و اقول لك ان يونيو كانت عبارة عن احتجاجات و انقلاب , و خواص الانقلاب كلها منطبقة عليها بعكس خواص الثورة اللي بعضها ضروري جدا و مش موجود في يونيو

مثال :
الاسباب المعلنة في ورقة تمرد للاحتجاج كانت ايه ؟
كان منها
- فشل المسئولين عن الامن
- فشل المسئولين عن توفير الكهربا
- فشل المسئولين عن توفير الوقود

لو احنا بنتكلم في ثورة , يعني اسقاط , يعني اللي فشل هايسقط لأنه مش بيعمل شغله , هو و اللي مشغله اللي ما دفعش المقصر انه يشتغل ولا غيروش مثلا
لما نلاقي اللي فشل و مفروض ان ثورة هاتسقطة , موجود لسه بعدها و ما حدش مسه , مع انه اصلا السبب المباشر للثورة , لأ نلاقيه شارك في الاحتجاجات كمان
هنا انت فقدت احد اهم خواص الثورة

مثال واقعي للتوضيح اكتر
لما تلاقي اللي نازل يقول (يسقط) عشان الداخلية قتلت جيكا و حقه ما جاش و اللي بيقول يسقط عشان الداخلية ما امنتش شارعهم و ماحدش حاسبها , و في نفس اللحظة تلاقي جنبهم الظابط اللي قتل جيكا و الظابط بتاع القسم اللي تبعه الشارع ده (دول اللي مفروض حد يقتص من واحد فيهم و يجبر التاني على الشغل او يغيره و يحيب غيره , واحد قاتل و التاني مأنتخ ) و بيقولوا يسقط هما كمان , ما تقوليش ثورة هنا لأن لو دي ثورة كان ظابط الشرطة القاتل او المقصر خاف منها لانها هاتحدفه في الشارع او في السجن

نفس المثال هاينسحب على وزراء الكهربا و البترول , اللي للمفاجأة هما الوزيرين الوحيدين بالاضافة لوزير السياحة اللي فضلوا !

خواص الثورة المفقودة في يونيو كتيرة جدا , و اللي هنا ده واحد بس منهم