تحذير : الحرامية بقوا يدخلوا وراك الصيدلية علشان يسرقوا عربيتك وهما مسلحين !!!

https://encrypted-tbn3.gstatic.com/i...dzdzzevLJ60PaQ

في تطور لافت ... العربية الجيب السودة. اياها الي كل مصر بقت عرفااها وسامعه عن مغامرتها. اكتر ما سمعوا عن مغمرات سفاح المعادي ... الله اعلم العربية الجيب دي بتاعت مين هل هيا بتاعت الحزب الوطني المنحل ولا بتاعت بلطجية مستاجرين من قبل ناس معينين علشان. يعملوا زعزعة في امن الناس والبلد ... ولا هو كارت ارهاب للمواطنين ... مش عارف في فالموضوع انه وبالذات لمن يحصل حاجة جريمة قتل ولا حاجة بتلاقيهم مسكوا العيال دي في ساعتها وكانهم حافظين رقم التيلفون عندهم .... ده غير ان كتير من اصحاب العربيات قالوا ان الشرطة عارفه المجرمين وعارفه اماكنهم بس بيقولوا اتفاهموا معاهم. بقرشين. يعني راضي العصابة بقرشين وبلاش محضر والكلام دهو انتا مهما كان ولاد بلد وحده وكلنا مصريين وربنا ميجبش. بينا وبين الحرامية حاجة وحشة ابداً .

المهم انا عاوز اقول للاصحاب العربية الجيب والي وزوا البلطجية انهم يعملو كده غيروا بقه وحيات ابوكم علشان ريحتكم فاااحت ... يعني مره عربية جيب سودة. مره جيب نبيتي. مره كوحلي كده يعني علشان الناس متزهقش او تشك في الموضوع :) اصل مش معقول العربية الجيب السوده دي هيا هيا في سينا بتثبت الناس وفي ٦ اكتوبر هيا هيا برضوا جيب سودة بتثبت الناس وفي مطروح والتجمع الخامس وفي طريق المطار وفي طريق محور ميدان لبنان برضوا هيا هيا العربية. ... يااااه ده انتوا قدمييين قوي قوي. والتغير مطلوب. يعني هتولكم جوك. من شركة نيسان اهي منزلة عربية جديدة وحلوة او اقلكم في ديهاتسوا البيك اب. دي اسمها تريوس ممتازة وياباني ١٠٠٪ واعتمادية وموفرة في البانزين. علشان توفروا بانزين وانتوا بتثبتوا. عربيات الناس . اقولكم. هاتولكم تويوتا الجيب الجديدة تويوتا فورنيتشر بس وانتوا بتثبتوها.خلي بالكم ثبتوا العربية الي هيا ٤٥٠٠ سي سي مش الالفين وخمسمية ... خلي بالكم كويس من الحته دي بتبقى اوسع واقوى وفيها ؤوبشن زيادة ده غير الثبات . واي سواق يجري او يحاول يهرب منك هتقدر تجيبوا من قفى امو بالراحه :) اعتمد على تويوتا يامعلم . المهم اقروا الخبر ده حصل النهردة طااازة في ٦ اكتوبر !!!

https://fbcdn-sphotos-a-a.akamaihd.n...65834227_n.jpg

Mahmoud Abdelrazik

تأكيدا لخبر سرقه العربيات فى وضح النهار

لسه فى سياره مسروقه بالاكراه الساعه 12 ونصف من امام صيدليه احمد يحى فى الحى الاول على الشارع الرئيسى امام مدرسه الحصرى للغات..صاحبها شاب نزل يجيب دوا الحراميه دخلوا وراه الصيدليه وثبتوه بالاسلحه وخدوا منه المفاتيح...

مش عارف الشرطه هاتتحرك امتى؟!!!لما حد يموت مثلا

أنا كنت رايح حلو الجامعه اشترى حاجه ولقيت ناس واقفه تبكى من هول الحادثه وطبعا وقفت سمعت القصه من الناس اللى واقفه مذهوله !!!

@@@@@@@@@@@@@@@

ايضاً تم سرقة في الحي الخامس كيا كارينز وعربية باسات. عند مدرسة بدر تايجر يعني احنا هنا بنتكلم عن شوارع وسط العماير والاهالي وشوارع داخليه مؤهولة بالسكان . يجي الراجل الصبح يشغل عربيتوا ويسخنها ومسافت ما يطلع عربيتو من الجراش. ويجي يقفل باب الجراش تطلع عليه. العربية الجيب السوده هيا هيا شغاله ياعيني وشقيت من سنة ٢٠١١ م وهيا شغاله ... ويثبتوه وياخدوا عربيتوا ... طيب وبعدين يعني واخرتها ايه !!!

هل هستنى حد يخشلي بالالي على بيتي ويشلحني ويشلح عيلتي ويوقفنا بلابيص ... ولا هستنى ايه بالزبط يعني قولولنا بس علشان نبقى عارفين . وطيب سؤال تاني لوسمحت هو حضرتك مستني سياح يجو مصر بسبب العربية السودة دي !!! وسؤال تاني بعد ئزنك والنبي يا عمو كنا بنقول العربيات بتتسرق وتتهرب على غزة ... طيب هو مش المفروض الانفاق انهدت طيب هو العربيات المسروقة دي بتروح فين وكالة البلح ولا الحرفين !

انا كمواطن بقيت خايف اطلع من بيتي بالعربية. اعمل ايه !
وبقيت خايف امشي على رجلي بدون عربية لاني اتبثت قبل كدة !
طب حد يقولي اعمل ايه لابعربية نافع ولا على رجلي نافع طيب اعمل ايه اجيب موتسيكل ولا ئأجر عجلة .

توووووووووووب علينا بقه يارب .

عايز اقولك انا داخل اقرأ الموضوع وف دماغى انك اتثبت تانى بعد موضوع التوكتوك واللنشون وعمال اقول ربنا يستر علية ويصبرة......... فلما قريت الموضوع فهمت.............على العموم ربنا يستر علينا جميعا وكل واحد ياخد حذرة

هو ليه إسم مدينة أكتوبر بقى مقترن بجرائم سطو وسرقات كأننا فى جنوب أفريقيا أو فى شيكاغو؟؟ وبعدين حد كان كاتب قبل كدة أن راح الكمين لقى الظابط بيتغدى ومسألش فيه .. وأنا من يومين بالليل عديت على كمين مدخل الرحاب وقدامى عرببة جولف متفيمة بالكامل من غير نمر والظابط موقفهاش مع ان معلهاش أى حاجة تدل أن صاحبها ظابط أو قاضى أو خلافه ممن هم فوق القانون ووقفنى أنا يسألنى عالرخص وانا معايا مراتى والولاد ... لينا ربنا

طرحك واسلوبك فى المواضيع مميز وشيق كعادتك

بخصوص استفسارك

اسأل القائمين على ادارة البلد

انا عندى الحل نشترك مع بعض ونكون عصابه صغيره على قدنا ونثبت العربيات وبكده منتثبتش
وممكن شيطانا يكبر ونتوسع خطف اطفال وفديا والعصابه تكبر ويبقى لينا مقرات فى جميع المحافظات وندشن اولى العصابات المصريه المنظمه اللى اقل مستوى تعليم عالى وشياكه وبدل وعضلات شغل امريكانى منزلش مصر ويبقى لينا مندوب فى كل قسم شرطه(مش حننسى العمولات والتواصل مع العصابه)
حد حيشترك حنسميها عصابه نايل موتورز الاليكترونيه
شروط الاشتراك
مؤهل عالى-لغات-كمبيوتر-هاكر-عضلات-شياكه

يا باشا الحى الثالث المجاورة السابعه تحديدا شارع 17 من اسبوعين تقريبا الساعه 2.30 الضهر
ام جايبه اولادها من المدرسه وقفت بالعربيه قدام باب عمارتهم (قدام العماره اللى ساكن فيها بالظبط)
عربيه نص نقل وراها نزل منها 6 مسلحين وملثمين اى والله زى ما بقولك كدة
ثبتوا الشاااااااااااااااااااااا اااااااااااااااااااااارع كله باللى فيه
واخدوا العربيه وهربوا

بالمناسبه ... عربيه الست اللى اعدت تلطم وتعيط فى الشارع فى حاله انهيار كانت جيب سودا موديل السنه اللى فاتت

اقتباس:

