فليشيا 98 تغيير الرادياتير الى اّخر ألمونيوم
أصدقائى الأعزاء, تحيه طيبه اليكم جميعاً....انا من خبرة حضراتكم ومساعدتكم الجميله عرفت ان الرادياتير الصينى الألومونيوم للفليشيا أفضل بكتير من الأصلى بتاعها, وانا نويت أغيره وأركب ألمونيوم بنفسى, ولكن انا بصيت على المنطقه اللى تحت الكاربراتير لاقيت فيه صدى وتأكل فى الصباع اللى بيركب فيه خرطوم المياة اللى هو الخرطوم الصغير اللى انا اعتقد له علاقه بدرجه الحراره عشان العربيه لما تسخن تهدى على السلنسيه, وعايز النصيحه من فضلكم أعمل ايه فى الموضوع ده قبل ما أركب الرادياتير الجديد عشان يبقى على نضيف, هل يمكن تصليحه وصبه من جديد ويبقى عند مين من الصنايعيه؟
أو هل لازم أغير البلكه اللى فوق دى كلها؟ ولا أعمل ايه بالضبط , ولكم جزيل الشكر
