المشاركة الأصلية كتبت بواسطة hmada9009_99
عموما الكورولا جامده جدا اوكي ماشي بس انا لو في مصر وبختار عربيه امشي بيها في مصر اختار بيجو 301 ديه حاجه
هو حضرتك عايش في مصر ؟ و كلام حضرتك ده مبني علي تجارب في مصر ؟ و المعلومات اللي حضرتك بتقولها و الاسعار و الاوبشنز ولا حضرتك بتقولها من الخليج؟ عموما مواصفات مصر غير الخليج تماما و انا هوضح لحضرتك.
حاجه التانيه ان شركه التويوتا بتبالغ اوي في سعرها بالنسبه للكورولا والياريس وبقى في نوع من الأستعباط وان اسف على اللفظ ده
ياعني لو هدفع 210000 الف مش هدفعها في كورولا هدفعها في عربيه اوروبي عاليه زي البيجو 508 او المانيييييي ازا كان بدايه من الأوبل وانت طالع
انا معاك ان سعر الياريس مبالغ فيه، و لكن برضو هتنتشر جدا.
اما بالنسبة للكوروﻻ هل مفيش فئة غير ب 210 ؟ ده الفئة ديه مش شايفها افضل فئة سعرية لو هنتكلم اوبشنز قصاد فلوس يبقي فئة 185 الف افضل فئة، ده لو هنقارن و لو بنشتري.
هل حضرتك تعرف سعر البيجو 508 كااااام؟ اول فئة 245 الف و تاني فئة 280 الف يعني فرق كااام 55 الف و 95 الف حضرتك تجيب بيهم عربية تانية.
اي عربية تانية اوروبى زي ايه ممكن تقولي بسعر في حدود 185 بأمكانيات الكورولا، بس قبل ما حضرتك تقول انا حابب تدخل تشوف امكانيات الكوروﻻ 2014 اللي في مصر.
مع العلم ان الكورولا 2014 بتنزل تركي ده بالنسبه لمصر وللعلم التقفيل التركي ممتاز
اما لسعوديه كورولا 2014 بتنزل امريكي وللخليج برده انا اول مرة اعرف انها في السعودية و الخليج امريكي !! يا فندم دي بتنزيل تايواني و امكانياتها فقيرة جدا جدا بالتركي اللي بتنزل مصر، فلو حضرتك بتقارن مع الخليجي فليك حق لانها عربية تانية خالص منزوعة الكماليات.
للأسف توكيل التويوتا في مصر بيستهبل
توكيل مصر مش بيستهبل في ظل الاسعار الغريبة منزل عربية ممتازة متروسة كماليات بسعر 185 منافس جدا مع عربيات لا تقارن بيها زى سيراتو ب 195
واعتماديه للبيجو 301 ققصد انها مناسبه للطرق المصريه (واحنا عارفين طرقنا بتدمر احسن عربيه ده غير خدوش وعربيات زي تكاسي بتحك فيك )
و هل بيجو 301 اللي لسه نازلة من 4 شهور اتجربت و بقت اعتمادية و مناسبة للطرق المصرية ؟؟
و الكورﻻ اللي كل مبمشي في حته اتكعبل فيها بقت اقل اعتمادية. يا سيدي الفاضل بقولها لحضرتك مرة تانية الاعتمادية = كووروﻻ و ده بشهادة اي حد عايش في مصر عاوز عربية بدون مشاكل.
ثانيه كقطع غيار وصيانه لصالح البيجو 301 ده بالنسبه لمصر
مش فاهم يعني ايه قطع غيار و صيانة لصالح البيجو 301 يعني انا مثلا لو عاوز ليها قطعة غيار هنزل دمشق او الحرفيين او اي محل علي قده بتاع قطع غيار هلاقيها زى التويوتا؟ ﻷ طبعا مستحيل و التوكيل محتكر قطع الغيار و بالنسبة للسعر فيه زميل في قسم بيجو عمل حادثة ربنا يحفظنا لو شفتها هتقول انها لو طفحت الدم متتكلفش 15 الف عبارة عن كبوت و شنطة متطبقين بس مش جامد و فانوس امامي و خلفي و كل الميكانيكا و العفشة ة التبريد مفيهمش حاجة و العربية بتمشي قالوله تكلفة الاصلاح 46 الف !!!
في حين ان لما حصلت مشكلة الجنوب لفريقي و للعلم هي مش مشكلة هي نوع معين للفتيس ليه سواقة خاصة لتوفير البنزين قام التوكيل بتغيير الفتيس بالكامل ﻷي حد بيشتكي و حتي لو خارج الضمان و عمره مراح التوكيل ببلاش
ياعني مثلا قارن كفه مرايا البيجو 301 بكفه مرايا التويوتا صدقني ككوالتي مش فرق كبير بس كسعر انسى التويوتا خراب بيوت ده غير امبوليزر المعروفه عن شركه بيجو ضد سرقه
هو حضرتك عرفت منين ان كوروﻻ مفيهاش ايموبيليزر ؟ طب معلومة لحضرت كوروﻻ فيها ايموبيليزر من اول فئة و مش موديل 2014 ﻷ ده من موديل 2006 و يمكن قبل كده كمان
طبعا اي دوله غير مصر يبقى تويوتا وعربيات اعلى منها كتير تبقى حلوه
اتمني تكونوا فهمتوا قصدييييي