---

المشاركة الأصلية كتبت بواسطة mido_soliman

يا باشا الحى الثالث المجاورة السابعه تحديدا شارع 17 من اسبوعين تقريبا الساعه 2.30 الضهر
ام جايبه اولادها من المدرسه وقفت بالعربيه قدام باب عمارتهم (قدام العماره اللى ساكن فيها بالظبط)
عربيه نص نقل وراها نزل منها 6 مسلحين وملثمين اى والله زى ما بقولك كدة
ثبتوا الشاااااااااااااااااااااا اااااااااااااااااااااارع كله باللى فيه
واخدوا العربيه وهربوا

بالمناسبه ... عربيه الست اللى اعدت تلطم وتعيط فى الشارع فى حاله انهيار كانت جيب سودا موديل السنه اللى فاتت

---

وفين الداخليه طبعا بتفسى البلابين الى نجاتى نفخها

واضح ان الشرطة مش ناوية تشتغل

اقتباس:

---

المشاركة الأصلية كتبت بواسطة hossam_elwani

وفين الداخليه طبعا بتفسى البلابين الى نجاتى نفخها

---

بتحارب الارهاب

اقتباس:

---

المشاركة الأصلية كتبت بواسطة hossam_elwani

وفين الداخليه طبعا بتفسى البلابين الى نجاتى نفخها

---

مفيش داخليه ف اكتوبر اجازه

اقتباس:

---

المشاركة الأصلية كتبت بواسطة mahmoud869

واضح ان الشرطة مش ناوية تشتغل

---

وواضح ان في اجماع علي كده

مع الاسف. ... عليه العوض ومنو العوض

ربنا يسترها علينا

مش طالباها معايا اقول تعليقات فيها دروشة دلوقت

عموما ولا اي اندهاش

و لسه

و ده الطبيعي و المنطقي

على فكره انا شايف البلد بقى فى تقدم للامام

انتم بس اللى مش شايفين كويس !!!!!!!!!

على الاقل البلد دلوقتى مفيهاش حكم الاخوان اللى باعونا فى محمد محمود

وخلصنا من مرسى اللى كان عميل لحماس واسرائيل فى نفس الوقت

وحضارتنا عندنا لحقناها فى اخر لحظه قبل ما مرسى والاخوان يبعوها لقطر الحمد لله

انا عايزك تبص على نصف الكوبايه المليان

يعنى الاخ ياريس اتثبت بحاجات العشا الحمد لله انه مكانش غداء كان حتبقى الخساير اكبر

الست اللى اتثبتت واتاخدت منها عربيتها كويس انهم مخدوش العيال كمااااان

المهم نشوف الدنيا احلى

وبكررررررررره تشوووووفوا مصر

المهم بس يكون فى بكره

يعني الميزه الوحيده اللي كنا بنباهي بيها العالم .. الامن والامان .. بقت ف خبر كان :((
المأساه ان اللي بيثبّت يكاد يكون متأكد انه آمن من أي عقوبه وبالتالي بعد ما كان بينقى الاماكن الهاديه والمتطرفه بقى ف وسط البلد
يعني كلنا نشيل سلاح ""وسلاح بجد مش طبنجه بس""ولا ايه؟؟
لكي الله يا مصر

نتكلم بجد شوية

مشكلة الداخلية في حد ذاتها اكبر من اي شأن سياسي رغم ارتباطها الوثيق بيه

احنا بنتكلم عن جهاز كان بقى له سنين طويلة كان مكرس بصورة كاملة للأمن السياسي و سقف صلاحياته عالي جدا جدا جدا مع اهتمام بسيط اوي بالامن الجنائي و ده خلاه بنى عقيدة خاصة بيه عند كل افراده انهم فوق الناس ( ايا كان الهري اللي بيبرروا بيه لنفسهم ده )

بعد ما تلقى الضربة الموجعة اياها في يناير و انكسر نوعيا و نفسيا نوعا ما كان ده احسن وقت ممكن لفرمتته

لكن اللي حصل انه تحت اشراف قيادات الجيش تم اعادة بناؤه فورا سواء كعدة و سلاح او كتدريب او كعقيدة بصورة هدفت بشكل اساسي لعدم حدوث الضربة الموجعة تاني و في نفس الوقت تم اهمال الجانب الجنائي تماما و كعقاب للناس اللي قامت بالضربة الموجعة دي (الشعب + كل ثوار يناير) عشان ما يفكروش فيها تاني و بالتالي يفضل الجهاز ده يقوم بدوره القديم المطلوب منه و زيادة

الكلام ده حصل باهتمام بالغ من فبراير 2011 لحد يونيو 2013 لما حانت اللحظة المناسبة بما فيه السنة بتاعة الاخوان (خصوصا مع انسياق الاخوان في سنة حكمهم لنفس النغمة بتاعة دعم الشرطة و تشجيعها للعمل من تاني و الاشتغالة اللي شربوها لحد اخر نقطة دي)

الناتج دلوقت ان عندنا جهاز لا يهتم بالجانب الجنائي بالمرة و غير مدرب عليه من الاصل , عقيدة فاسدة حتى النخاع سواء سياسيا او جنائيا او كأساليب عمل , و في الخلاصة شغال جهاز امن سياسي خاص و ولاؤه الكامل و بالكامل لدولة مبارك و عداؤه الكامل و بالكامل لأي حد او فصيل شارك في علقة يناير , في نفس الوقت هو شايف فئة كبيرة من الشعب بتأيده على ما هو عليه , و بالتالي فمافيش عند حتى ظباطه الصغيرين اي احتمال انهم غلط , اللي ضدهم الارهابيين و الطابور الخامس (العملا) بس , لأ ده وصل بيه الامر انه اختزل الوطن في نفسه , فاصبح الاعتراض عليه خيانة للوطن , و طبعا نفس العقيدة دي عند باقي مؤسسات دولة مبارك الامنية اللي بتحكم دلوقت

الجهاز ده مش هايشتغل جنائي تاني , و مش هايراعي حقوق انسان ولا بتاع في اي حد مالوش ضهر
و البلطجية اللي ماليين البلد في الحقيقة شغالين او موالسين مع ناس من الجهاز ده سواء بصورة فردية او بصورة ممنهجة

و كل ده جزء من عقاب ربنا بصراحة

اللي مش عاجبه كلامي يعتبر نفسه ما قراش و ما يوجعش دماغه

اقتباس:

---

المشاركة الأصلية كتبت بواسطة تامر.محمد

نتكلم بجد شوية

مشكلة الداخلية في حد ذاتها اكبر من اي شأن سياسي رغم ارتباطها الوثيق بيه

احنا بنتكلم عن جهاز كان بقى له سنين طويلة كان مكرس بصورة كاملة للأمن السياسي و سقف صلاحياته عالي جدا جدا جدا مع اهتمام بسيط اوي بالامن الجنائي و ده خلاه بنى عقيدة خاصة بيه عند كل افراده انهم فوق الناس ( ايا كان الهري اللي بيبرروا بيه لنفسهم ده )

بعد ما تلقى الضربة الموجعة اياها في يناير و انكسر نوعيا و نفسيا نوعا ما كان ده احسن وقت ممكن لفرمتته

لكن اللي حصل انه تحت اشراف قيادات الجيش تم اعادة بناؤه فورا سواء كعدة و سلاح او كتدريب او كعقيدة بصورة هدفت بشكل اساسي لعدم حدوث الضربة الموجعة تاني و في نفس الوقت تم اهمال الجانب الجنائي تماما و كعقاب للناس اللي قامت بالضربة الموجعة دي (الشعب + كل ثوار يناير) عشان ما يفكروش فيها تاني و بالتالي يفضل الجهاز ده يقوم بدوره القديم المطلوب منه و زيادة

الكلام ده حصل باهتمام بالغ من فبراير 2011 لحد يونيو 2013 لما حانت اللحظة المناسبة بما فيه السنة بتاعة الاخوان (خصوصا مع انسياق الاخوان في سنة حكمهم لنفس النغمة بتاعة دعم الشرطة و تشجيعها للعمل من تاني و الاشتغالة اللي شربوها لحد اخر نقطة دي)





الناتج دلوقت ان عندنا جهاز لا يهتم بالجانب الجنائي بالمرة و غير مدرب عليه من الاصل , عقيدة فاسدة حتى النخاع سواء سياسيا او جنائيا او كأساليب عمل , و في الخلاصة شغال جهاز امن سياسي خاص و ولاؤه الكامل و بالكامل لدولة مبارك و عداؤه الكامل و بالكامل لأي حد او فصيل شارك في علقة يناير , في نفس الوقت هو شايف فئة كبيرة من الشعب بتأيده على ما هو عليه , و بالتالي فمافيش عند حتى ظباطه الصغيرين اي احتمال انهم غلط , اللي ضدهم الارهابيين و الطابور الخامس (العملا) بس , لأ ده وصل بيه الامر انه اختزل الوطن في نفسه , فاصبح الاعتراض عليه خيانة للوطن , و طبعا نفس العقيدة دي عند باقي مؤسسات دولة مبارك الامنية اللي بتحكم دلوقت

