بيجو 301 _ شفتها النهارده .. بس منزعج جدا

**Akram.Gamal** · 06-12-2013 11:12 PM

المشاركة الأصلية كتبت بواسطة mahmed0100

يعني لو قافل الازاز و بسمع ام كلثوم .. حكون سامع الموتور بيلحن معايا يا اكرم ؟. :))

لا يا معلم انت هتقفل الازاز و تسمع اللحن بس .. ام كلثوم صوتها مبحوح

**bedo84** · 06-12-2013 11:19 PM

المشاركة الأصلية كتبت بواسطة mahmed0100

ايه اضرار صوت الموتور العالي بالنسبه ليك ؟ و الصوت اللي سمعته عالي مقارنه بايه ؟
انا كمان شفتها ٤ مرات في شارع الهرم في نص ساعه النهارده بالوان مختلفه

يا باشا انا كنت معايا لوجان وصوتها عالي وعايز ادفع 108000 واركب عربيه مانيوال بيجو 301 وبعدين الاقي نفس الصوت بل اكتر من اللوجان كمان .. العربيه صوتها عمل زي عربيات السبق فففففففففنننن .. انا عايز عربيه عائليه هاديه ومريحه في عفشتها

انا مش عارف ايه ال قلب السوق كدا لا بيجو ولا صني ولا ابترا عربيات زفت كلها مش عارف اجيب ايه كويس والله احترت

**mahmoud_afifi** · 06-12-2013 11:22 PM

المشاركة الأصلية كتبت بواسطة eng.salama93

والله لما قولت الكلام دا قبل العربية ما تنتشر الناس كان ناقص يشتموني :o_stupid[1]:

ههههههههههههههههه ماهو الناس مابتصدقش الا لما تجرب الحاجه بنفسها.
و في حاجه كمان ان ملاك العربيه اتعودوا على صوت العربيه العالي انما اسأل حد محايد هيقول نفس الكلام بتاعك وبتاعي

**amrelsaqqa** · 06-12-2013 11:30 PM

لا انا معايا العربية بس بقول صوتها عالى عادى جدا وفيه سنة خشونة كمان ، يعنى في السلانسيه لو ركزت قدام العربية اوى بسمع زي تكتكة خفيفة كدة ، بس اداء الموتور ممتاز وفي الاربي ام المتوسط صوته كويس مش مؤذي وفي الار بي ام العالى صوته لذيذ وتحب تسمعه ويحسسك بالقوة

بيتهيألى بعد تغيير الزيت في الـ 10 الاف الموضوع هيختلف خالص ، بفكر احط زيت تانى غير توتال ، بس مش عارف لسة ، فاكر لما قلتلى يا اكرم بلاش تفكر ، اهو انا ساعتها مكنتش بفكر وبدات افكر بعدها ههههههههه

المهم ان الزيت بتاع التوكيل موبيل ده مش هحطه خالص طبعا

**amrelsaqqa** · 06-12-2013 11:34 PM

المشاركة الأصلية كتبت بواسطة mahmed0100

اكرم .. عمرو

هههههههههههههه مش عارف ليه مش متفائل المره دي منكم

هههههههه لا عايز الجد ، لو قافل الازاز ومشغل حاجة ، مش هتسمع صوت الموتور الا لو بتشد

**mahmed0100** · 06-12-2013 11:35 PM

المشاركة الأصلية كتبت بواسطة bedo84

يا باشا انا كنت معايا لوجان وصوتها عالي وعايز ادفع 108000 واركب عربيه مانيوال بيجو 301 وبعدين الاقي نفس الصوت بل اكتر من اللوجان كمان .. العربيه صوتها عمل زي عربيات السبق فففففففففنننن .. انا عايز عربيه عائليه هاديه ومريحه في عفشتها

انا مش عارف ايه ال قلب السوق كدا لا بيجو ولا صني ولا ابترا عربيات زفت كلها مش عارف اجيب ايه كويس والله احترت

مش احسن من الصني اللي صاجها ورق كرتون ؟ معلش هو ده سوق مصر
انا صاحبي في السعوديه راكب فورد فوكس ب 30 الف ريال
لنا الله في مصر

**mahmed0100** · 06-12-2013 11:38 PM

المشاركة الأصلية كتبت بواسطة amrelsaqqa

هههههههه لا عايز الجد ، لو قافل الازاز ومشغل حاجة ، مش هتسمع صوت الموتور الا لو بتشد

طمنتني يا راجل كنت حنزل اجمع اغاني امنم و امسح اغاني ام كلثوم و استعد لموتور البورش ههههههههههه

**amrelsaqqa** · 06-12-2013 11:52 PM

المشاركة الأصلية كتبت بواسطة bedo84

يا باشا انا كنت معايا لوجان وصوتها عالي وعايز ادفع 108000 واركب عربيه مانيوال بيجو 301 وبعدين الاقي نفس الصوت بل اكتر من اللوجان كمان .. العربيه صوتها عمل زي عربيات السبق فففففففففنننن .. انا عايز عربيه عائليه هاديه ومريحه في عفشتها

انا مش عارف ايه ال قلب السوق كدا لا بيجو ولا صني ولا ابترا عربيات زفت كلها مش عارف اجيب ايه كويس والله احترت

من ناحية مريحة في عفشتها فهى مريحة جدا ما تقلقش ، مش ناشفة خالص ، العفشة انا شايفها ممتازة
موضوع الصوت العالى ده حاجة وحشة ليه ؟ لانها بتفكرنا بالعربيات القديمة ، يعنى وحشة نفسيا مش اكتر ، يعنى انا سمعت صوت موتورها في الاول فكرنى شوية بالـ 504 ، طبعا هو مش نفس الصوت ، بس فكرنى بيه
انما بعد كدة وانا جوة العربية مش سامع حاجة ، وكل اصحابى اللى ركبوا معايا ما لاحظوش اي حاجة ، انا كنت بركب مع صاحبى الـ 307 قبل ما اشتري عربيتى وكان لما يشد بيها واسمع صوت الموتور احس بالقوة ، اسد بجد بيجري ...

بص ، هو ايه اللى يحيرك ؟ حاجة واحدة يبقى معاك فلوس مش عارف تجيب ايه ولا ايه ، وياترى لو جبت دى يبقى احسن ولا اجيب دى ، وهكذا ...

انما معاك 108 الف
احسن عربية في السوق بدون منازع وبدون مبالغة بالسعر ده هى البيجو 301 مانيوال

الميزة في العربية دى انك كل ما تفتكر ان الاكسنت المانيوال بـ 115 وهى بـ 108 ، تحبها اكتر ولو حاجة بسيطة فيها مضايقاك تعديهالها