الصراحة النهاردة اتحرق دمي في مرور بلبيس بسبب سبب تافه !
بعد معاناه في نقل ملكية العربية في الشهر العقاري بسبب "أصل الختم مش ظاهر , أصل التوكيل عليه بقعة مية , أصل خالتي بتولد" النهاردة في مرور بلبيس (المرور الخاص بيا) بنرفع بصمة العربية عشان اتطابقها في مرور فيصل (مرور العربية القديم) قعدنا اكتر من ساعة بندور على مكان رقم الموتور , و برده مش لاقينه
كلمت التوكيل في التيلفون و بعد تلت ساعة مكالمات موصلناش لأي حاجة غير الرقم اللي مكتوب على حتة الحديدة اللي فوق المساعد الامامي شمال .. و هو رقم عبارة عن كود , بيتطابق مع كود تاني مكتوب على استيكار ملزوق على الموتور و على الاستيكر ده رقم الموتور اللي في الرخصة القديمة
كل الهري ده ممشيش معاهم , و كل اللي على لسانهم احنا عايزين رقم بارز .. و خصوصا ان اصلا الارقام اللي على الاستيكر دي مش ظاهرة و مش انا الصراحة دمي اتحرق و بدأت ازهق من الحوار التعبان ده !
حد يا جماعة قابلته مشكلة زي دي و هو بيرخص او بينقل ملكية العربية و يقولنا نحل المطب ده ازاي؟
العربية 2010 - 1500 - منوال - frv