تحذير من حفر الدائري .. ومحاولة نصب وقعت فيها

السلام عليكم ورحمة الله وبركاته

بداية الحمد لله على كل حال .. الحمد لله على نعمه كلها .. والحمد لله على قضاء الله وقدره

القصة باختصار اني كنت راجع من الشغل من المعادي وواخد الطريق الدائري اتجاه 6 اكتوبر

بعد منزل المنيب والبحر الاعظم على طول في حفرة رهيبة جدا على الدائري بعرض الحارة التانية كلها تقريبا :dontudear: .. والمهم حاولت افاديها لكن للاسف نزلت فيها بالعجل اليمين (امامي وخلفي) :angry26:

من شدة الصوت انا افتكرت ان الجنط اتنى وركنت على جنب وكنت خايف من ان العجلين يكونوا اتنوا :crying2:


في الوقت ده كان في عربية 128 ماشية قدامي والراجل لما سمع صوت الوقوع فى الحفرة فراح واقفلي على جنب لما لقاني بركن

المهم نزلت ومتخيل ان في مشكلة حصلت وكنت خايف يكون في حاجة فى المقص او المساعد او الكبالن او اي حاجة تانية

المهم الراجل اللى نزلي مشكورا قالي انا ميكانيكي وقالي هكشفلك على الكاوتش .. لفيت الكاوتش ناحية اليمين .. الراجل قالي ان في تسريب زيت بتاع الفرامل

علشان اتأكد دخلت العربية ودوست على الفرامل ملقيتش فرامل فعلا .. فقلت الحمد لله اني وقفت وان الراجل وقفلي وطلع ميكانيكي

جاب الكوريك ورفع العربية .. في تسريب زيت فعلا .. الراجل قالي ان في حساس للفرامل اتكسر :O_stupid[1]:

قالي استناني هروح اجيبلك واحد تاني وعلبة زيت فرامل واجيلك

بعد فترة جه فعلا .. وزود زيت الفرامل وطلع الهواء منها .. وركبت الكاوتش .. حاسبته ومشيت

فضلت طول الطريق ماشي بالراحة علشان مقلق من الفرامل خصوصا انى حاسس ان دواسة الفرامل نزلت شوية :w6266d

المهم روحت البيت وكانت صلاة العشاء فاتتني طبعا من الوقفة على الدائري

فقمت علشان اتوضأ واصلي

في اللحظة اللى دخلت فيها علشان اتوضى .. الشيطان استلمني :evil:

انا كنت شاكك في ان في حاجة غلط فى الموضوع من اساسه .. لسببين هقولهم بعد شوية

دخلت فى الصلاة .. اول ما خلصت الصلاة قلت لمراتي انى اتنصب عليا :I_angr1[1]:!! (الشيطان ابن ال&^%# اقنعني طول الصلاة انه اتنصب عليا فعلا) واتأكدت من الكلام ده لما رحت التوكيل النهاردة

ليه بقه اتنصب عليا من الميكانيكي اللى وقفلي؟

انا كنت شاكك في الموضوع بسبب: :rfds:
1- اذا كان الحساس حسب ما ادعى الميكانيكي اتكسر .. طيب ليه الكاوتش سليم ومتناش حتى ولا الهوا اللى فيه اتسرب !!
2- السرعة الرهيبة والعجيبة اللى رجع بيها الميكانيكي (12 دقيقة بالضبط ولقيته واقف قدامي)
3- حسب ما ادعى ان في حساس الفرامل اتكسر .. مفيش حساس فى الفرامل اصلا (العربية مفيهاش اي بي اس)


ايه بقه اللى حصل (الشيطان هو اللى وسوسلي بكده وانا بصلي وهو ده اللى حصل فعل)

لما لفيت الكاوتش ناحية اليمين علشان الميكانيكي يكشف عليه (كما ادعى) قام الميكانيكي النصاب بفك خرطوم زيت الفرامل (وانا مش واخد بالي طبعا) وقام مطلع ايده وهيا مليانة زيت علشان يقنعني ان في مشكلة .. استغل في كده الخضة والخوف اللى كنت فيه لحسن يكون في حاجة حصلت فى العربية :pffft:

الظريف فى الموضوع ان النصاب ده قالي انه اشترى الحساس بـ 280 جنيه والزيت بـ 10 جنيه .. يعنى هو كان عايز 300 جنيه

مكانش معايا ساعتها غير 200 جنيه .. اديتله 200 جنيه بس واخدت عنوان ورشه ابوه .. وفعلا كنت هروح البيت اخد فلوس وانزله تاني اديله باقي فلوسه (كنت اهبل ساعتها فعلا http://www.nilemotors.net/Nile/image..._55%5B1%5D.gif) كنوع من احترام الراجل ووقفته وانه فعلا دفع فلوس من جيبه علشان يساعدني وانا في عز الازمة على الدائري (كنت فاكرها مشكلة بجد لان ليا تجربة سابقة مع الفرامل برضه والحمد لله على كل حال) ومكنتش عايز اتأخر في فلوس على حد .. لكن الحمد لله على كل حال الواحد اكتشف انه اتنصب عليه :crying1:



على العموم ... انا بقول الحمد لله انه جت على قد كده احسن من ان العربية كلها تتسرق

والحمد لله على كل حال

الحمد لله بس المفروض مكنتش تقف انا خدت الحفرتين دول قبل كده وهديت السرعه من الخضه وبعدين كملت

للاسف بلدنا متخلفه حفرتين كبار فى وسط الدائرى والاضائه ضعيفه رغم ان المفروض ضرائبنا بتتصرف على الامور ديه

خد صحابك واطلع كسرلوا الورشة :d

اقتباس:

---

المشاركة الأصلية كتبت بواسطة الجنرال

مكانش معايا ساعتها غير 200 جنيه .. اديتله 200 جنيه بس واخدت عنوان ورشه ابوه .. وفعلا كنت هروح البيت اخد فلوس وانزله تاني اديله باقي فلوسه (كنت اهبل ساعتها فعلا http://www.nilemotors.net/nile/image..._55%5b1%5d.gif) كنوع من احترام الراجل ووقفته وانه فعلا دفع فلوس من جيبه علشان يساعدني وانا في عز الازمة على الدائري (كنت فاكرها مشكلة بجد لان ليا تجربة سابقة مع الفرامل برضه والحمد لله على كل حال) ومكنتش عايز اتأخر في فلوس على حد .. لكن الحمد لله على كل حال الواحد اكتشف انه اتنصب عليه :crying1:



على العموم ... انا بقول الحمد لله انه جت على قد كده احسن من ان العربية كلها تتسرق

والحمد لله على كل حال

---

نفهم من كدة انك نصبت علي النصاب ومش هترجعله بقيت فلوسه؟؟؟؟؟طنشت يعني!!!!

وياتري انت شايف ان ده تصرف صحيح؟؟؟؟؟

اعتقد انك المفروض تكلمه تفهمه القصة كدة وتقوله انه ضحك عليك وحلو اوي عليه المبلغ اللي اخده وكفا الله المؤمنين شر القتال

مصر هيا همى

وهما دول الاغلب الاعم من المصريين

الحمد لله على كل شىء

ومحدش بيتعلم ببلاش

هو انا بقيت اشك فى صوابع ايدى من شويه

اقتباس:

---

المشاركة الأصلية كتبت بواسطة qkash.com

نفهم من كدة انك نصبت علي النصاب ومش هترجعله بقيت فلوسه؟؟؟؟؟طنشت يعني!!!!

وياتري انت شايف ان ده تصرف صحيح؟؟؟؟؟

اعتقد انك المفروض تكلمه تفهمه القصة كدة وتقوله انه ضحك عليك وحلو اوي عليه المبلغ اللي اخده وكفا الله المؤمنين شر القتال

---

:O_stupid[1]:

انت بتهزر ولا بتتكلم بجد

اقتباس:

---

المشاركة الأصلية كتبت بواسطة qkash.com

نفهم من كدة انك نصبت علي النصاب ومش هترجعله بقيت فلوسه؟؟؟؟؟طنشت يعني!!!!

وياتري انت شايف ان ده تصرف صحيح؟؟؟؟؟

اعتقد انك المفروض تكلمه تفهمه القصة كدة وتقوله انه ضحك عليك وحلو اوي عليه المبلغ اللي اخده وكفا الله المؤمنين شر القتال

---

انت اكيد بتهزر صح؟؟


محمد حسين .. انت متخيل ان العنوان اللى اداهوني ده حقيقي اصلا؟؟

يلا الحمد لله

أنا أول ما قريت الموقف كنت بدعي للميكانيكي.....بس لما كملت للآخر !!!!!
الأخلاق كل يوم في إنحدار و النصابين و الحرامية بيزيدوا
ربنا يتولانا برحمته

يعني الراجل قاعد جنب الحفرة عشان يقلب عيشه!!!
المصري مايعديش فرصة الا و يستغلها حتي لو حفرة

اقتباس:

---

المشاركة الأصلية كتبت بواسطة mahmoud869

يعني الراجل قاعد جنب الحفرة عشان يقلب عيشه!!!
المصري مايعديش فرصة الا و يستغلها حتي لو حفرة

---

للحق .. الراجل مكانش واقف جنبها .. هو كان ماشي قدامي بقاله فترة على الدائري (لان الطريق بيبقى زحمة جدا بعد الساعة 5 فوق النيل لحد نزلة البحر الاعظم) لكن لما لقاني بركن فواضح ان استغل الفرصة ونصب عليا

الحاجة التانية انا رحت التوكيل النهاردة وقلتلتهم ان في مشكلة فى الفرامل وعايزكوا تكشفوا عليها وتشوفوا التسريب (مقولتهومش على اللى حصل اصلا)

دخلوا العربية وفضلوا ساعتين بيكشفوا عليها وقالولي ان مفيش اي حاجة وكل حاجة سليمة .. قالولي ان التسريب بتاع زيت الفرامل اللى ظاهر على الكاوتش ده بسبب ان حد (كان بياخد هواء من خرطوم الفرامل ويزود زيت) ... وهو اللى عمله الميكانيكي النصاب .. ومهندس الصيانة اللى فى التوكيل اكدلي ان عربيتي مفيهاش حاجة اسمها حساس الفرامل اصلا

عموما .. والله انا مش زعلان على الفلوس اللى اخدها ولو لقيته قدامي فى الشارع مش هعمله حاجة ولا هكلمه ولا حتى هطلب منه الفلوس .. لكن قسما بالله العظيم ما هسيبه يوم القيامة قدام رب العالمين .. مليش فيه والله العظيم ما هيفلت مني يوم القيامة وساعتها بقه يبقى يدورلي على 200 جنيه يرجعهوملي لو يقدر .. بالنسبة لي ده استثمار هاخده يوم القيامة ان شاء الله

اقتباس:

---

المشاركة الأصلية كتبت بواسطة qkash.com

نفهم من كدة انك نصبت علي النصاب ومش هترجعله بقيت فلوسه؟؟؟؟؟طنشت يعني!!!!

وياتري انت شايف ان ده تصرف صحيح؟؟؟؟؟

اعتقد انك المفروض تكلمه تفهمه القصة كدة وتقوله انه ضحك عليك وحلو اوي عليه المبلغ اللي اخده وكفا الله المؤمنين شر القتال

---

نعم ؟؟؟؟؟؟؟؟؟؟؟؟؟؟؟؟؟؟؟؟ :bigeyes02:

اقتباس:

---

المشاركة الأصلية كتبت بواسطة الجنرال

الظريف فى الموضوع ان النصاب ده قالي انه اشترى الحساس بـ 280 جنيه والزيت بـ 10 جنيه .. يعنى هو كان عايز 300 جنيه

---

هو مش جابلك حساس فعلاً و زيت....مش ممكن يكون هو صادق وانت مش واخد بالك

انا علي فكرة مش بكذبك بس بافترض حسن النية...واكيد هو اشترالك حاجة فعلاً والله اعلم تمنها كام طبعاً بس هو اشتري حاجة

المفروض انك انت اللي تعرف وتوضحلنا هو اشتري ايه بظبط وركبه

عموماً انا بحاول افهم تفاصيل اكتر ومش عايزك تفترض سوء النية ويرجع عليك الأمر بذنب ويكون هو مظلوم

وانت مدين له بباقي المبلغ

والله ده خوف عليك من ذنب قد تقع فيه "هو مش قريبي ولا انا بدافع عنه ولا اعرفه اصلاً ولو نصاب ربنا ينتقم منه ويعوضك بالخير"

ولكن خوفي عليك انت من انك تظلمه وتتحمل ذنب بدون قصد

اقتباس:

---

المشاركة الأصلية كتبت بواسطة qkash.com

هو مش جابلك حساس فعلاً و زيت....مش ممكن يكون هو صادق وانت مش واخد بالك

انا علي فكرة مش بكذبك بس بافترض حسن النية...واكيد هو اشترالك حاجة فعلاً والله اعلم تمنها كام طبعاً بس هو اشتري حاجة

المفروض انك انت اللي تعرف وتوضحلنا هو اشتري ايه بظبط وركبه

عموماً انا بحاول افهم تفاصيل اكتر ومش عايزك تفترض سوء النية ويرجع عليك الأمر بذنب ويكون هو مظلوم

وانت مدين له بباقي المبلغ

والله ده خوف عليك من ذنب قد تقع فيه "هو مش قريبي ولا انا بدافع عنه ولا اعرفه اصلاً ولو نصاب ربنا ينتقم منه ويعوضك بالخير"

ولكن خوفي عليك انت من انك تظلمه وتتحمل ذنب بدون قصد

---

يا بيه بيقول لك عربيته مافيهاش حساس فرامل ولا فيها حساس ناحية العجل اصلا و الزيت اللي على ايد الراجل كان ناتج من فكه لخرطوم زيت الفرامل

اقتباس:

---

المشاركة الأصلية كتبت بواسطة تامر.محمد

يا بيه بيقول لك عربيته مافيهاش حساس فرامل ولا فيها حساس ناحية العجل اصلا و الزيت اللي على ايد الراجل كان ناتج من فكه لخرطوم زيت الفرامل

---

مش غريبة شوية...يعني اكيد انا واقف مع واحد بيشتغل في عربيتي وشايفه وهو رايح ووهو جاي وشايف معاه ايه في ايده وركب ايه وشال ايه وعمل ايه بظبط

واللا انا واقف بعمل ايه مش فاهم الصراحة

ياعم ما تفهمنا هو جاب حاجة لما راح ورجع ولا عمل ايه ابن الذين ده

اقتباس:

---

المشاركة الأصلية كتبت بواسطة qkash.com

هو مش جابلك حساس فعلاً و زيت....مش ممكن يكون هو صادق وانت مش واخد بالك

انا علي فكرة مش بكذبك بس بافترض حسن النية...واكيد هو اشترالك حاجة فعلاً والله اعلم تمنها كام طبعاً بس هو اشتري حاجة

المفروض انك انت اللي تعرف وتوضحلنا هو اشتري ايه بظبط وركبه

عموماً انا بحاول افهم تفاصيل اكتر ومش عايزك تفترض سوء النية ويرجع عليك الأمر بذنب ويكون هو مظلوم

وانت مدين له بباقي المبلغ

والله ده خوف عليك من ذنب قد تقع فيه "هو مش قريبي ولا انا بدافع عنه ولا اعرفه اصلاً ولو نصاب ربنا ينتقم منه ويعوضك بالخير"

ولكن خوفي عليك انت من انك تظلمه وتتحمل ذنب بدون قصد

---

حاسس ان انت الراجل اللي نصب عليه :36_2_33:

اقتباس:

---

المشاركة الأصلية كتبت بواسطة الجنرال

السلام عليكم ورحمة الله وبركاته

بداية الحمد لله على كل حال .. الحمد لله على نعمه كلها .. والحمد لله على قضاء الله وقدره

القصة باختصار اني كنت راجع من الشغل من المعادي وواخد الطريق الدائري اتجاه 6 اكتوبر

بعد منزل المنيب والبحر الاعظم على طول في حفرة رهيبة جدا على الدائري بعرض الحارة التانية كلها تقريبا :dontudear: .. والمهم حاولت افاديها لكن للاسف نزلت فيها بالعجل اليمين (امامي وخلفي) :angry26:

من شدة الصوت انا افتكرت ان الجنط اتنى وركنت على جنب وكنت خايف من ان العجلين يكونوا اتنوا :crying2:


في الوقت ده كان في عربية 128 ماشية قدامي والراجل لما سمع صوت الوقوع فى الحفرة فراح واقفلي على جنب لما لقاني بركن

المهم نزلت ومتخيل ان في مشكلة حصلت وكنت خايف يكون في حاجة فى المقص او المساعد او الكبالن او اي حاجة تانية

المهم الراجل اللى نزلي مشكورا قالي انا ميكانيكي وقالي هكشفلك على الكاوتش .. لفيت الكاوتش ناحية اليمين .. الراجل قالي ان في تسريب زيت بتاع الفرامل

علشان اتأكد دخلت العربية ودوست على الفرامل ملقيتش فرامل فعلا .. فقلت الحمد لله اني وقفت وان الراجل وقفلي وطلع ميكانيكي

جاب الكوريك ورفع العربية .. في تسريب زيت فعلا .. الراجل قالي ان في حساس للفرامل اتكسر :o_stupid[1]:

قالي استناني هروح اجيبلك واحد تاني وعلبة زيت فرامل واجيلك

بعد فترة جه فعلا .. وزود زيت الفرامل وطلع الهواء منها .. وركبت الكاوتش .. حاسبته ومشيت

فضلت طول الطريق ماشي بالراحة علشان مقلق من الفرامل خصوصا انى حاسس ان دواسة الفرامل نزلت شوية :w6266d

المهم روحت البيت وكانت صلاة العشاء فاتتني طبعا من الوقفة على الدائري

فقمت علشان اتوضأ واصلي

في اللحظة اللى دخلت فيها علشان اتوضى .. الشيطان استلمني :evil:

انا كنت شاكك في ان في حاجة غلط فى الموضوع من اساسه .. لسببين هقولهم بعد شوية

دخلت فى الصلاة .. اول ما خلصت الصلاة قلت لمراتي انى اتنصب عليا :i_angr1[1]:!! (الشيطان ابن ال&^%# اقنعني طول الصلاة انه اتنصب عليا فعلا) واتأكدت من الكلام ده لما رحت التوكيل النهاردة

