القول الفصل فى صاج وكبوت الصنى الشكل الجديد
السلام عليكم أعضاء المنتدى الكرام ...
أرجو الإفاده فى موضوع ضعف صاج النيو صنى الجديده وخااااااصة الكبوت ... أنا تقريبا مفيش ولا عربيه نيو صنى شوفتها ماشيه فى الشارع غير لما ألاقى الكبوت بتاعها مموج أو معضعض وفيه تطبيقات ... بصراحه أنا مش عارف دا موضوع عام ولا أيه وكان فيه عضو عامل تعليق هنا فى المنتدى بيقول إن السايس وهوه بينضف العربيه بتاعته الكبوت إتطبق تحت أيديه (حتى فى التعليق قاله مش مشكله انا كده كده ها بيعها دى عربيه ........) هل الموضوع بالسوء دا وفعلا الكبوت والصاج ضعيف جداااا كدا ولا دى مصادفه إن كل العربيات إلى انا شوفتها دى حد قعد على الكبوت بتاعها ... :) :(
أرجو الإفاده من ملاك العربيه .. علشان إن شاء الله أنا عاوز أحجزها ...؟؟؟؟؟
بصراحه أنا محتاااااااااااار جدا
أنا متشكر جدا لتفاعل حضراتكم ...
بس انا شايف إن النتيجه كدا تعادل .. يعنى فيه إخوه من ملاك العربيه بيقولوا إن صاج العربيه وخصوصا الكبوت كويس ومعندهومشى مشكله فيه بقالهم حوالى سنه ...
وفيه ناس تانيه بتقول عكس الكلام دا ....
وانا متأكد إن الإتنين صح .. الرأى الأول ممكن يكون صاحب العربيه بيحافظ عليها جدااا وبيركنها فى جراج إلخ فا معندهوش المشكله دى ....
والرأى التانى ممكن يكون حد ريح عليها ركن عليها قطه نامت على الكبوت إلخ فا ظهرت عنده المشكله ...
حاليا أنا إحترت أكتر .. أصل دى فلوس كتير يا إخونا وأقساط ومصاريف ... وبعدين انا أكيد مش ها أجيب عربيه علشان أحسس عليها .. دى عربيه معرضه لاى موقف ترييحه ميكروباص شاب ظريف تعبان حب يريح شويه ... قطه تعبانه حبت تنام ...
بصراحه أنا محتاااااااااااار جدا ... :fun_10_9_134[1]: