سخونه غريبه في أكسنت 2006

**cambio** · 04-12-2013 02:12 PM

السلام عليكم
امبارح حصل معايا موقف غريب جدا,,,
انا معايا هسونداي أكسنت 2006
كنت راجع من الشغل والدنيا تمام وركنت ومؤشر الحراره ف وضعه الطبيعي وكل شئ كويس.
جيت باليل خرجت بالعربية مشوار ,بعد ما وصلت وانا بركن لاحظت حاجه غريبه,
مؤشر الحرارة زاد بشكل غريب ووصل ل 3/4 مع ان الوضع الطبيعي 1/4,
نزلت هوييت غطا الريداتير وخرجت كميه بخار كبيره جدا باندفاع سريع طبعا لأن الميه كانت بتغلي لحد لما الميه كلها خلصت.
سبت العربية ساعتين كده لحد لما بردت خالص وزودتها ميه وزودت القربه وشغلتها والوضع رجع طبيعي جدا ومن ساعتها بتحرك بيها عادي جدا بس طبعا عنيا علي المؤشر علي طول.
فهل حد عنده تفسير للحصل ده كله

**Ahmed_Ramadan** · 04-12-2013 02:27 PM

المروحة ساعتها كانت شغالة و لا لأ ؟؟ لو كانت شغالة هيبقى غالبا ترموستات الكوعة علقت و رجعت إشتغلت تانى

**pop2107** · 04-12-2013 03:13 PM

شيل ثرموستات الكوعة . لانى عندى مرة الردياتير انفجر وغيرتة لان ثرموستات الكوعة علقت ..وحلفت من يومها ما اركبة ..سخنها شوية الصبح زيادة مش مهم .بدون ثرموستات

**Ahmed Amin** · 04-12-2013 03:33 PM

لما العربية تسخن منك كدا كدا تاني, تبطلها وتفتح الكبوت,
لكن أوووعي تفتح غطأ الرادياتير والقربة لأن ممكن المية تفور في وشك أو علي أيديك وتعملك حروق أنت في غني عنها,,

وممكن تكون المية نقصت عندك وأنت مشيت من غير ما تعرف علي مية أقل من الطبيعي فالعربية سخنت.

**saddam** · 04-12-2013 06:32 PM

صديقي المواطن
اللي حصل عندك ببساطة إنك مش بتغير غطاء الراديتير أو غطاء القربة بصورة مستمرة وسنوية فالغطا بقا يخرج المياه ولا يستردها فحصل عندك نقصان في المياه فسخنت ومرة أخرى لا تفتح الغطاء بتاتا بطل وسيبها ساعة تبرد أو ساعتين ثم إعمل دورة تنظيف بالجهاز ثم فلاش لدورة المياه والراديتير وأرجوك بلاش تحط مياه عادية إحنه في 2014 حتى لو عربيتك 128 معادش ينفع يتحط مياه عاديه للمواتير دي جرايم في حق العربيات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال