عشاق الميجان ارجو الافادة

**omar mohamed2** · 04-12-2013 06:23 PM

السلام عليكم بعد اذنكوا ياجماعه كان عندى استفسار انا اول مره اجيب عربيه وبفكر اجيب ميجان مستعمله اوتو ياترى تعمل كام الحاله الكويسة وياترى فيها عيوب كتير ولا عادى وبالنسبه للمستعمل اكشف عليها فين فى التوكيل ولا بتترفع فى بنزينه وسعرها يعمل كام الحالة الكويسه معلش الاسئله كتير عشان اول مره والله ومش فاهم اى حاجه خالص

**moh158** · 04-12-2013 06:54 PM

المشاركة الأصلية كتبت بواسطة omar mohamed2

السلام عليكم بعد اذنكوا ياجماعه كان عندى استفسار انا اول مره اجيب عربيه وبفكر اجيب ميجان مستعمله اوتو ياترى تعمل كام الحاله الكويسة وياترى فيها عيوب كتير ولا عادى وبالنسبه للمستعمل اكشف عليها فين فى التوكيل ولا بتترفع فى بنزينه وسعرها يعمل كام الحالة الكويسه معلش الاسئله كتير عشان اول مره والله ومش فاهم اى حاجه خالص

استاذ عمر اولا الف مبروك مقدما

بالنسبة للميجان فهي جميلة للغاية لو متحافظ عليها و مش متهانة، السؤال دلوقتي تعرف ازاي حالتها، عليك و عليالتوكيل و الكشف عندهم ب ٥٥٠ جنيه او تروح فرينش موتورز الرحاب ب ٢٨٠ جنيه بس اوعي تروح بنزينة و الكلام الفاضي ده.

طيب تشتري انهي موديل؟ بص يا سيدي عليك من اول ٢٠٠٧ و يحبذ ٢٠٠٨ و السعر لو حالة كويسة هيكون اواخر الستين و اوائل السبعين

طيب بالنسبة للعيوب اشهرهم الفتيس و حساس الكامة و السرعة بس الحاجات دي بتتفير في التوكيل او فرنش موتورز و بعدين بتريح دماغك علي طول.

و ربنا يوفقك