الموضوع: مكان الطبة في كارتير زيت الموتور

المشاركة الأصلية كتبت بواسطة nasroo

الكلام ده فعلا بيحصل ساعات لما يكون المسمار بتاع الطبة صغر عليها او الخرم بتاع الطبة وسع بتروح لخراط بيجيب مسمار اكبر ويخرطه على اد فتحة الكارتيرة
انا روحت التوكيل لان الزيت عندي كان بينقص وقالولي كده وقالوا كمان ممكن تغير الكارتيرة كلها
بس كان في مشاركة لمحمد مدوح قبل كده قال فيها انه بيجيب ورد نحاس تقريباً وبيغيرها مع كل غيار زيت عشان قصة الطبة دي
بس رايي استنى وماتغيرش الكارتيرة غير لما تعرف سبب النقص ايه الاول

ألف شكر على ردك ... المشكلة أن العامل بتاع المحطة كهربني وقال ان الطبة جايز تقع مع مطب فدلوقتي المشكلة مش في تسريب زيت لأن الطبة حواليها ناشف ولكن المشكلة في اللى قاله العامل ده معناه ان الزيت ممكن يقع بالكامل مرة واحده اثناء المشي والموتور لا قدر الله يقفش.

لو عمل تمشيط لمكان الطبة حل فعال وبيعيش يبقي فورا يتعمل أنما لو الأحسن اشتري كارتيرة جديدة يبقي برضو ماشي لأن الموضوع خطير ولازم يتحل بسرعه المشكلة لو حغير اجيب مينين الأصلي المضموووووووون لأن العربية كوري اوروبي مش مصري.

العامل الغبي قرص علي رباط الطبة لحد ما فوتت............عموما هات طبة جديدة وجربها وبلاش تمشط الفتحة لغاية ما تجرب الطبة الجديدة ال حاتركب ان شاء الله بدون تفويت.........وان لقيت الطبة الجديدة بتفوت روح للخراط خليه يعملك طبة علي مقاس الفتحة وبلاش حكاية تمشيط الفتحة الا لما الخراط هو ال يقول

المشاركة الأصلية كتبت بواسطة mmamdouh

تمشيط سن القلاووظ بيحصل لو حد ركب الطبة غلط و بوظ القلاووظ و دة بيستدعى انك تجيب طبة اكبر سنة من الطبة الاصلية عشان تملا الفراغ الزيادة الناتج عن التمشيط

الكارتيرة فيه منها نوعين... واحدة الومنيوم و غالية (مش فاكر بكام بس موجودة عند ابو الحسن) و فيه كارتيرة حديد كنت سالت عليها من زمان و كانت ب 90 جنية

mmamdouh

يعني رأيك اجيب واحده الومنيوم من ابو الحسن وأمري لله ولا موضوع الخراط ممكن يبقي فعال وميقرفش العامل في كل مرة غيار زيت؟

المشاركة الأصلية كتبت بواسطة mmamdouh

هو طبعا دة الحل الاسلم بس فى نفس الوقت مكلف جدا

انا مش شايف ان حل التمشيط وحش لان الطبة مفيش عليها اى اجهادات و اللى بيبوظها دايما هو الاهمال فى التركيب... انا مازلت مع حل التمشيط عشان التكلفة فقط

mmamdouh

ربنا يكرمك وانا سألت في التليفون أبو الحسن بس النهاردة أجازة بس قال لي الكارتيرة موجودة وهي ألومنيوم والحديد دي بتاعت اللانوس وأصلية وفي حدود 275 جنيه وقال لي لو عايزها اتصل بي بكره أكون في المحل وأشوفها (مش متاكد الظاهر اذا كانت موجوده دلوقت ولا لأ)

على العموم حجرب موضوع التمشيط علشان التكلفة ومع غيار الزيت اللى جاي اشتري كارتيره والزيت وأروح لعبده يركبها ويغير لي الزيت الجديد. وساعتها اسمحلى اسالك برضو احط ال3000 ولا 5000 ولا معدني زي ما أنا

بالمناسبة أنا عملت بنصيحتك وغيرت الزيت من موبيل xhb وحطيت فيسكو 2000 المرة دي لأني ملاقيتش ال3000 وكان معبأ في مصر وقلت نشوف موضوع نقصان الزيت ده لو تفتكر الموضوع.

فاضل آخر سؤال في القصة دي معلش : أروح اخلي عبده يقوم بفك الكارتيرة وهو يشوف خراط جنبه ويتصرف ولا أستقرب علشان ممشيش كتير وهي كده (انا في مصر الجديدة) ولما أروح هل يفضل اشتري عبوة كيلو زيت تحسبا لفقدان شوية زيت وهو بيفضيه (أنا معايا الجركن الفاضي بتاع امبارح)

وعاجز عن الشكر