هل زيت 5w-30 مناسب للاجواء الحارة ؟

**JapRuleZ** · 04-12-2013 01:44 AM

نصحونى الناس اننى احط زيت تخليقى 5w-40 بدل ال 5w-30 عشان اللزوجة تحمى الموتور من حرارة الشديدة ؟

كلام صح ولا ناس بتفتى

تم نقلة لقسم زيوت المحرك .

**Khaled Lanos** · 04-12-2013 02:08 AM

بص أنا أسمع أن الـ 5w-40 أحسن من الـ 5w-30 لأنه مناسب أحسن لأجواء مصر..عموما خليك في اللي نعرفه وأغلب الزيوت التخليقية بتبقى 5w40.
تحياتي.

**Silent~Dream** · 04-12-2013 04:13 AM

بتختلف من عربيه لعربيه حسب المواصفات الموصى بيها من الصانع و الى اعرفه ان فى الكتالوج بيديلك رينج حراراه معين برينج زيت معين لو ال 5w30 جايب 40 درجه مئويه يبقى مفيش منه ضرر لكن لو اقل يبقى طبعا مينفعش تستخدمه فى مصر فى الصيف بس ينفع فى الشتاء لكن بصفه عامه بعد الرجوع للكتالوج و تشوف اللزوجه المناسبه ال 5w30 هيوفر بنزين اكثر و اداء افضل ال 5w40 هيحافظ على الموتور اكثر

**Karim_Monir** · 04-12-2013 12:34 PM

اولا مهم جدا تتبع توصيه الصانع وهو هاتلاقية كاتب في الكتالوج ينفع في الحر الشديد ولا لاء
من الواقع العملي بقي في عربية اللي عدت ال 100 الف بحاجة بسيطة وحالة الموتور ممتازة والحمد لله

حطيت 5-30 و 5-40
فرق كبير لصالح ال 5-30 تحسه في استهلاك البنزين قوي عشان عربيتي تقيلة طلعات
تحسه في الدوارة الصبح
تحسه السرعه اللي بيوصلها الموتور مع اجهاد عنيف
لكن والحق يقال ان ال 5-30 مقعدش 9 الالاف لكن ال 5-40 بيقعد بين 10 الي 11 الف
طبعا انا بغير لما الكميوتر يقولي غير
الكلام ده جربته في صيف شديد وصلت درجة الحرارة فيه ل 48 ومصورها بالموبايل وكلنا فاكرين الايام دي
وكنت بسافر فيها وباسرتي وشنطي يعني حمولة كاملة مع التكييف
وفي شتاء برضه
الخلاصة
ال 5-30 يستاهل يتحط فعلا خاصة لللمواتير الجديدة اللي لسه بحالتها

**JapRuleZ** · 04-12-2013 04:24 PM

انا لقيت valvoline مفروض انه 15،000 و عليه ماده msd الراجل بيقولى زى ال ceratek بس 5w- 30

**khaabas** · 04-12-2013 06:08 PM

غير مناسب اطلاقا وغير مناسب اكتر فى الصيف
هتحس ان صوت الموتور اصبح عالى وده لان نسبة الاحتكاك بين الاجزاء الداخلية فى المحرك بتزيد وبالتالى بيقصف عمر الموتور على المدى البعيد