الموضوع: اخيرا فتحت الماتور ودى التجربه بالاسعار لانوس 2004

ربنا يوفقك موضوع الموتور ده مشكلة لانك لازم تستغنى عن العربية اكتر من يومين

لسه عامل الشغلانة دي من كام شهر و جبت طقم شنبر و و غيرت صباب كان بيهرب كبس و بعد ما الميكانيكي قفل و دورت لاحظت الدخنة البيضاء لسه موجودة فقاللي بس كمل تليين و بعد 500 كم الدخنة استمرت فحل المكنة تاني طلع الباشا مغيرش كاوتش الصبابات بس المرة دي بقي وقفت علي ايده و عملت الصح وديت الوش المخرطة لعمل مسح و ملو نتيجة بعض التاكل و غيرت طقم الصبابات كله و طبعا سير تقسيمة و البليتين و برضه زي حضرتك طلمبة المياه و طقم بوجيهات و غيار زيت تاني و قفل و دور ماشاء الله الموتور نقط ميه بعد ما العربية سخنت بس طبعا الموضوع ده دخل في 1900 جنيه و اللي فاكره كالاتي
طقم شنبر ياباني 180 جنيه
جوان الوش + التاكيهات 60 + 40
زيت خفيف 50
طلمبة المياه مش فاكر
مصنعية الميكانيكي 450 عشان بعد ما خلص اضطر يغير طلمبة المياه
------------------------------
طقم صبابات 280 جنيه
مصنعية المخرطة 180 جنيه
طقم كاوتش صباب 40
سير تقسيمة 80 البليتين تقريبا 200
زيت 50
طقم مسامير بتاعة وش غطاء التاكيهات بالجوانات 50 جنيه
طقم بوجيهات 45
و حاجات تانية مش فاكرها و دفعت مصنعية 100 جنيه اكرامية للصنايعية
طبعا المصروف كتيييير بس احسن ما اجيب موتور تاني يا عالم بيه و ترخيص ووجع قلب
نصيحتي لحضرتك تعمل غسيل لدورة التبريد و تحط ميه خضرا من اي بنزينة موبيل
و طبعا الواحد بطل يقرص ع العربية لان زعلها طلع وحش قوي

المشاركة الأصلية كتبت بواسطة mmamdouh

على فكرة موضوع التليين دة فيه جدل واسع حول الطريقة الصحيحة للتليين... لما والدى عمل طقم شمبر فى العربية البيتلز كان مكتوب على علبة الشمبر ان تليين الشمبر عبارة عن تسارع من سرعة 60 الى 90 بدون حرق او تسقيت نقلات و اول ما توصل 90 ارفع رجلك و سيب العربية ترجع لسرعة 60 لوحدها بدون فرملة.... تكرر العملية السابقة 10 مرات بعد كدة يبقى الشمبر اتلين

دى صورة من المحادثة اللى بينى و بين خدمة العملاء للشركة اللى عملت طقم الشمبر لما لما موضوع التليين اتفتح قبل كدة:



mmamdouh

دائما تأتينا بالجديد شكرا لك

استلمت السياره اليوم

طبعا سيبته يحل طرمبة المياه وكنت نفسى اشوفها اخباره ايه وفعلا لقيتها متاكله وبصراحه فرحت انى هغيرها بالمره

اشتريت جديده كورى ب 90 ج وكان فى نوع بيقولوا انه اصلى ب 215 بس بصراحه استنضفت الكورى ام 90 ج

المهم الراجل خد مصنعيه 350 ج هوه كان عاوز 400 بس هوه جايب سير الكاتينه من عنده وانا متأكد انه سير جديد وطلع منهم 20 ج للصنيعيه بقشيش

كده السعر كويس ولا ؟

ان شاء الله ناوى اروح لبتاع ريداتير ينظف الدوره لانه حط مياه من الحنفيه تانى فانا هروح اغير بمياه خضراء وبعد كده هستخدم مياه التكييف .