ليه بقه اتنصب عليا من الميكانيكي اللى وقفلي؟

انا كنت شاكك في الموضوع بسبب: :rfds:
1- اذا كان الحساس حسب ما ادعى الميكانيكي اتكسر .. طيب ليه الكاوتش سليم ومتناش حتى ولا الهوا اللى فيه اتسرب !!
2- السرعة الرهيبة والعجيبة اللى رجع بيها الميكانيكي (12 دقيقة بالضبط ولقيته واقف قدامي)
3- حسب ما ادعى ان في حساس الفرامل اتكسر .. مفيش حساس فى الفرامل اصلا (العربية مفيهاش اي بي اس)


ايه بقه اللى حصل (الشيطان هو اللى وسوسلي بكده وانا بصلي وهو ده اللى حصل فعل)

لما لفيت الكاوتش ناحية اليمين علشان الميكانيكي يكشف عليه (كما ادعى) قام الميكانيكي النصاب بفك خرطوم زيت الفرامل (وانا مش واخد بالي طبعا) وقام مطلع ايده وهيا مليانة زيت علشان يقنعني ان في مشكلة .. استغل في كده الخضة والخوف اللى كنت فيه لحسن يكون في حاجة حصلت فى العربية :pffft:

الظريف فى الموضوع ان النصاب ده قالي انه اشترى الحساس بـ 280 جنيه والزيت بـ 10 جنيه .. يعنى هو كان عايز 300 جنيه

مكانش معايا ساعتها غير 200 جنيه .. اديتله 200 جنيه بس واخدت عنوان ورشه ابوه .. وفعلا كنت هروح البيت اخد فلوس وانزله تاني اديله باقي فلوسه (كنت اهبل ساعتها فعلا http://www.nilemotors.net/nile/image..._55%5b1%5d.gif) كنوع من احترام الراجل ووقفته وانه فعلا دفع فلوس من جيبه علشان يساعدني وانا في عز الازمة على الدائري (كنت فاكرها مشكلة بجد لان ليا تجربة سابقة مع الفرامل برضه والحمد لله على كل حال) ومكنتش عايز اتأخر في فلوس على حد .. لكن الحمد لله على كل حال الواحد اكتشف انه اتنصب عليه :crying1:



على العموم ... انا بقول الحمد لله انه جت على قد كده احسن من ان العربية كلها تتسرق

والحمد لله على كل حال

---

حصل معايا اول مجبت الانوس عند مسرح البالون بس حساس الكرنك
وتاني مرة الموبينة بس الحمد الله دخله علي سنىة وشغالة
وياسلام لو معاك حريم او اطفال احلا استغلال ونصب

الحتة دي فيها ناس لبت كتير ...
أنا فاكر واحد حاول يوقفني عند الإشارة وكان واقف جنب أمين الشرطة ...
المهم وأنا معادي راح وبكل ثقة قايلي العجله نايمة ....
طبعا أنا ما وقفتش بس الواد قالها بثقة لدرجة إن حتي اللي قاعد جانبي الشيطان لاعبه ...
الكلام داه حصل وأنا قافل القزاز ومشغل التكيف ...وإللي يعيش ياما يشوف وتعيش وتاخد غيرها ...

فيه ناس بتحب تستغل المواقف

مره ماستر الدبرياج ضرب منى زيت فى الانسر والدبرياج نزل فى الأرض
كنت على الطريق الزراعى متجه للقاهره

ربنا رزقنى بواحد شدنى لحته ممكن اركن فيها العربيه وقالى انا ميكانيكى وهصلحالك
وراح بعربيته فعلا جابلى جلبة ماستر جديده وعلبة زيت باكم ورجع ركبهم

قولتله كتر خيرك حسابك كام وحساب الحاجات الى اشتريتها كام
قالى الحاجات الى جبتها ب 60 جنيه قولت هما كتير بس ماشى
ومصنعية ايدى 200 جنيه :O_stupid[1]:

قولتله ليه كده بس قالى انا عطلت نفسى ومش عارف ايه
المهم بالعافيه خد 120 جنيه + تمن الحاجه طبعا
وقولت الحمد لله وخلاص على كده

صديقي المواطن
طبعا مش حتكلم في نقطة وقفت ليه ما دامت العربية ماشية وكمان إزاي سبته يغيب فترة طويلة تحت العربية وهو بيحل خرطوم الفرامل وحتكلم في نقطة إنسانيه تهمني
أنا بشد على إزرك وبحب أقلك أنا معجب بأخلاقك الوطنية وبعلو إحترامك وسمو إخلاقك وعدم الفجور والمبالغة في المخاصمة وأرجوك أرجوك إوعه تتغير وكلما زاد الناس غيا فزد أنت إحساتا وكلما أساءت إليك الدنيا أو البشر فإصبر وإحتسب ولا تقابل اﻹساءة باﻹساءة وسيبك من كلام قصار النظر ممن هم حولك بتاع إوعه تكون طيب التاس تاكلك والمحترم ملوش عيش في البلد دي
وقولا واحدا إن الله لناصرك ولو بعد حين
وأخيرا أقول
غشيم ومحترم والناس تستغلك وتنصب عليك
فأشرف وأحسن من
شخصية ملزقة وبرم وحندق وصايع وتلعب في التيت والشريط ومحدش يعرف ياخد منك حق ولا باطل
إياك تشكك في نفسك ولا في مبادئك فالعيب مش فيك ولا عليك العيب كل العيب ممن أساء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ياجدعان انا اشتريت ازبل فرده كاوتش وانا ع الصحراوي ف الحظر ومعيش استبن ب 200 جنيه وكنت الساعه 2 بليل وكان يوم ميعلم بيه الا ربنا ولما وصلت رمتها والراجل كان عاوز ياخد ساعتي او موبايلي رهن ربنا ينتقم منه

الحمد لله انها عدت على كده بس مهم فعلا نفهم باقي القصه لما الراجل ده رجع ركب الحساس اللي جايبه ده ازاي والعربيه مفيهاش abs أصلا ده غير ان بدون الحساس العربيه بتمشي وتفرمل عادي بس بتفقد خاصيه ال abs مفعولها وبعدين لما رحت التوكيل مشافوش الحاجه اللي ركبها الراجل ده وقالولك عليها؟ الحمد لله مره تانيه وعدت على خير.

السلام عليكم ورحمة الله وبركاته
يعنى الراجل ده ماشى امام الحفرة 24 ساعة العربية الى تقع ينصب عليها
اكيد الراجل ده حاول يساعدك وممكن يكون الخرطوم فلت فعلاً ولو على سرعة الراجل
ممكن يكون نزل نزلة العمرانية انت تكلمة وتعطية حقة لانك ارتضيت الموضوع ولو نصاب
ربنا يعوض عليك

الموضوع مش إختراع ...هو حضرتك بتقول إنه سبلك عنوان ...روح العنوان وشوف ...
لو طلع العنوان حقيقي يبقي أكيد مفيش نصاب بيسيب عنوانه ...
لو العنوان طلع وهمي يبقي نصاب ...

اقتباس:

---

المشاركة الأصلية كتبت بواسطة saddam

صديقي المواطن
طبعا مش حتكلم في نقطة وقفت ليه ما دامت العربية ماشية وكمان إزاي سبته يغيب فترة طويلة تحت العربية وهو بيحل خرطوم الفرامل وحتكلم في نقطة إنسانيه تهمني
أنا بشد على إزرك وبحب أقلك أنا معجب بأخلاقك الوطنية وبعلو إحترامك وسمو إخلاقك وعدم الفجور والمبالغة في المخاصمة وأرجوك أرجوك إوعه تتغير وكلما زاد الناس غيا فزد أنت إحساتا وكلما أساءت إليك الدنيا أو البشر فإصبر وإحتسب ولا تقابل اﻹساءة باﻹساءة وسيبك من كلام قصار النظر ممن هم حولك بتاع إوعه تكون طيب التاس تاكلك والمحترم ملوش عيش في البلد دي
وقولا واحدا إن الله لناصرك ولو بعد حين
وأخيرا أقول
غشيم ومحترم والناس تستغلك وتنصب عليك
فأشرف وأحسن من
شخصية ملزقة وبرم وحندق وصايع وتلعب في التيت والشريط ومحدش يعرف ياخد منك حق ولا باطل
إياك تشكك في نفسك ولا في مبادئك فالعيب مش فيك ولا عليك العيب كل العيب ممن أساء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

الصديق العزيز صدام .. اشكرك على جميل كلماتك .. الحمد لله ان الواحد لسه محتفظ ببقيه من الاخلاق الطيبة وحب الخير للناس .. لان اللى بيحصل مع الواحد فى البلد دي بيخليه يفقدها تدريجيا .. ادعيلي بالثبات وربنا يكرم ان شاء الله

ملحوظة على كلامك .. مش هتصدق لو قلتلك ان الوقت اللى يادوب لفيت فيه الكاوتش وانا واقف بره العربية .. وقفلت الباب ورحتله .. كان كافي انه يحل خرطوم زيت الفرامل ويطلعلي ايده من ورا الكاوتش فيها زيت

اقتباس:

---

المشاركة الأصلية كتبت بواسطة ahmed_adham

الحمد لله انها عدت على كده بس مهم فعلا نفهم باقي القصه لما الراجل ده رجع ركب الحساس اللي جايبه ده ازاي والعربيه مفيهاش abs أصلا ده غير ان بدون الحساس العربيه بتمشي وتفرمل عادي بس بتفقد خاصيه ال abs مفعولها وبعدين لما رحت التوكيل مشافوش الحاجه اللي ركبها الراجل ده وقالولك عليها؟ الحمد لله مره تانيه وعدت على خير.

