Trapped Short Film - ْمُحَاصَر - YouTube
عرض للطباعة
كل حاجة فية منطقية
ما عدا النهاية
مش منطقية او مش مفهومة
النهابة : انت
تعليقا على الفيديو
وجع :(
انى اكون انا النهاية
يبقى لازم اكون ارهابى او متعاطف معاهم او مؤمن بيهم او مصدق ان اللى بيعملوة ان دة الصح
...........
غير كدة لازالت النهاية بالنسبة ليا مبهمة او غير مفهومة على الاقل
اللي فهمته
ان السكوت معناه نهايتك
و حاجه تانيه فوق البيعه
انت دايما ارهابي و بلطجي و مخرب في وجهة نظر شخص او مجموعه اخري
اسد جريح ؟
اسد ؟
حمى ؟
انت بأمانة عقدتني :s
الدولة دلوقتى اسد على كل واحد بيقول للظلم لاء.
لو الدولة اسد مكانش شوارع القاهرة اصبحت غرزة كبيرة والبلطجة على الصفين .
لو الدولة اسد كنت تطمن على عيالك وانت ماشى بيهم فى الشارع.
عزيزى احب اقولك مافيش حاجة اسمها دولة اصلا مافيش شرطة مافيش قضاء والجيش نوجود فى الشارع مش فى مكانه.
نحن فى اللادولة..........
فيديو معبر وواضح جدا فيه العبره وبالصمت ... بالصمت فقط العبره لمن يعتبر
لو شفت الموضوع من الناحية الصحيحة هتلاقى الموضوع بسيط جدا ومفيهوش اى تعقيد
كل اللى انت بتتكلم عليهم دول مبيمثلوش اى تهديد للدولة بمعنى كلمة الدولة
الارهاب والعملاء والخونة والطابور الخامس ومن يدور فى فلكهم هما دول التهديد الحقيقى ودة اللى الدولة حاطة علية 90% من تركيزها
بمجرد ما تنتهى من القضاء على الارهاب ومن يعاونة
كل الباقى دول يتلموا فى شهر على اكبر تقدير
لا ياباشا دة لبس عادى تى شرت اسود + شورت بنفس اللون
وانا هفترض حسن النية فى كلامك
يعنى مش هفترض انك بتقول ان الصورة وانا واقف فى قاع البحر بدون معدات غطس دى فوتوشوب
وعشان اقطع الشك باليقين
والشورت فى البسين:0002014A:
انا هحط لك فيديو ليا مدتة 7 دقائق فقط
عند الدقيقة 2.30 هتشوف العمق اللى بوصلة عادى جدا بدون معدات
وعند الدقيقة 6.52 هتشوف العمق اللى انا طالع منة
ومتنساش تبقى تختار من الضبط بتاع الفيديو 480P عشان تشوفة بصورة كويسة
[youtube]http://www.youtube.com/watch?v=9dRSUNnzFvM[/youtube]
يا عم انا مش غلبان اوى كده علشان اصدق ان اللى انا عايش فيه بقالى 30 سنة من عشوائيات و ىتخلف وبلطجة وعربدة وفقر و اسفاف والى مالا نهاية وحضرتك تقولى شهر ويتلموا وعايزنى اصدق..............................
وبعدين ايه علاقة الارهاب بتاع حضرتك بالغرزة الكبيرة التى تدعى مصر.....
عندك مشكلة مع الارهاب فى سينا ليه تسيب شوارع القاهرة مرتع للبلطجية واللصوص و المخدرااات بكافة انواعها؟؟؟؟؟؟؟
مش عارف تخلص على الارهاب فى سينا ومش مامن لى حياتى طيب انت كسلطة وظيفتك ايه؟؟؟؟؟؟؟
يعنى سلطة فاشلة فى تامين الحدود من الارهاب وفاشلة فى السيطرة على الشوارع من البلطجية وعايزنى اديهم فرصة واصدق انهم شايفين شغلهم.؟؟؟؟؟؟؟؟؟
هو انا طيب شوية بس مش ساذج......
الموضوع ملوش علاقة بالغلب او السذاجة الو الطيبة
الموضوع شوية صبر
ربنا خلق الدنيا فى 6 ايام وهو سبحانة وتعالى امرة بين الكاف والنون
والدولة دلوقتى طالعة من حالة سيولة
وبتواجة الارهاب
مجرد ما هتنتهى من الخطر المحدق اللى هوة الارهاب وعملائة
صدقنى الباقى سهل ومقدور علية جدا
شوية صبر بس
استاذ مصطفى رغم اختلاف ميولى السياسى مع حضرتك بس احنا متفقين فى اننا نفسنا نشوف مصر افضل بلد.