الجهاز ده مش هايشتغل جنائي تاني , و مش هايراعي حقوق انسان ولا بتاع في اي حد مالوش ضهر
و البلطجية اللي ماليين البلد في الحقيقة شغالين او موالسين مع ناس من الجهاز ده سواء بصورة فردية او بصورة ممنهجة

و كل ده جزء من عقاب ربنا بصراحة

اللي مش عاجبه كلامي يعتبر نفسه ما قراش و ما يوجعش دماغه

---

+++++++++++++1

انا امبارح اتفرجت على حلقه بتاعه ncis كنت حعيييط بجد

حسيت ان الشرطه والامن الجنائى والمباحث واللى عندنا ده كله هجص من الاخر

ومحدش يقولى ان ده شغل تلفيزيون وافلام وكده يعنى

لان حتى لو ده تليفزيون فده اكيد بيعكس اللى فى الحقيقه اصلا زى عندنا هنا بالظبط ما تليفزيونا بيعكس اللى فى الحقيقه

جهاز الشرطه ده بجد عاوز فرمته من اول بايت لاخر بايت وبعدين ننزل سيستم جديد بقى على اصوله

الحلول المؤقته بالتجربه بان انها مش مجديه

وبعدين فى الهرى ده

الواحد كل يوم و التانى بيسمع مصايب من كل اللى حواليه بيت شغل حتى المنتدى

يارب سترك الذى لا ينكشف

طيب سؤال عام هوه مفيش حد فى المنتدى خالص له قرايب فى الشرطه يتناقش معاهم هما ليه مبيشتغلوش

رغم ان فيه ناس من قرايبهم تتضرووا من عدم شغلهم لان الحرامى بيثبت اى حد وممكن يطلع ابن ظابط ويقتله

من الاخر الناس دول استفادوا جدا من الثوره المرتب بتاع اقل ضابظ دلوقتى مش اقل من 5000 جنيه

الحاجه التانيه ياريت ميمدوش ايديهم للمرتب اللى بيخدوه من ضرائبنا

اخر شىء فى لجنه فى المهندسين بيوقفوا بس الملاكى علشان يطلعوا بمصلحه وتلاقى المينى باصات والميكروباصات نمرها مطموسه ولو فتشوا ورا السواقين هتلاقيهم سايقين تحت تأثير المخدر وطبعاً مش معاهم رخص إلا من رحم ربى

ودمنا للكفاح المسلح عن انفسنا ضد البلطجيه:)

اقتباس:

---

المشاركة الأصلية كتبت بواسطة amr011111

طيب سؤال عام هوه مفيش حد فى المنتدى خالص له قرايب فى الشرطه يتناقش معاهم هما ليه مبيشتغلوش

رغم ان فيه ناس من قرايبهم تتضرووا من عدم شغلهم لان الحرامى بيثبت اى حد وممكن يطلع ابن ظابط ويقتله

من الاخر الناس دول استفادوا جدا من الثوره المرتب بتاع اقل ضابظ دلوقتى مش اقل من 5000 جنيه

الحاجه التانيه ياريت ميمدوش ايديهم للمرتب اللى بيخدوه من ضرائبنا

اخر شىء فى لجنه فى المهندسين بيوقفوا بس الملاكى علشان يطلعوا بمصلحه وتلاقى المينى باصات والميكروباصات نمرها مطموسه ولو فتشوا ورا السواقين هتلاقيهم سايقين تحت تأثير المخدر وطبعاً مش معاهم رخص إلا من رحم ربى

ودمنا للكفاح المسلح عن انفسنا ضد البلطجيه:)

---

لى قرايب وشايفهم شغالين لكن فى حلقه مفقوده

الحريه لحبيب العادلي

اقتباس:

---

المشاركة الأصلية كتبت بواسطة ahmed_adham

الحريه لحبيب العادلي

---

لو اخد برائه ومسك الداخليه عمره ما يقدر يرجعها ربع اللى كانت فيه انت بتجمع ميراث فساد وجهل 30 سنه

