عنما تركب سيارة ب 150 الف جنيه ..و تجد ان فوانيسها الامامية اتشرخت من الداخل!!

**duby** · 03-12-2013 02:04 PM

لموضوع بكل بساطة باين من العنوان ..بقالى حوالى سنة راكب ريو 2013 و هيا بصراحة عربية جميلة ومفيهاش غلطات كتير و فى يوم قولت بقى اطلع اجرب العربية فى سفرية طويلة و خصوصا ان حركتى بالعربية مش كتيرة ..و بالفعل سافرت بالعربية حوالى 500 كيلو و بصراحة كله تمام و ثباتها معقول جدا و استهلاك البنزين هايل..و صلت العربية فضلت مركونة حوالى 3 ايام بدون غسيل طبعا و متغطيه ..نزلت اركب و ببص على عربيتى الجميلة لقيت الفوانيس الاماميه فيها شروخ من جوة!!!!! ايوة من جوه متقراهاش تانى ..لانى حطيت ايدى من برة الفانوس ناعم زى الحرير و شفاف و جميل و لكن باين ان كله مشرخ من الداخل شروخ صغيرة الجحم و لكن مستحيل انك متشوفهاش...استعوضت ربنا و قولت اكلم التوكيل لان العربية لسه فى الضمان و بالفعل كلمتهم و قالولى لازم العربية تروح ابو رواش لعمل معاينة..نزلت ابورواش بعد العودة بالسيارة و الشروخ بتزيد ..و بصراحة ناس زى الفل و مقابلتهم كويسة و مركز صيانة معقول ...و قابلت المهندس المسئول .و اللى قالى بالحرف ان ده سببه الوحيد تفاعل المواد الكيماوية مع زجاج الفانوس الداخلى و مع مرور الوقت الفانوس بيحصله كدة ..قصده طبعا على المواد اللى بيستخدموها فى البنزينة لما بتروح تغسل ..و ده كان تحليل الفوانيس اللى بعتوها كوريا الجنوبية تتحلل!!!حاولت اوصل معاه فى الكلام ان ده كلام مش ممكن يحصل فى فوانيس عربية بالسعر ده وان الموضوع كله ان الفوانيس دى معمولة من اعادة تصنيع اكياس القمامة و ده اللى بيعمل فيها كدة..الا ان الراجل كان مقتنع بكلامه هوا ..المهم و صلنا مع بعض ان الفوانيس دى لازم تتغير والا حمايه المستهللك موجودة ..قالى ان هوا بالفعل هاتتغير بس لو الموضوع اتكرر مع الفوانيس الجديدة مش هايغيروها تانى..زهقت من الكلام و قولت اغير بس و بعد كدة نشوف ..بالفعل نزلت الكافتريا بتاعتهم .المكان كويس اوى و على اعلى مستوى من مستويات الخدمة..بعد حوالى 4 ساعات طلعت استلم العربية و الفوانيس الجديدة و لقيت العربية مغسولة و الدنيا تمام..ولان الدنيا كانت حر جدا اطمنت بسرعة على الفوانيس ومشيت .فوجئت بعد ما روحت البيت ان الفوانيس الجديدة تمام بس فى ملحوظتين ..النور فيها زفت جدا و ده محتاج يتظبط من الرجلاش اللى فى الفانوس..و الفانوس الشمال راكب برا الاكصدام ..قولت يالا مش مشكلة ظبطت انا النور بليل و رجعت فكيت الفانوس و عدلته تانى ..بعد كدة سافرت كام مرة و الفوانيس الجديدة تمام
قولت اقول علشان تتابع حالة فوانيس عربيتك..و اليكم الصور قبل و بعد التركيب و الله الموفق