موبيل وان وتويوتا كرولا

**hero** · 08-07-2007 09:02 PM

يا جماعه بخصوص الزيت ايلي عرفتة من المواقع ايلي برة...
انة من الافضل تغيير الزيت علي فترات قريبة يعني كل 3 آلاف او 5 آلاف كيلو ...ولو كان زيت طبيعي يبقي احسن من الزيوت المخلقة..
وفي ناس كانت بترجح استخدام زيت طبيعي وعادي جدااا وتغيرة علي الف كيلو او الف ونص بالكتير...
علي اساس ان دة بيضمن ان الزيت دايما بحالة جدية جداااا وان لو في اي مشاكل هاتبان علي طول ...
بس المشكلة انة هايكوت مكلف اكتر من الزيت المخلق ...وهايضيع وقت زيادة في عملية التغيير كل 3 الاف كيلو مثلا...

بس لو العربية غالية زي الكورولا مثلا ...يبقي الاحسن ان الواحد يستخدم زيت بحد اقصي 5 آلاف...

علي فكرة الوالد رغم ان العربية لادا....الا انة بيضر علي تغيير الزيت علي الف كيلو...وطبعا ززيت عادي ...من ابو 40 جنية ..موبيل بس الحق ايلي يشوف موتور العربية او يسمعه ما يصدقش انة معدية الـ 130 الف ...ما شاء الله...

**أبو عبدالله** · 08-07-2007 09:15 PM

للأمانه انا بستخدم موبيل وان من زمان في النوبيرا والعربيه دخلت دلوقتي في الـ 80 الف كيلو ولا يوجد اي مشكلة

العيب ليس في موبيل وان المشكلة ان فيه منه في السوق مضروب
ولكن ان كان مش مضروب فهو أكفأ من غير كلام

**memo_hefnawy** · 08-07-2007 10:42 PM

موبيل سئ جدا عن تجربة بس مش موبيل وان أنا كنت جربت ال Xhp و جربت بعده total

مش عايز أقول إن الفرق ما بينهم فرق السما من العمى

التوتال معايا و مع كذا حد بينعم صووت الموتور أوى أوى و الموبي جمبه مايسواش 3 تعريفه مش أغلى منه كمان

الشيل طبعا حلو بس مش جربته

إمارات مصر برده حلو بس عن سمع

**Abdallah** · 08-07-2007 10:44 PM

انا اشتريت اول امبارح زيت شل هيلكس 5000 كم بـ 68 جنيه والزين صناعة مصرية وليس مستورد وان شاء الله لسة هجربه كمان 1000 كم وربنا ييسر ونشوف ولكن اذا كان الكلام مطابق للريفيوهات الى عليه يبقى فعلا الزيت دة بالسعر دة اكثر من ممتاز وخصوصا ان الموبيل سوبر بيقعد 3000كم وبـ 75 جنيه.

**memo_hefnawy** · 08-07-2007 11:06 PM

تمام هو فعلا مصرى و أنا سألت قبل كده فى كذا محطة شل قالولى زمان كان مستورد دلوقت لأ

و الموبيل السوبر ال xhp مش مكتوب عليه كام كم و ناس بتغيره 3 و ناس بتقول ده 5 و سعره 75 جنيه ! و منيل

التوتال مكتوب عليه 5000 و ب 57 جنيه و بينعم الموتور جدا

**أبو_حمزة** · 09-07-2007 09:44 AM

توتال 5000 لزوجته كام؟
على فكرة شل هيلكس بلس 10-40
تمنه 140 ويقعح لحد 8000-10000

**اسلام المصرى** · 11-07-2007 09:17 PM

المشاركة الأصلية كتبت بواسطة أبو عبدالله

للأمانه انا بستخدم موبيل وان من زمان في النوبيرا والعربيه دخلت دلوقتي في الـ 80 الف كيلو ولا يوجد اي مشكلة

العيب ليس في موبيل وان المشكلة ان فيه منه في السوق مضروب
ولكن ان كان مش مضروب فهو أكفأ من غير كلام

أنا مع كلام الأخ الفاضل أبو عبدالله أنا بستعمل موبيل وان فى سيارتى الجديدة و لا مشاكل حتى الأن ده تانى مره أستعمله أنا لسه عامل 13000 كم وكشفت عليه اليوم بعد ماقريت الكلام المكتوب هنا لأنى الصراحة قلقت شوية :) ولكن الحمد لله وجدته تمام المقاص مظبوط واللون عسلى غامق سنة بسيطة من أخر تغيير بقاله 3500 كم و ربنا يستر ويكفينا شر الغششاشين !

**Nile Heart** · 11-07-2007 11:35 PM

المشاركة الأصلية كتبت بواسطة أبو عبدالله

للأمانه انا بستخدم موبيل وان من زمان في النوبيرا والعربيه دخلت دلوقتي في الـ 80 الف كيلو ولا يوجد اي مشكلة

العيب ليس في موبيل وان المشكلة ان فيه منه في السوق مضروب
ولكن ان كان مش مضروب فهو أكفأ من غير كلام

انا مع الكلام ده تمامآ

البلد مليانه بالمنتجات المضروبه من الأقلام الرصاص وحتى السيارات (برجاء التعرف على السياره اكسبلوجن)
والعقل بيقول ان مش منطقى شركه زى تويوتا بجلالة قدرها توصى بزيت بهذا السوء
انا عامل اكتر من 86 الف مع موبيل ون (فى التوكيل وفى محطات موبيل) ولم يحدث أى شىء غير طبيعى أو حتى نقص فى الزيت خلال ال 10 الاف عمر الزيت

**doublerisk** · 12-07-2007 12:51 AM

يا اخوانا ليه ماحدش بيشتكي طالما الحكاية بقت فضيحة ووصلت للدرجة دي !!!

يعني ايه اكبر محطات بترول في مصر والعالم كله زي موبيل يبقوا نصابين لهذه الدرجة بلا اي سيطرة كده !!!!!!!!!

الناس اللي اتأذت بشكل مباشر من الموضوع ده وواثقة في كلامها اوي كده المفروض تاخد حقها ... مش كده ؟؟؟؟

هو طبعا مقاطعة الشركة دي والتوجه للمنافسين يعتبر وسيلة ضغط عليهم بس متهيالي لازم يكون فيه تحرك قانوني ... يعني تفتكروا لو فعلا كلامكو ده صحيح وان الموضوع وصل لدرجة ان الزيت اللي باكتر من 200 جنيه ده غير مطابق للمواصفات بالمرة حصل في اي بلد في الدنيا الموضوع هيفضل نايم كده من غير ماكل واحد ياخد حقه ؟؟؟؟؟؟

عموما انا كل الناس اللي اعرفهم وفيهم صاحب مكتب تاجير سيارات بيستخدم موبيل وان بدون اي مشاكل وبيقول عليه ممتاز !!!

والله اعلم ......