تركيب مخدع للنيو صني.

**saint2011** · 09-12-2013 01:25 AM

المشاركة الأصلية كتبت بواسطة saddam

صديقي المواطن
قولا واحدا مخدع تجيب فيه نوع محترم ب 135 جنيه من الجلد الراقي يركب في ظهر الكرسي بتاعك بتاع السواق وفيه زرار ينطوي ومنه حجمين وسط وكبير وبيبقه شبه بتاع المرسيدس ال 300 الرئاسي ومش موجود غير في إسكندرية عزبة سعد وفي محل في القاهرة في لازوغلي وفي السجان عند نادي الترسانة ومتتعبش نفسك ده في الفخامة مخلص وجايب من اﻵخر وبركبه لكل عربياتي وشاري 3 لغاية دلوأتي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

فين فى لاظوغلى يا صدام باشا وأسمه ايه المحل

**MITSUKERO** · 09-12-2013 08:44 AM

استاذ صدام يا ريت تقول المحل فين و التفاصيل و طريقة التركيب

**mem** · 10-12-2013 02:19 PM

متابع

**saddam** · 10-12-2013 04:00 PM

المشاركة الأصلية كتبت بواسطة mins

عند مين ف عزبه سعد و ياريت صوره ليه

شكرا

صديقي المواطن
هي عزبة سعد كلها مفيش فيها 15 محل وهو بينزل بحجمين رفيع وعريض وبينزل 3 ألوان فقط وهو موجود هناك في محلين فقط محل في نص الشارع مش فاكر إسمه ولكن لما تخشلو حيكون الكاشير ومكتبه على إيدك الشمال واﻷفضل واللي دايما بشتري منه محل قبل آخر الشارع بثلاث محلات تقريبا قبل الصينية وهو محل مشهور أكثر حاجة ببيع الدروع النيكل اﻷمامية والشبك والراكات والعتب النواكل حتخشله وهو حيركبهولك على طول بربع ساعة

بالنسبة لمكانه في لازوغلي فهو توصل ميدان لازوغلي وإنت جي من وزارة العدل حتسيبها في ظهرك وحتخش الشارع المؤدي للمترو المهم بعد الصينيه ومع إتجاه السيارات محل قطع غيار مرسيدس تعبان أي كلام على إيدك الشمال حتقول له عاوةة مخدع مرسيدس حتلاقيه معلقها على رف عالي ومش باينه وأي خدمة
عمالين نديكم خبراتنا الوطنية اللي ياما كعوب رجليا دابت باللف عليها ومئات اﻷلوف إتصرفت عالحاجات البسيطة دي وبنقدمهالكو مجانا يا ربي تستمتعوا بالتركيب وتدعولي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mem** · 11-12-2013 03:55 PM

المشاركة الأصلية كتبت بواسطة saddam

صديقي المواطن
هي عزبة سعد كلها مفيش فيها 15 محل وهو بينزل بحجمين رفيع وعريض وبينزل 3 ألوان فقط وهو موجود هناك في محلين فقط محل في نص الشارع مش فاكر إسمه ولكن لما تخشلو حيكون الكاشير ومكتبه على إيدك الشمال واﻷفضل واللي دايما بشتري منه محل قبل آخر الشارع بثلاث محلات تقريبا قبل الصينية وهو محل مشهور أكثر حاجة ببيع الدروع النيكل اﻷمامية والشبك والراكات والعتب النواكل حتخشله وهو حيركبهولك على طول بربع ساعة

بالنسبة لمكانه في لازوغلي فهو توصل ميدان لازوغلي وإنت جي من وزارة العدل حتسيبها في ظهرك وحتخش الشارع المؤدي للمترو المهم بعد الصينيه ومع إتجاه السيارات محل قطع غيار مرسيدس تعبان أي كلام على إيدك الشمال حتقول له عاوةة مخدع مرسيدس حتلاقيه معلقها على رف عالي ومش باينه وأي خدمة
عمالين نديكم خبراتنا الوطنية اللي ياما كعوب رجليا دابت باللف عليها ومئات اﻷلوف إتصرفت عالحاجات البسيطة دي وبنقدمهالكو مجانا يا ربي تستمتعوا بالتركيب وتدعولي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

تسلم ايدك استاذ صدام تعبينك معانا على طول كده

**Moh. Elnagar** · 25-01-2014 10:49 AM

معايا نيو صني سوبر صالون 2014 ولسه مركب واحد إمبارح ب 75 جنيه بالتركيب بدون فصال وجبت نفس لون ونقشة الفرش بصراحة مريح جدا وكمان غيرت إضاءة الصالون بليدات بيضاء تحفة الصالون بقى تحفة وبقى شيك أوي أوي اوي وأسعارها بتبدأ من 15 : 50 جنيه للمبتين حسب شدة الإضاءة ولو عايزين شرائح بتبدأ من 15 :50 للشريحة الواحدة حسب شدة الإضاءة أنا جبت شريحتين الواحدة ب 25 فيها 18 ليد جميلة جدا

ودي الصور:
http://dc625.4shared.com/img/pxtWiFg...90069152490477
http://dc625.4shared.com/img/KPj7Ljz...67991345156009

**ashrafwolf** · 25-01-2014 11:56 AM

المشاركة الأصلية كتبت بواسطة moh. Elnagar

معايا نيو صني سوبر صالون 2014 ولسه مركب واحد إمبارح ب 75 جنيه بالتركيب بدون فصال وجبت نفس لون ونقشة الفرش بصراحة مريح جدا وكمان غيرت إضاءة الصالون بليدات بيضاء تحفة الصالون بقى تحفة وبقى شيك أوي أوي اوي وأسعارها بتبدأ من 15 : 50 جنيه للمبتين حسب شدة الإضاءة ولو عايزين شرائح بتبدأ من 15 :50 للشريحة الواحدة حسب شدة الإضاءة أنا جبت شريحتين الواحدة ب 25 فيها 18 ليد جميلة جدا

ودي الصور:
http://dc625.4shared.com/img/pxtwifg...90069152490477
http://dc625.4shared.com/img/kpj7ljz...67991345156009

منين ده يا باشا ؟

**METOELESSAWY** · 25-01-2014 12:32 PM

+++1

**Moh. Elnagar** · 25-01-2014 02:14 PM

من محل إكسسوار إسمه خميسكو في إسكندرية له فرع في البيطاش وفرع في سموحة

**medo-312** · 26-01-2014 02:47 AM

المشاركة الأصلية كتبت بواسطة elmoski

كنت عاوز اركب مخدع بين الكرسيين الاماميين بحيث يكون فوق المروحة كدة ويتركب بطريقة شيك حد جرب حاجة زي كدة ؟؟ ومحدش يقوللي اسند ايدي علي المروحة لانها واطية جدا و انا طويل و كوعي مش بيجبها خاااالص فا يريت لو حد جرب يركب مخدع يقولنا... لحسن الواحد زهق من الكلام في المشاكل و الفرامل و الصاج و عاوزين نستمتع بالعربية شوية

الردود كلها بقت على مسند الرأس !!! .. وحضرتك بتتكلم على مسند بين الكرسيين الأماميين صح كده ؟ عموما انا جربت واحد ملقيتش مكان ليه غير فوق المروحة فعلا بس للأسف كان شكله عالى جدا وبايخ وأرتفاعه مناسب لو ركب فوق الهاند بريك بس طبعا كده يبقى لغيت فرامل اليد أو لازم أمد ايدى من تحت المخدع لو حبيت استعمل فرامل اليد .. !! ياريت لو فى حل تانى حد يقول لأنى نفسى أركبه فى مكان مناسب