الحل النهائي لسخونة الفيلشيا

**samehlila** · 08-12-2013 09:24 AM

بسم الله الرحمن الرحيم
تم عمل التعديلات الآتية علي سيارة فيليشيا 96 مكيفة
مقدمة
نظرا لخطة بيع السيارة الفيليشيا في الدول البارده و التي يتجمد فيها سائل التبريد و الوقود لذا لزم عمل دورة التبريد نصف دورة فقط و ليس دورة كاملة و عمل تسخين للوقود قبل عملية الاحتراق و عمل تسخين للهواء الموجود بالمانيفولد و يتمثل التسخين في دخول المياة الساخنه حول مواسير التغذية بالكربراتير و عمل سخان بداخل جسم الكربراتير و دخول الماء الي جسم المانيفولد
خطوات العمل
1 يتم قص خرطوم المياة الرفيع الخارج من كوعة التبريد و سده ببوجية او ازالة الخرطوم من الاساس ووضع طبه كاوتشوك عليه و ربطها بقفيز معدني
2 - يوجد اتنين خرطوم خارجين خلف الموتور من تحت ماسورة المياة المعدنية يتم الغاء اي واحد فيهم و تركيب الثاني طرف الثاني مكان الملغي - بعبارة ابسط اقفلهم في بعض الماسورتين و هنسيب المواسير المعدنية الخارجه من المانيفولد و الكربراتير ناحية السيور فاضية
بكده يبقي المية هتخرج من ماسورة الرادياتير علي الكوعه علي الموتور علي الطلمبة و ترجع تاني الرادياتير يعني الدورة تمام
فاضل حاجه بسيطه هنعملها و هيه ان فيه سلك موجود علي الكربراتير جنب الخراطيم الملغية و ده هنقصه لانه سخان داخل الكربراتير للبنزين و هنخللي بالنا انه يكون السلك الموجود في الجنب الشمال للموتور و ليس الموجود بالخلف لان الموجود بالخلف ده سلك بيك السلانسيه
ممكن نعمل حاجه زياده اننا نغير الترموستات بواحد درجته 68 : 72 بس المروحه هتشتغل كتير

النتيجه درجة الحرارة مش بتوصل للشرطة الموجوده في النص اللي هيا 90 درجة
تم تصوير العملية و جاري رفعها
ويرجي التثبيت لتعم الفائده
م - سامح ليله

**mehles** · 08-12-2013 07:57 PM

السلام عليكم
عايز اعرف من حضرتك هل الاتشوك شغال عندك بعد قص السلك والغاء الخرطومين من الكاربراتير ام انه اصلا مش شغال ..........لان الخرطومين والسلك دة موجودين لتسخين زمبرك داخل الاتشوك وطبعا الزمبرك ده يتمدد بالحرارة فيفتح باب الكاربراتير(بعملية ميكانيكية بسيطة) بعد ان تكون السيارة سخنت فى الصباح وينزل الار بى ام لمعدل السلانسية 800 لفة مثلا بعد ان كان 1400 مثلا ودةمهم وخصوصا فى الشتاء بدل ما تقعد تسخن فى العربية وساند البنزين علشان العربية ما تبطلش...اما بالنسبة للخرطومين اللى جنب الكوعة دول بتوع الدفاية والغائهم احسن كما تفضلت حضرتك وخصوصا انهم غالبا بيسربو.........الف شكر

**sakr_skoda** · 08-12-2013 08:14 PM

شوقتنا للصور ياريت نشوف الصور ....

**sakr_skoda** · 08-12-2013 08:41 PM

المشاركة الأصلية كتبت بواسطة samehlila

1 يتم قص خرطوم المياة الرفيع الخارج من كوعة التبريد و سده ببوجية او ازالة الخرطوم من الاساس ووضع طبه كاوتشوك عليه و ربطها بقفيز معدني

م - سامح ليله

الخطوة دى انا مش فاهمها لأن عندنا فى كوعة المية خرطومين واحد رفيع رايح للقربة والثانى غليظ ذاهب الى الريداتير فهل قصد حضرتك اننا نقص الخرطوم الرفيع اللى رايح للقربة!!!!!!!!!!!! بجد مش فاهم وياريت تفسير اكتر او ترفع لينا الصور....*

**aw2100** · 08-12-2013 11:18 PM

المشاركة الأصلية كتبت بواسطة mehles

السلام عليكم
عايز اعرف من حضرتك هل الاتشوك شغال عندك بعد قص السلك والغاء الخرطومين من الكاربراتير ام انه اصلا مش شغال ..........لان الخرطومين والسلك دة موجودين لتسخين زمبرك داخل الاتشوك وطبعا الزمبرك ده يتمدد بالحرارة فيفتح باب الكاربراتير(بعملية ميكانيكية بسيطة) بعد ان تكون السيارة سخنت فى الصباح وينزل الار بى ام لمعدل السلانسية 800 لفة مثلا بعد ان كان 1400 مثلا ودةمهم وخصوصا فى الشتاء بدل ما تقعد تسخن فى العربية وساند البنزين علشان العربية ما تبطلش...اما بالنسبة للخرطومين اللى جنب الكوعة دول بتوع الدفاية والغائهم احسن كما تفضلت حضرتك وخصوصا انهم غالبا بيسربو.........الف شكر

خرطومين المية السخنة اللى فى الكاربراتير دول مهمين جدا مش للاتشوك بس دول وظيفتهم الأساسية تسخين قاعدة الكاربراتير وبالتالى تسخين البنزين الداخل للكاربراتير وتحويلة لبخار بنزين وده بيساعد على سرعة الأشتعال داخل السلندر والأحتراق الكامل للبنزين وده بيرفع من القدرة الحصانية للموتور ويمنع خروج هباب من الجكمان فلو لغيت الخراطيم دى حتلاقى سحب العربية بقى زفت وتستهلك بنزين زيادة وحتلاقى هباب جامد فى الجكمان تحياتى !!!!!

**sakr_skoda** · 09-12-2013 07:04 PM

المشاركة الأصلية كتبت بواسطة samehlila

بسم الله الرحمن الرحيم
عملية رفع عدد اللفات للتسخين في السيارات الحديثة تعتمد علي الايدل ستيبر موتور انما في سياراتنا الفيليشيا و مثيلاتها التيمبرا و الشاهين و الفيات عموما بتعتمد علي فاكيوم و ده عبارة عن علبة مفرغه بها طبله كاوتشوك و بيخرج منها خرطوم رفيع من ناحية داخل علي سحب هواء الكربراتير و نتيجه لده بيشد زراع بتركب جنب واير الاكسراتير في الكربراتير
لما بتبقي العربية بارده بيبقي فيه بوابة صغيرة مفتوحه في الكربراتير بتعمل شفط هوا بيدخل الفاكيوم فبيشد الكاوتشه اللي جواه اللي بتشد الزراع فيفتح بوابة السلانسية فترتفع اللفات و لما تسخن العربية بوابة الكربراتير بتقفل فمش بيبقي فيه شفط للفاكيوم فبيرجع تاني
م - سامح ليله

بسم الله مشاء الله الله اكبر بجد مهندس فاهم بس انتا ليه مرضيتش على سؤالى؟؟؟؟؟؟؟؟؟

الموضوع: الحل النهائي لسخونة الفيلشيا

LinkBack

أدوات الموضوع

عرض

-

-

-

المواضيع المتشابهه

الحل النهائي للنصب ....... احفظ حقك

الحل النهائي لسخونة الفليشيا

مرايه الماروتي و الحل النهائي

الحل النهائي لفيرس الاوتورن

الحل النهائي لتوكيل فولكس

الكلمات الدلالية لهذا الموضوع

المفضلات

المفضلات

ضوابط المشاركة