الموضوع: قرار جمهورى بمنع ترخيص سيارات الأجرة بعد مضى 20 سنة على صنعها

لو كنت بس أخد جنيه على كل واحد كان بيطالب بمواصلات أدميه ودلوقتي بيعارض القرار كنت نافست ساويرس. لله الأمر من قبل ومن بعد.

القرار حلو بس بشروط كتير حلوة

علشان منرغيش كتير المكروبصات القديمةو العربيات القديمة لازم تتكهن لانها كارثة :

1-اعطال مستمرة
2-مستوى ردئ من الخدمة
3-تلوث غير طبيعي
4-سلوك همجى وغبى من السواقين لانه ببساطة مش خايف على الخردة اللى راكبها
5-تعطيل للمرور بشكل فظيع نتيجة كترة اعطال العربيات دى

الحل فى التتغير والاحلال

بس بشرط واحد المصلحة دى الحكومة اللى تاخدها يعنى تروح زى الشطور كدة تفتح مصنع النصر وتعملة احلال و تجديد ويصنعلك عربيات مصرية

فلوسة تدخل للحكومة دة الحل المحترم وبكدة تبقى ضمنت فلوسك مخرجتش برة والسعر مش هيبقى غالى

لكن فى حالة نفس تفكير الحكومات السابقة فلو عاوزين الموضوع دة يعدى من غير مشاكل هات حضرتك العربيات من برة من غير جمارك ووزعها على الناس

القرار كويس جدا للمواطنين وسئ جدا لاصحاب السيارات التى ينطبق عليها القرار لان المواطن حيلاقى نفسه بيركب عربيه اجره محترمه تحترم ادميته مش عربيه الكنب فيها يجيب غضروف وفى نفس الوقت منظر الشوارع حيتغير لان العربيات دى اغلبها حيتقطع ويتباع قطع غيار لان صعب تلاقى مواطنين يشتروا كم العربيات اللى حينطبق عليها القرار مع انهيار سعرها فينخفض سعرها ليصبح المكسب من بيعها قطع غيار اكبر من سعرها لتباع قطعه وااحده وكمان حيقلل التلوث البيئي من البلاوى اللى بتطلع منها وكمان لو الحكومه قدرت تطبق الموضوع ده على فئه الاجره فغالبا حتبقى المرحله التانيه على الملاكى بهيكله مختلفه .
بالنسبه لاراء بعض الاعضاء فى ان الموضوع علشان الحكومه تحقق مكاسب للتجار العربيات وانا شايف ده مش صح لان اللى فهمته انه ممكن يشترى عربيه ملاكى مش موديل السنه ويعلق عليها النمر الاجره وبكده هو قدامه 15 سنه ينقى منها اللى يناسبه
السئ بالنسبه للى حيطبق عليهم القرار هو قطع الغيار فقط لانه غالبا حيوفر قسط العربيه "لو حيشترى قسط" من توفير البنزين وقله العطله عند الصنايعيه
يا ريت تقدر الحكومه تطبقه من غير قطع طرق من المنطبق عليهم القرار ويا ريت نشوف افكار بره الصندوق مدروسه كويس تطور البلد .
تحياتى .