متضايق من ارتفاع كورولا 2014 ؟ اعمل شكوى !!

**ahmed noor** · 05-12-2013 11:43 PM

المشاركة الأصلية كتبت بواسطة psycholain

النهاردة و انا رايح شغلي قلت اعدى علي فرع العباسية و أغلس عليهم شوية و اقولهم العربية بتحك مني و انا متضايق (طبعا مش دى الحقيقة خالص العربية حكت مرة واحدة بس في مطب وحش و كنا 3 في العربية و اخدته بسرعة عشان مكنتش واخد بالي منه) بس انا كنت عاوز اعرف هيتعاملو معايا ازاي هل هيهتمو ولا هينفضولي و اعرف اي اخبار عن موضوع تعديل الارتفاع اللي انفرد بيه زميلنا العزيز ابوفندى في موضوعه :
http://www.nilemotors.net/Nile/392524-2014.html

المهم اشتكيت لمهندسة الاستقبال فقالت لي هطبع لحضرتك ورقة شكوى تكتب فيها اللي حضرتك عاوزه بخصوص الارتفاع و احنا هنبلغ اليابان بالمشكلة دى .
فسألتها طب محدش غيرى اشتكى قالتلي في ناس اشتكت بس مش كتير و بعتنا الشكاوى و هما بالفعل بيشوفو حل ليها.
فقولتلها هل هيعدلو العربية قالت ايوة و هتبقي حاجة بسيطة و سهلة متقلقش منها و مبتاخدش وقت ولكنها مرضيتش تقولي هيعدلو ايه بالضبط.
وسألتها برضو هل الدفعات الجديدة هتيجي متعدلة قالت للى لأ لان ده خط انتاج مينفعش يتغير و لو كدة هتتعدل في مصر يأما من مهندسين عندنا في التوكيل او متخصص من اليابان وده حسب الاحتياج في الاول عشان يقوم بالتعديل امام الفنيين في مصر .
بصراحة اهتموا و منفضوليش عكس مكنت متوقع, و ديه صورة ورقة الشكوى للي حابب يروح يملاها في التوكيل.

**Eng . megoo** · 10-12-2013 08:24 PM

في ناس عليتها عند عفشجيه تمام بس المشكله إني شايف ان الارتفاع عن الارض هو اول عوامل الثبات يعني في حاجه اسمها الايروديناميكيه و دي من تصميم السيارة شكلا و عفشه و موتور ووزن فارغ و محمل يعني اللعب في الحته دي ممكن يقل من توازن العربية

**Mohamed.Hany** · 10-12-2013 08:36 PM

المشاركة الأصلية كتبت بواسطة eng . Megoo

في ناس عليتها عند عفشجيه تمام بس المشكله إني شايف ان الارتفاع عن الارض هو اول عوامل الثبات يعني في حاجه اسمها الايروديناميكيه و دي من تصميم السيارة شكلا و عفشه و موتور ووزن فارغ و محمل يعني اللعب في الحته دي ممكن يقل من توازن العربية

كلام سليم لو التعديل غير مدروس و محسوب عند عفشجي ميفهمش يعني ايه ايروديناميكس.
اما لو اليابان باعته التعديل فأكيد مدروس بنسبة مليون في المية بدليل ان فيه موديل بينزل من كورولا 2014 في روسيا ارتفاعه 15 سم .

**Mohamed.Hany** · 16-12-2013 08:24 PM

المشاركة الأصلية كتبت بواسطة muhsamir

و الله ياشباب أنا كنت عاوز أزيد ثبات العربية أكثر و كمان أعرض الكفرات و قولت أغير مقاس الكفرات و فعلا دخلت على مواقع تساعد في حساب الكفرات المناسبة لسيارتك بعد إدخالك للمقاسات الأصليه .. و غيرت مقاس الكفرات.. من 195*65*15 و هو الأصلي إلى الجديد غيرته 205*60*15 وكانت المفاجئة إن السيارة إرتفعت و بصراحة كان شيء مش في الحسبان لاني كنت عامل حساب إن تقليل إرتفاع الكفر يعوض المقاس القديم .. لكن اللي إكتفشته إن المقاسات الفعلية تختلف من شركة إلى أخري في نفس المقاس ... بس الحمد لله العربية عالية جدا جدا و في مصر و معايا الاهل ما حكيتش بيها إلى مرات معدوده ..
و الثبات الحمد لله ما حسيت بأي فرق ..
التغيير كان من جوديير إلى ميشلين

كلا غير منطقي بالمرة.
في مصر الكورولا مقاس ١٦ و ليس ١٥.العربية ممكن تعلي لو غيرت من مقاس ١٥ الي ١٦ او في نفس المقاس و لكن ارتفاع الكاوتش اللي حضرتك بتقول غيرت من ٦٥ الي ٦٠ يعني قللت الرتفاع يعني العربية انخفضت مش ارتفعت

**abofandy** · 16-12-2013 10:04 PM

هههههههههههههههه
دة المثل الى بيقول جة كحلها عماها

**hossam_elwani** · 16-12-2013 10:22 PM

المشاركة الأصلية كتبت بواسطة muhsamir

و الله ياشباب أنا كنت عاوز أزيد ثبات العربية أكثر و كمان أعرض الكفرات و قولت أغير مقاس الكفرات و فعلا دخلت على مواقع تساعد في حساب الكفرات المناسبة لسيارتك بعد إدخالك للمقاسات الأصليه .. و غيرت مقاس الكفرات.. من 195*65*15 و هو الأصلي إلى الجديد غيرته 205*60*15 وكانت المفاجئة إن السيارة إرتفعت و بصراحة كان شيء مش في الحسبان لاني كنت عامل حساب إن تقليل إرتفاع الكفر يعوض المقاس القديم .. لكن اللي إكتفشته إن المقاسات الفعلية تختلف من شركة إلى أخري في نفس المقاس ... بس الحمد لله العربية عالية جدا جدا و في مصر و معايا الاهل ما حكيتش بيها إلى مرات معدوده ..
و الثبات الحمد لله ما حسيت بأي فرق ..
التغيير كان من جوديير إلى ميشلين

انت مقاسك الاصلى 195*65*15وغيرت الى 205*60*15

والعربيه ارتفعت و ده طبيعى لان ارتفاع الاطار الجانبيى بيبقى مرهون بعرض الكاوتش يعنى كل ما يكون العرض او رقمالارتفاع الجانبى بيبقى مربوط بيه سلبا وايجابا

**abofandy** · 11-01-2014 11:01 PM

العيب الاول كان موجود عند ناس كتير وهو مش عيب انت بتسمع تخبيط قدام سواء ع مطب او عين قطة ودى حلها ربط العفشة بس واتعدلت مع كل الناس

الرعشة دى .. انا اول مرة حد يشتكى منها .. فدى لازم تراجع التوكيل فيها