انخفاض سعر السيراتو

**A.Adel** · 03-01-2014 06:15 PM

هي الوكيل رخصت ولا إيه ؟
الفئة دي كانت بـ 179 ألف

**amgomaa** · 03-01-2014 06:23 PM

ﻷ يا باشا 179 فيها بصمه و فتحه سقف و انوار ترحيب وممكنflexsteer التحكم فى الباور

**A.Adel** · 03-01-2014 07:41 PM

يعني دي فئة جديدة في الوكيل ؟

دي تبقى ممتازة بصراحة

**Batman372** · 03-01-2014 08:02 PM

المشاركة الأصلية كتبت بواسطة essam assem

السلام عليكم
حبيت بس ابلغكم انى غير الى وكيل مش خليجى بصراحة لاقيت مواصفة تحفة نازلة لعدد محدود سعرها ١٦٨ الف وزى ما قلت وكيل المواصفة هى ٢ ايرباج - مثبت سرعة - طارة ملطى - جنوط ١٧ - بلوتوث - abs - فوانيس امامية وخلفية ليدات - مريات ضم باشارة - شفتات بالطارة - تكيف خلفى - فوجات - امبولايزر - وطبعا الكماليات الاساسية الاخرى

احب اسمع رايكم فرق السعر فى مقابل الذيادة فى الكماليات والتحول الى وكيل افضل ولا المواصفة القديمة افضل برغم انى استلمت خلاص بس احب اعرف ارائكم
بس اللى مزعلنى انى ضحيت بفتحت السقف ولاكن بصراحة الجنوط ١٧ والفوانيس الليدات مخليها مختلفة تماما وخلى بالكم يا جماعة وبشكل عام مش للسيراتو فقط الشركات كلها هترفع الاسعار الايام القادمة ومن مصادر موثوق منها
وان شاء الله قريبا هنزلكم تقرير متكامل عن السيارة بس اركبلها الفرش الجلد الاول
وتحياتى للجميع

فرق السعر فى صالح التوكيل + اوبشنات اعلى + ضمان ...

و لكنك بتقول استلمت ... فمبروك عليك ...

تحياتى ...

**essam assem** · 03-01-2014 11:58 PM

المشاركة الأصلية كتبت بواسطة A.Adel

يعني دي فئة جديدة في الوكيل ؟

دي تبقى ممتازة بصراحة

بالظبط يا فندم هيا جديد وزى ما قلت عدد محدود كما ذكر لى مدير معرض سمير ريان والحاجة التانية ان فى احتمال كبير الاسعار تذيد وبراحة انا شايف المواصفة دية تحفة بجد واتمنى ان ربنا يرزق بيها كل ما هو مهتم بشراء سيراتو الجديدة
وبجد يا جماعة زمش تحيز للعربية النيو سيراتو هتبقى الحصان الاسود لسنة ٢٠١٤ مع الاخذ فى الاعتبار ان كان معاى تويوتا ٢٠٠٩ وbmw 523 e39 2002 -
وتحياتى للجميع

**amgomaa** · 04-01-2014 01:59 AM

الف مبروك على العربيه انا ليا سؤال هى الفئة اللى حضرتك اشترتها فيها flexsteer

**wedagad** · 04-01-2014 10:31 PM

المشاركة الأصلية كتبت بواسطة essam assem

السلام عليكم
انا اليوم حجزت سيراتو خليجى من عند سمير ريان سعرها 157500 وفيها الكماليات الاتية
واحد اير باج- فوجات - abs - طارة مالتى - مثبت سرعة - 5 جنوط اسبور مقاس 16 - 2 مفتاح ريموت - امبولايزر - بلوتوث - فتحت سقف - وطبعا باقى الكماليات المعتادة
اية رايكم فى السعر وفى اختيارى وبصراحة انا سوقت السيارة وعجبتنى جدا خصوصا الثبات على السرعات العالية والعزل محترم جدا بجد حاسيت انى راكب عربية محترمة وبالمناسبة انا كان معاى تويوتا 2010 يابانى
وتحياتى للجميع

ربنا يباركلك فيها ويكفيك شرها...هي دي اللي كان سعرها 159000 من شهر تقريبا؟

**kazamodia** · 05-01-2014 12:34 AM

يا خسارة ياريتني ما اشتريت البومة
بس بصراحة السيراتو الجديدة شكلها مش حلو الشكل القديم احلى باستثناء الفوانيس الليدات دي بقا حكاية شكلها خرافي فعلا

**dizel** · 05-01-2014 04:29 PM

المشاركة الأصلية كتبت بواسطة essam assem

السلام عليكم
انا اليوم حجزت سيراتو خليجى من عند سمير ريان سعرها 157500 وفيها الكماليات الاتية
واحد اير باج- فوجات - abs - طارة مالتى - مثبت سرعة - 5 جنوط اسبور مقاس 16 - 2 مفتاح ريموت - امبولايزر - بلوتوث - فتحت سقف - وطبعا باقى الكماليات المعتادة
اية رايكم فى السعر وفى اختيارى وبصراحة انا سوقت السيارة وعجبتنى جدا خصوصا الثبات على السرعات العالية والعزل محترم جدا بجد حاسيت انى راكب عربية محترمة وبالمناسبة انا كان معاى تويوتا 2010 يابانى
وتحياتى للجميع

ألف مبروك انا سبقتك و جبت نفس الفئة دى .... ممتازه بس اللى جننينى انى لسه راجع من السفر متعود على سواقه بره و كسرولى المرايا و الخارابيش العاديه اللى طبيعى تاخدها فى مصر..... عموما ربنا يباركلك فيها ... قولينا رايك ايه فى العربية و هل فعلا السعر نزل ؟؟

**zikozoko** · 05-01-2014 07:52 PM

يا جماعه هو فيه فرق بين سيراتو الشكل الجديد خليجي 2013 وبينها 2014 في الاساسيات قصدي الموتور والفتيس والعفشه لأن معروض عليا نيو سيراتو خليجي 2013 بيضاء 2 ايرباج وراديو شاشه وكاميرا خلفيه معروضه ب 138 الف فايه رأيكم