---

1- الراجل مجابش حساس ولا ركب حاجة اصلا .. والتوكيل قالي كل حاجة سليمة ومفيش اي مشاكل خالص فى الفرامل .. ولو كانوا لاحظوا ان في حاجة غلط كانوا قالولي (خصوصا ان القطعة اللى هو ركبها كما يدعي كانت لسه راكبه بقالها يومين .. يعنى هتبان)
2- العربية اصلا مفيهاش حساس .. وغير مجهزة لان يكون فيها حساس كما اخبرني مهندس الصيانة اللى خرج معايا لتجربة الفرامل قبل ما يكشف عليها)

اللى حصل انه لما رجع وانا كنت بكلم واحد صاحبي يجيلي علشان كنت خايف من ان الميكانيكي ده يسرق العربية كلها خصوصا اني على الدائري .. لما رجع طلب مني ادخل جوه العربية وافتحله الكبوت علشان يزود زيت الفرامل .. وعلشان يخرج الهوا من خرطوم الفرامل بيطلب مني ادوس فرامل واسيب بشكل متتابع وبعدها ادوس دوسة جامدة .. علشان كده طول الفترة اللى هو كان بيركب فيها الحساس الوهمي ده .. انا كنت فى العربية ومكنتش واقف على راسه
الحمد لله على كل حال

اقتباس:

---

المشاركة الأصلية كتبت بواسطة hulkyehia

السلام عليكم ورحمة الله وبركاته
يعنى الراجل ده ماشى امام الحفرة 24 ساعة العربية الى تقع ينصب عليها
اكيد الراجل ده حاول يساعدك وممكن يكون الخرطوم فلت فعلاً ولو على سرعة الراجل
ممكن يكون نزل نزلة العمرانية انت تكلمة وتعطية حقة لانك ارتضيت الموضوع ولو نصاب
ربنا يعوض عليك

---

وعليكم السلام ورحمة الله وبركاته
1- في فرق انه يكون واقف قدامها وانه كان ماشي معايا ولما حصل اني وقعت فى الحفرة ووقفت راح واقفلي .. وبين انه ينصب عليا في فرصة لقاها قدامه واستغلها
2- لو الخرطوم فلت فعلا .. ايه لازمة اختلاق قصة الحساس دي؟؟!!
3- جرب حضرتك كده في اي يوم .. الساعة 5 ونص من نزلة البحر الاعظم .. كمل لحد نزلة الطالبية وانزل منها .. اركن وانزل اشتري اي كيس شيبسي حتى .. ولف من تحت الدائري وارجع تانى لحد مخرج البحر الاعظم بس من الناحية التانية .. وشوف هتاخد منك وقت قد ايه (لا يمكن باي حال من الاحوال انها تكون اقل من 20 دقيقة).. فما بالك بانه نزل دور على محل يشتري منه قطع غيار للكيا واشترى الحساس ورجعلي كمان .. مع الاخذ فى الاعتبار ان عربيته 128

اقتباس:

---

المشاركة الأصلية كتبت بواسطة anxs111

الموضوع مش إختراع ...هو حضرتك بتقول إنه سبلك عنوان ...روح العنوان وشوف ...
لو طلع العنوان حقيقي يبقي أكيد مفيش نصاب بيسيب عنوانه ...
لو العنوان طلع وهمي يبقي نصاب ...

---

اكيد كلامك صحيح .. وانا فعلا بفكر في كده .. لكن مش هتصدق لو قلتلك انه في كلامه قالي على حاجات متناقضة .. في الاول قالي انه كان فاتح ورشة فى اكتوبر وبعدين قفلها لما عمل حادثة وفتح ورشة فى فيصل بيشتغل فيها بليل بعد ما يخلص شغله الصباحي فى مقار (الكلام ده كان اثناء تركيب الحساس) .. بعد ما خلص واثناء ما بحاسبه لما لقيت الفلوس مش هتكفي سألته انت ورشتك فين وانا هجيلك بالفلوس .. تخيل قالي ايه؟؟ قالي انا ورشتي في الحرفيين ... بس ممكن تعدي على ورشة الحاج والده فى الرمايه .. قلتله فين فى الرماية؟؟ قالي عارف جاد؟ الشارع اللى بعديه على طول يمين هو والده فاتح ورشه هناك اسمه ابراهيم مرجان (ياريت حد يفيدنا هل فعلا في حد بالاسم ده هناك ولا لأ)
يعنى من اكتوبر لفيصل لمقار للحرفيين للرماية .. اروحله فين بقه؟