بس مش كل حاجة بالتمنى لازم نكون بنشتغل على كده والمهم ان السلطة تكون عايزة حال البلد ينصلح.
بس انا مقتنع ان القضية ان السلطة بتسعبد الشعب.
هانفضل فى مشكلة مصر تحارب الارهاب الى مالا نهاية.وهاننسى مصر تحارب البلطجة ومصر تحارب اللصوص ومصر تنتج ومصر تتطور .
هانفضل طول عمرنا نقول عاش القائد فلان و الجيش بيحمينا..........
الايام بيننا.
والله يا اخى الفاضل كلامك فكرنى بقصة جحا والخنزير
يعنى لو خيرونا بين دلوقتى وايام مبارك..... هنختار ايام مبارك
رغم ان كان فيها سيئات كتير جدا وانا معاك
بس على الاقل كان فيها امن وكانت الدنيا ماشية اقتصاديا
يعنى فى النهاية قصة جحا والخنزير تتكر ولكن بالبطى
بس انا متفائل انها هتكون احسن باذن الله
انت نازل بصوره السيسى !!اقتباس:
المشاركة الأصلية كتبت بواسطة zarif
they once say ask about it
now they say google it
http://imageshack.us/a/img13/4434/8k4z.jpg
http://imageshack.us/a/img191/2046/f9cg.jpg
نحب نعرف بقى رأى الخبير الاقتصادى ظريف اللى بيتكلم بكل ثقه عن الاقتصاد و بالدليل طبعا قصة جحا و الخنزير
ايه هو بقى الاقتصاد الجامد اللى كان ايام مبارك
اختيارك غلط , انت اخترت تسمع لإعلام الدعاره و الدجل و الشعوذه
الموضوع مش محتاج خبير اقتصادى ولا حاجة
من بعد 25 يناير 2011 والحالة الاقتصادية والامنية فى النازل ودة شيى مفروغ منة مش محتاج جدال
مش معنى كدة ان انها قبل كدة كانت زى الفل
لكن على الاقل كانت احسن من دلوقتى
وانا استدليت بقصة جحا والخنزير عشان اوصل المعلومة بشكل كوميدى لاذع
دة غير انى مش محتاج اسمع اعلام الدعارة (( الجزيرة واليرموك وما شابة))
ببساطة انا عايش فى مصر
همممم , و ايه الاكاذيب اللي شفتها على الجزيرة مثلا يا مصطفى ؟
بيقولك مره دوله اسمه كشريستان كان حاكمها حزب ديوث وثنى حرامى شعبها قام بثوره عليه و بعد كده اكتر قناه بيتفرج عليها نفس الشعب هى قناة مملوكه لواحد اسمه ميمى الامينو من نفس الحزب الوثنى اللى قامت ضده الثوره
و دولة كشريستان دى دوله غنيه جداااااااا و فيها موارد تكفى الدنيا كلها لكن شعبها سايب كل الخير ده و بيروح يشتغل فى بلاد تانيه بيحتقروه فيها و بيعاملوه زى العبيد
تسمى ايه الشعب ده يا ظريف باشا ؟ انا عن نفسى اسميه شعب ظريف دمه خفيف سايب الحراميه يمصو دمه و ينهشو لحمه و هو مش لاقى الرغيف
و بيدافع عن الحراميه دول :glasses18:
وبعد كدة قامت ثورة على الحزب الوثنى
جم شوية ناس قعدوا يصدعونا ب على القدس رايحين شهداء بالملايين ...
وتقريبا ملقيوش ميكروباص يودى الملايين
وقالولنا فى نهضة وفى الاخر طلعت فنكوش ونصب
وقالولنا فية 200 مليار وفى الاخر القرداتى طلع يلف دول العالم يشحت اى ملاليم
قامت ثورة عليهم
فبدل ما كانوا فى نظرنا تجار دين
اكتشفنا انهم تجار دين وارهابيين وقتلة جنود عزل وصافعوا نساء عجائز
طب دول بقة تسميهم اية
معلش بس انت قلشت في النقطتين
نقطة 30 يونيو دي اسمها رأي مش خبر , الرأي قد يكون مضلل و قد يكون سليم , و الخبر اما صحيح و اما مكذوب
بالمناسبة - بس ده مش موضوعنا و مش باحب اخرج من موضوع لموضوع تاني في النص بصراحة - الاعلام العالمي كله بيصف 30 يونيو بالانقلاب باستثناء اعلام الدول الداعمة ( علنا ) ل30 يونيو (السعودية الامارات الاردن الكويت سوريا بشار الاسد و روسيا )
المهم عشان ما نخرجش من موضوعنا , النقطة التانية بتاعة ال26 مليون بتوع تجرد , بعيييد خالص عن موقفي منها او موقفك منها , مش عارف تقصد اكلتهم القطة ازاي , بس الاكيد ان دول اللي اعلنتهم تجرد مش الجزيرة , فلو فيه حد كذب يبقى تجرد بالتأكيد
دخلى ايه باللى انت بتقوله ؟
انت بتجادل من اجل الجدال :glasses18:
الاخوان بالنسبالى ميفرقوش حاجه عن المجلس العسكرى هما الاتنين منافقين و بيجرو ورا مصلحتهم
و ده اللى كان بيقولو الفيديو فى اول صفحه ان اى حد بيقول لا للظلم فهو اخونجى و طبعا اعلام الدعاره هيقول عليه ارهابى و بلطجى
للاسف الدعم الاعمى للسيسى بيخلى الداعم يقول على اى حد ممانع انه اخوانجى و بلطجى و ارهابى
وانا شهادة حق عمرى ما شوفت بلطجى الا كتفه فى كتف ظابط شرطه واكلين شاربين خارجين مع بعض
باشا الجزيره المخابرات المركزيه الامريكيه هى اللى انشأتها و عملت منها معادله خبيثه للغايه
فمن ناحيه فهى اكتر القنوات الاخباريه ذات المصداقيه فى تناول اخبارها و من ناحيه اخرى فهى تنفذ اجندات السى آى ايه ببراعه
هل تعلم ان سبب ترك يسرى فوده للجزيره هو انه كان عمل مقابله مع احد قائدى القاعده و اسمه خالد شيخ محمد و بعد المقابله استطاعت المخابرات الامريكيه القبض عليه عن طريق جهاز تتبع تم وضعه فى هاتف يسرى فوده
و ايضا شركة لوكهيد مارتن اكبر شركة تصنيع اسلحه فى العالم يهمها جدا ان يكون العالم دائما فوق صفيح ساخن حتى تستطيع جنى ارباح اكثر سيما من تيوس الخليج
و على فكره اكبر قاعده جويه امريكيه فى العالم خارج امريكا هى قاعدة العديد فى قطر اتحدى الجزيره اللى بتجيب اخبار من جميع دول العالم انها تعمل تقرير و لو 30 ثانيه عن القاعده دى
نحن بين شقى الرحى
بص بعيدا عن كل ده اللي مش هاحكي معاك فيه لا بالايجاب ولا بالسلب لأنه في النهاية تحليل و التحليل ما ينفعش تنفي بيه وقعة
احنا يهمنا ايه ؟ قدر ادنى من مصداقية الخبر
انا عن نفسي ما شفتش على الجزيرة كذب كذب تقريبا خالص
اهم حاجة في العمل الاخباري الخبر و المعلومة , يليها الرأي و التحليل
لو هانتكلم كلام عام ينطبق على اي قناة ,
اذاعة الخبر مفروض انها بتخضع للقناة نفسها
و الرأي و التحليل بيخضع لضيف القناة عادة , و القناة بإمكانها التحكم فيه بإنها تطلع ده و ما تطلعش ده
انا عن نفسي ما شفتش حتة اذاعة الخبر على الجزيرة فيها كذب ابدا
و ده لا ينفي عنها التحيز , لكن الحد الادنى من المصداقية في رأيي موجود في الجزيرة
ارجو ملاحظة اني لم انجر لا للدفاع عن الجزيرة كقناة ولا لمهاجمتها و انتقادها و انما باحاول اسرد حاجة ممكن نتكلم فيها بصورة محددة لا تخضع لآراء , قفشنا كام خبر على الجزيرة نزل مكذوب ؟
يا صديقي , انا زي ما قلت لك مش حابب اصلا نخرج من الموضوع الاصلي , شفت ايه كدب عالجزيرة
لموضوع فرعي اسمه ثورة دي ولا انقلاب
بص
فيه حشود كبيرة = حقيقة و خبر , اهم شايفينهم في الشارع بعينينا
حشود كبيرة = ثورة , ده مش خبر , ده بقى اسمه رأي , ليه ؟ هانرجع بقى لتعريف الثورة و نشوف الحشود بتطالب بإيه و كانت انهي فئات و ادواتها ايه و عدد من العوامل التانية
تعرف ايه تعريف و خواص الثورة و تعرف انهي من الخواص دي منطبقة على يونيو و انهي منها منطبقة على يناير و انهي مش منطبقة ؟
طب تعرف ايه الفرق بين الثورة و بين الاحتجاجات و بين الانتفاضة او الفورة او الهبة على رأي شفيق ؟
انا للأسف هاخرج من الموضوع و اقول لك ان يونيو كانت عبارة عن احتجاجات و انقلاب , و خواص الانقلاب كلها منطبقة عليها بعكس خواص الثورة اللي بعضها ضروري جدا و مش موجود في يونيو
مثال :
الاسباب المعلنة في ورقة تمرد للاحتجاج كانت ايه ؟
كان منها
- فشل المسئولين عن الامن
- فشل المسئولين عن توفير الكهربا
- فشل المسئولين عن توفير الوقود
لو احنا بنتكلم في ثورة , يعني اسقاط , يعني اللي فشل هايسقط لأنه مش بيعمل شغله , هو و اللي مشغله اللي ما دفعش المقصر انه يشتغل ولا غيروش مثلا
لما نلاقي اللي فشل و مفروض ان ثورة هاتسقطة , موجود لسه بعدها و ما حدش مسه , مع انه اصلا السبب المباشر للثورة , لأ نلاقيه شارك في الاحتجاجات كمان
هنا انت فقدت احد اهم خواص الثورة
مثال واقعي للتوضيح اكتر
لما تلاقي اللي نازل يقول (يسقط) عشان الداخلية قتلت جيكا و حقه ما جاش و اللي بيقول يسقط عشان الداخلية ما امنتش شارعهم و ماحدش حاسبها , و في نفس اللحظة تلاقي جنبهم الظابط اللي قتل جيكا و الظابط بتاع القسم اللي تبعه الشارع ده (دول اللي مفروض حد يقتص من واحد فيهم و يجبر التاني على الشغل او يغيره و يحيب غيره , واحد قاتل و التاني مأنتخ ) و بيقولوا يسقط هما كمان , ما تقوليش ثورة هنا لأن لو دي ثورة كان ظابط الشرطة القاتل او المقصر خاف منها لانها هاتحدفه في الشارع او في السجن
نفس المثال هاينسحب على وزراء الكهربا و البترول , اللي للمفاجأة هما الوزيرين الوحيدين بالاضافة لوزير السياحة اللي فضلوا !
خواص الثورة المفقودة في يونيو كتيرة جدا , و اللي هنا ده واحد بس منهم
أحلى حاجة فيكوا الديمقراطية الجديدة اللي اخترعتوها بعد ما صدعتوا دماغنا بديمقراطية الانتخابات اللي فشلتوا فيها بجدارة فاخترعتوا ديمقراطية التصوير بالطائرات تحت إشراف رئيس اللجنة التصويرية خالد يوسف مخرج أفلام البورنو ومفيش مانع طبعا من إضافة بعض المؤثرات الإضافية زي إنك تصور البشر اللي كانوا في رابعة مثلا وتقول دول ثورجية ثورة يونيو المجيدة وطبعا انتو مستعدين تصدقوا أي حاجة بعد ما تم خطفكم ذهنيا حتى لو جابوا صور من ثورة يناير مثلا على إنها في 30 يونيو وخلي الشعب يهيييييص :36_2_33:
هيييييييه فين أيام الطوابير كانت أيام حلوة يا جدع بس الدنيا بتتطور بأه ولازم نتطور معاها احنا كمان موضوع طوابير الانتخابات ده أصبح موضة قديمة ولازم نستغل التكنولوجيا والفوتوشوب في الجديد دلوقتي مش كده برده ولا إيه
ما بلاش الاسلوب ده يا جماعة مع بعض !
انا هلتمس لك العذر
لكن هقولك على تجربة شخصية
يوم 30-6 انا كنت عند الاتحادية وعشان اشوف الناس حجمهم اد اية مشيت لاخر الشارع عند اشارة روكسى وطلعت فوق العمود بتاع الترام لفوق مستوى الاسلاك عشان اتفرج
اقسم بالله العظيم عينى ما كانت جايبة اخر الناس فين
ويوم التفويض بتاع السيسى عشان اطلع من الحشد من بعد الساعة 8 لحد النفق مكان ما انا راكن العربية اخدت ساعة الا ربع بسبب امواج البشر اللى كانت عمالة تدفعنى يمين وشمال
والمسافة دى انا بمشيها فى الايام العادية فى 6 دقايق
تيجى تقولى خالد يوسف وفوتو شوب
ساعتها هلتمس لك العذر بسبب حالة الانكار اللى الاخوان ومكن يدور فى فلكهم عايشين فيها ومش مصدقين انهم اقلية قليلة جدا وانهم اشبة بزبد البحر