اقولك انا حاجه احلي
انا ساكن في كمبوند في 6 اكتوبر
الجمعه اللي قبل اللي فاتت صحيت الساعه 9 الصبح على ضرب نار وناس بتجري
طلعت ابص من البلكونهلقيت واحده في العماره اللي جامبي بتصوت وبتقول الحقونا هيموتونا
بس لقيت حاجه غربيه شويه
لقيت واحد واقف في البلكونه بتاعة نفس الشقه وحاطط ايده في جيب البنطلون بس شكله مش بلطجي خالص
شويه لقيت واحد طلع نفس البلكونه ومعاه طبنجه واتنين بيقولوا عيب كده
طبعا امن الكمبوند في هذه الاثناء طلع يجري ويشوف فيه ايه وواحد طلب البوليس
المهم لقيت واحد بيجري في الشارع بطبنجه وانا مش فاهم فيه ايه الموضوع مش راكب
يعني الموضوع مش بلطجه بس مش طبيعي
وعشان مطولش عليكو طلع واحد متخانق مع مراته ومعرفش اهل مين وصلوا وحصلت المشكله
الغريب بقه ان الشرطة موصلتش لغاية دلوقتي تفتكروا تاهو!!!
وتقولي شرطة يا عم قول يارب

اقتباس:

---

المشاركة الأصلية كتبت بواسطة rotanamasoud

لو اخد برائه ومسك الداخليه عمره ما يقدر يرجعها ربع اللى كانت فيه انت بتجمع ميراث فساد وجهل 30 سنه

---

تعليق كام مجرد سخريه لكن بالرغم من كل التجاوزات السياسيه للشرطه في عهد حبيب العادلي الا انه أمنا كان رابط البلد بحزام وماسكه في ايده وأنا على يقين بقدرته على ارجاع الامور لنصابها لأن ببساطه وقت ما مسك الداخليه كانت بنفس السوء والتدهور اللي هيه فيه دلوقتي لكن احقاقا للحق هوه كان معاه صلاحيات في عداد التجاوزات هيه اللي ساعدته على كده.

اقتباس:

---

المشاركة الأصلية كتبت بواسطة ahmed_adham

تعليق كام مجرد سخريه لكن بالرغم من كل التجاوزات السياسيه للشرطه في عهد حبيب العادلي الا انه أمنا كان رابط البلد بحزام وماسكه في ايده وأنا على يقين بقدرته على ارجاع الامور لنصابها لأن ببساطه وقت ما مسك الداخليه كانت بنفس السوء والتدهور اللي هيه فيه دلوقتي لكن احقاقا للحق هوه كان معاه صلاحيات في عداد التجاوزات هيه اللي ساعدته على كده.

---

اللى اقصده ان العشوائيات اللى انتشرت وكبرت فى العهد القديم بقت عامله زى القنبله الموقوته كلها جهل وفقروفساد هو كان مسيطر لاكن اعتقد دلوقت ان القنبله على وشك الانفجار الاجرامى(ومعتقدش ان اى سوء امنى يقارن باللى بعد 25 يناير) لاكن ابسط الامور لو كانت الدوله موفره تعليم ومسكن جيد للناس دى كان الوضع افضل

الداخلية النهارده سقفها في الصلاحيات غير مسبوق
القصة قصة تدريب
و اهتمام

بالمناسبة هي وقتها كانت امنيا فاشلة برده و اللي مش مصدق ارشيف المنتدى موجود

اقتباس:

---

المشاركة الأصلية كتبت بواسطة rotanamasoud

اللى اقصده ان العشوائيات اللى انتشرت وكبرت فى العهد القديم بقت عامله زى القنبله الموقوته كلها جهل وفقروفساد هو كان مسيطر لاكن اعتقد دلوقت ان القنبله على وشك الانفجار الاجرامى(ومعتقدش ان اى سوء امنى يقارن باللى بعد 25 يناير) لاكن ابسط الامور لو كانت الدوله موفره تعليم ومسكن جيد للناس دى كان الوضع افضل

---

الناس لو كانت مرتاحه اقتصاديا مكنش أي حد فكر في ثوره حتى لو نفس الشخص حكمها ألف سنه واللي كان هيتكلم كانت الناس هيه اللي هتفتك بيه مش الحكومه أو النظام الحاكم.