اقتباس:

---

المشاركة الأصلية كتبت بواسطة qkash.com

هو مش جابلك حساس فعلاً و زيت....مش ممكن يكون هو صادق وانت مش واخد بالك

انا علي فكرة مش بكذبك بس بافترض حسن النية...واكيد هو اشترالك حاجة فعلاً والله اعلم تمنها كام طبعاً بس هو اشتري حاجة

المفروض انك انت اللي تعرف وتوضحلنا هو اشتري ايه بظبط وركبه

عموماً انا بحاول افهم تفاصيل اكتر ومش عايزك تفترض سوء النية ويرجع عليك الأمر بذنب ويكون هو مظلوم

وانت مدين له بباقي المبلغ

والله ده خوف عليك من ذنب قد تقع فيه "هو مش قريبي ولا انا بدافع عنه ولا اعرفه اصلاً ولو نصاب ربنا ينتقم منه ويعوضك بالخير"

ولكن خوفي عليك انت من انك تظلمه وتتحمل ذنب بدون قصد

---

اتمنى ان الردود والتوضيحات السابقة كافية لتوضيح اللبس اللى حاصل .. ثانيا انا والله العظيم مش هتفرق معايا الـ 100 جنيه الباقية علشان ادخل فيها النار .. لكن والله العظيم لو انا عندي شك انه مكانش في نصب ولا حاجة والله كنت رحت اديتله الفلوس

بس انت قولت ان الدواسه كانت واطيه فعﻻ وامت بتوقغ العربيه ... وبعدين عمر الشيطان ما كان كﻻمه صح

الحمد لله انها جت سليمه بس المفروض انت واقف و شايف هو جاب ايه معاه ولا مجابش حاجه اصلا و بعدين دخلت تكارك فرامل و افضل حل انتك تروح العنوان ده انت و كام واحد صاحبك و تعرف الدنيا ماشيه ازاى عشان مياخدش منك فلوس ميستحقهاش او يبقى ليه فعلا فلوس و فيه حاجه فعلا باظت

معلش انا شايف كل الحوار دا كلة بس مقدرتش افهم برضة
هوا حضرتك مشفتش كان شارى اية بظبط و بعد كدة ركبة و حاسبك علية ؟؟!!

اكيد كان فى حاجة فى ايدة على الاقل كيس مثلا طلع منة اى حاجة حضرتك تشفها بعينك حتى لو واقف على الجنب التانى من العربية !!

حصل معايا موقف مشابه وفي نفس المكان ،،من سنه تقريباً بس كانو 2 مش ميكانيكي واحد كمان ،، وشغل النصب على الدائري كتير اوي ،، ربنا يسترها معانا مبقاش فيه ضمير ولا اخلاق المهم يطلع منك باي مصلحه .

شفت حاجات في ايده .. لكن عمري ما هفهم ايه بالضبط اللى معاه ده

كان معاه علبة زيت فرامل .. وحاجات تانية في ايده انا مش فاهمها

صحيح انى غلطت وموقفتش على راسه وهو بيركب الحساس اللى بيقول عليه .. واني سمعت كلامه ودخلت العربية علشان اكارك الفرامل .. بس يلا الحمد لله

على العموم .. ربنا ما يجعل حد فى موقف زي ده .. وانا كاتب الكلام ده علشان ناخد بالنا

احمد ربنا انك بخير
وان السياره ما اتخدتش منك

على كوبرى اكتوبر يوم 5 اكتوبر حرامى بموتسكل سرق موبيل من اتجاه رمسيس
وهرب فى الاتجاه المعاكس اتجاه عبدالمنعم رياض ربنا ارد ان ادخل فيه الحرامى رمى نفسه على وش السياره
والموتوسيكل نزل تحت السياره
زجاج السياره ادمر لأنه دخل فيه براسه نصف الاكصدام مش موجود اصلا رفرف اتبهدل كشاف الكبير بالاشاره
كشاف شبوره
عموما الحمد لله
احمد ربنا

يلطيف اللطف يارب

متفكرنيش....شفتهم قدامي فجأه...رميت شمال فجأه...بصيت في المرايه لقيت ترلا في شنطه بتعتي...تعبت من المفجأه ونزلت دمعتيييييييييييييييي