الموضوع: قرار جمهورى بمنع ترخيص سيارات الأجرة بعد مضى 20 سنة على صنعها

الاعضاء اللى بيقولوا يتم الغاء التوكتوك , شوف كدة التوكتوك مشغل كام واحد وفاتح بيت كام واحد , تخيل كدة لما الناس تقعد فى الشارع بدون شغل وهما اصلا عندهم استعداد للانحراف بس هو دة اللى مصبرهم انهم ياكلوا لقمة شريفة شوية

فأكيد طبعا هتلاقى دول اصبحوا بلطجية

نفس الكلام لسيارت الفولكس والترامكوا , الموجودة فى اماكن كتير جدااااا , اصحابها هيعملوا اية , خصوصا ان فية عربيات من دية اصحابها مخلينها افضل بكتير من اى عربية ملاكى يعنى حالتها ممتازة وخصوصا بتوع الفولكس , بشوف عربيات وانا ماشى والله احسن من ماكانات زيرو ( دة حرام حد يجى جنب لقمة عيشة) لانة واحد محافظ على البيئة ومحافظ على عربيتة وعلى الناس اللى حوالية

هو بس عيب واحد فى العربيات دية ( ان دول اللى معطلين المرور عشان بيقفوا فى اى مكان ) المفروض المرور يتخذ موقف سريع لحل الازمة دية , مش سايبها عايمة واللى عايز يقف يقف واللى عايز ينزل ينزل حتى لو فى وسط الشارع

فية بقى عربيات لاتصلح اصلا ان حيوانات تركبها مش بنى ادم , فدية لازم كدة المرور يعمل حملة مكثفة , ياخد العربيات دية كلها ويلمها لانها خطر على السيارات , ونفس الكلام مع الملاكى , يعنى انا لما اشوف عربية ماشية على الدائرى الساعة 8 بليل والعربية اقسم بالله العظيم مافيها حتة سليمة وكأنها اتفجرت قبل كدة ثلاث مرات , ومافيش فيها حتة لمبة تنور وماشية بطلع دخان ولا عربية رش , والعربية الجزء الخلفى ماشى فى حتة والامامى ماشى فى اتجاة تانى خالص , والعربية معمولها رزة بدل الكالون , واى مطب او اى حاجة بتعدى من عليها العربية كلها بتتنفض وبتتفكك من بعضها وترجع تتجمع تانى ( طيب دية عدت اازاى من على الامن والمتانة ) انا اصلا لو الظابط , لاحبسة لانة بيعرض حياة مواطنين للخطر

دة اللى المفروض يتعمل , مش يقولى مافيش تجديد للسيارات اللى عدى عليها 20 سنة فى بلد اصلا بتاعنى من الفقر , فى شريحة كبيرة من سكانها , وكمان السيارات فيها على جمارك بتمنها تقريبا فى الخارج , يعنى هو كدة بيقول للبطالة

اهلا ومرحبا بكى فى بلدك الحبيبة


الواحد الصراحة مش عارف يتكلم عن اية ولا اية , البلد كلها ماشية غلط

ينهار ابيض احنا عايزين 100 سنة ضوئية عشان نعيش حياة ادمية