محتاج تشخيص عطل لو سمحتم عشان زهقت من الميكانكية !!

**the necromance** · 06-12-2013 11:15 AM

السلام عليكم
محتاج رأيكم لااي بجد تعبت من الميكانكية اللي على قد حالهم عندنا وشعالين بالبركة
العربية دايو جوليت 2004 ماشية 120 الف
لسه عامل سرفيس كامل وتنضيف وطقم بوجيهات وحاجات كلها gm اصلي

اول مشكله: في الدركسيون الباور تقيل ومؤخرا بحس بحاجه غريبه على السرعه ان العجل مش بيستجيب مظبوط مع حركة ايدي مش قادر اوضح ازاي بالظبط بس فيه برجله غريبه في الدركسيون مش متظبط خالص

تاني مشكله: الغيار الاول والتاني بيعض وبعافر معاهم عشان يركبوا وبعد ما الغيار يركب بحس بتقطيعه في العربيه اول ما ادوس بنزين خصوصا على التالت والرابع

ياترى الحاجات ديه من ايه وايه حلها ؟
وياريت لو حد يعرف ميكانيكي او مركز صيانه محترم في اسكندرية يشوف العربيه محتاجه ايه ويرجعها عروسه اكون شاكر جدا :)

مع الشكر

**the necromance** · 07-12-2013 06:57 PM

ارجو الاهتمام ياشباب

**amro1965** · 07-12-2013 09:58 PM

كلام حضرتك حصل معايا بعد ماعملت شغل فى العفشه
وحصل الاتى
اولا حسيت كأن الدريكسيون تقيل ولما سألت قال لي العفشجى هيروح مع الوقت وبالفعل راح مع الوقت
ثانيا حسيت ان الغيار بيعض ومش بيثبت فى مكانه لدرجة ان بعض الاعضاء قالوا لى زود زيت الفتيس هو السبب بالفعل غيرت زيت الفتيس ولكن المشكله كانت زى ماهى وكان السبب ان سلك الدبرياش كان عايز يتظبط وبالفعل ظبطه الميكانيكى وبقى تمام وليس العيب من زيت الفتيس
لكن فى الشتاء ممكن يعض خفيف عند الصباح نظرا لبروده الجو لكن لما السيارة بتسخن الامور بتصير اسهل
هذا ماحصل معى