الموضوع: سوبارو إمبريزا موديل 2006

المشاركة الأصلية كتبت بواسطة أحمد خاطر

السلام عليكم يا رجالة سوبارو..
كنت عاوز اسألكوا في كذا حاجة..انا بفكر أشتري سوبارو إمبريزا موديل 2005-2006 أتوماتيك..فكنت عاوز أسأل عن هتعمل في حدود كام و ادور فين علشان ألاقي حاجة نضيفة..
و كمان كنت عاوز اسأل أخبار قطع الغيار برة التوكيل إيه أسعارها و توافرها..أنا مبحبش أسمع من الناس أي كلام و خلاص..العربية انا عارف إنها مش منتشرة زي باقي الياباني بس العربية من أحسن العربيات الياباني في الثبات و الامان و الكفاءة..و بما إني هشتريها مستعمل فحكاية سعر إعادة البيع ديه مش هتفرق أوي لأني مش شاريها من الزيرو.. :d

معلش طولت عليكما و مستني نصايحكوا.. :))

أولا احيك على تفكيرك ... الموديلين دول من افضل الموديلات اللى نزلت من سوبارو .. من حيث الشكل و المواد المستخدمة و الموتور 1600 و معقول قوته على العربية ...
1) بالنسبة للسعر : لو 2005 ( حالة نظيفة و اقل من 120000 كم تعملها من 55000 الى 65000 ......... لو حالة متبهدلة و اكثر من 120000 كم من 48000 الى 53000) لو 2006 ( حالة نظيفة : 65000 الى 74000 و لو متبهدلة : 58000 الى 63000)

فيه واحدة لقطة لو بتفكر فى حاجة سوبر كار ( فيه عربية اضمنهالك موديل 2007 بس wrx يعنى 2000 سى سى و تربو 245 حصان عاملة فى حدود 110000 جنيه .... فيه مفاجئة فيها ( لو مهتم ابعتلى على الخاص و هقولك)


2) لو ممكن تركب مانيوال مش اوتوماتيك : انصحك تركب السوبارو مانيوال ( فرق فالأداء عن الأوتو ملحوظ خصوصا ان الموتور 1600 على دفع رباعى)

3) بالنسبة لقطع الغيار : انا عن نفسى معايا 2005 و مبتعاملش غير مع التوكيل فهقولك على اسعار التوكيل و برضه اسعار بره التوكيل :
اللى بيشتغلوا فيها بره التوكيل : ا) هشام بالضاهر بالقاهرة ب) عايد بالحرفيين بالقاهرة ج) محل اسمه صخر بالمعادى د) محل اسمه شورت بالحرفيين و فيه محل تبع التوكيل بشارع دمشق

عموما الموديلين دول قطع غيارهم موجودة بس هتلف على الأماكن دي .. اللى ممكن يتأخر على ميجيلك القطع الخارجية

الأسعار:
1) بالتوكيل : الأسعار بالضريبة و كله
صيانة دورية كل 5000 كم ( زيت , فلتر زيت , تنظيف و تشحيم العفشة , تنظيف فلتر هواء و وحدة خنق و فلتر تكيف , كشف على العربية (بواسطة مهندس الصيانة و الكمبيوتر) تكلفة 640 ج بالضريبة

فلتر هواء = 110
فلتر بنزين = 220
بوجيهات = 4 * 30 = 120
تيل فرامل = 550
طنابير = 800
سير تكيف = 180

صيانة كل 40000 كم : صيانة زيوت شاملة ( تشمل صيانة 5000 + زيت فتيس + زيت فرامل + تغير و تنظيف دورة المياه + زيت الدفع الرباعى + الكشف على زيت الباور ) = 1200 ج

صيانة كل 90000 كم ( صيانة الكاتينة ) ( تشمل صيانة 5000 + تغير سير الكاتينة + تغير 2 ترس كاتينة متحرك + تغير ترس ثابت + تغير بلى كاتينة + تغير سير الدينامو + تغير سير المروحة ) = 2200 ج و دى اغلى صيانة بالعربية


بره التوكيل :

فلتر الزيت = 60 بتاع ميتسوبيشى
تيل الفرامل = تقريبا 250
طنابير = تقريبا 450

الباقى هتلاقى اسعاره فى مواضيع تانية بالتفصيل

شكراً يا شباب..
لو حد يعرف الأماكن اللي ممكن أدور فيها على العربية ديه يبقى كتر خيره.. =)