اقتباس:

---

المشاركة الأصلية كتبت بواسطة mido_soliman

يا باشا الحى الثالث المجاورة السابعه تحديدا شارع 17 من اسبوعين تقريبا الساعه 2.30 الضهر
ام جايبه اولادها من المدرسه وقفت بالعربيه قدام باب عمارتهم (قدام العماره اللى ساكن فيها بالظبط)
عربيه نص نقل وراها نزل منها 6 مسلحين وملثمين اى والله زى ما بقولك كدة
ثبتوا الشاااااااااااااااااااااا اااااااااااااااااااااارع كله باللى فيه
واخدوا العربيه وهربوا

بالمناسبه ... عربيه الست اللى اعدت تلطم وتعيط فى الشارع فى حاله انهيار كانت جيب سودا موديل السنه اللى فاتت

---

لا حول ولا قوة الا بالله .. انا ساكن في المجاورة الثامنة .. بجد انا مش بهرج .. انا بفكر جديا اشتري سلاح وهمشي بيه في العربية ولو حد وقفني في لجنة وبيسألني عليه هفرغه كله في بطنه وراسه !!!

طفح الكيل بجد !! داخلية بنت ستين عمرو اديب !!

اقتباس:

---

المشاركة الأصلية كتبت بواسطة ahmed_adham

تعليق كام مجرد سخريه لكن بالرغم من كل التجاوزات السياسيه للشرطه في عهد حبيب العادلي الا انه أمنا كان رابط البلد بحزام وماسكه في ايده وأنا على يقين بقدرته على ارجاع الامور لنصابها لأن ببساطه وقت ما مسك الداخليه كانت بنفس السوء والتدهور اللي هيه فيه دلوقتي لكن احقاقا للحق هوه كان معاه صلاحيات في عداد التجاوزات هيه اللي ساعدته على كده.

---

يا افندم ايام حبيب العادلى الداخليه مكانتش شغاله غير فى انها توقف الطريق لحد مهم معدى
او انها تشتغل فقط فى حماية الشخصيات الكبيره

انما ساعتها كانت ليها هيبه فكانت الحراميه بتشتغل قى الدرى (الخفاء )

بعد الثوره الحراميه اتجرأت على الشرطه وبقت تسرق وتثبت بالسلاح ورغم ان الشرطه عارفه اوكار الحراميه كلها بس مش قادره تدخل تعمل كبسه عليهم

لان الشرطه غير مدربه ولا مؤهله لذلك
بمعنى اخر ان فى ظل وجود اختبار حقيقى للشرطه فانها فشلت فى ذلك الاختبار

اقتباس:

---

المشاركة الأصلية كتبت بواسطة amr011111

يا افندم ايام حبيب العادلى الداخليه مكانتش شغاله غير فى انها توقف الطريق لحد مهم معدى
او انها تشتغل فقط فى حماية الشخصيات الكبيره

انما ساعتها كانت ليها هيبه فكانت الحراميه بتشتغل قى الدرى (الخفاء )

بعد الثوره الحراميه اتجرأت على الشرطه وبقت تسرق وتثبت بالسلاح ورغم ان الشرطه عارفه اوكار الحراميه كلها بس مش قادره تدخل تعمل كبسه عليهم

لان الشرطه غير مدربه ولا مؤهله لذلك
بمعنى اخر ان فى ظل وجود اختبار حقيقى للشرطه فانها فشلت فى ذلك الاختبار

---

عندهم الامكانيات بس التدريب غير كافي في مواجهة مسلحين لأنهم هايسقط منهم اعداد كبيرة في مواجهة مسلحين فعلا (واخد لي بالك)
و طبعا ما عندهمش الدافع لمعارك زي دي لأن الامن الجنائي مش في بالهم اصلا

ربنا يسترها

ما هو يا الشرطة تشتغل
يا تقعد فالبيت احسن
مفيش حل ثالث

اقتباس:

---

المشاركة الأصلية كتبت بواسطة تامر.محمد

عندهم الامكانيات بس التدريب غير كافي في مواجهة مسلحين لأنهم هايسقط منهم اعداد كبيرة في مواجهة مسلحين فعلا (واخد لي بالك)
و طبعا ما عندهمش الدافع لمعارك زي دي لأن الامن الجنائي مش في بالهم اصلا

---

+1111111111

هو فعلا كده

لو فى مواجهه مسلحه حيبقو نوال

البلد دى مش لينا... دى بلد اصحاب الكابات وبتوع الملايين واللى ارتضى لنفسه انه يبقى خدام عندهم كلهم
(ربنا أخرجنا من هذه القرية الظالم أهلها )

ربنا يستر